ਵਿਆਹੁਤਾ ਦੀ ਲਾਸ਼ ਮਿਲੀ

ਨਿੱਜੀ ਪੱਤਰ ਪ੍ਰੇਰਕ
ਅੰਬਾਲਾ, 7 ਅਕਤੂਬਰ
ਅੰਬਾਲਾ ਸ਼ਹਿਰ ਦੇ ਪਰਸ਼ੂਰਾਮ ਨਗਰ ਦੀ ਮੰਗਲਾ ਕਾਲੋਨੀ ਵਿੱਚ ਇੱਕ ਵਿਆਹੁਤਾ ਔਰਤ ਦੀ ਘਰ ਵਿਚੋਂ ਲਾਸ਼ ਮਿਲੀ ਹੈ। ਔਰਤ ਦੀ ਪਛਾਣ ਮੋਨਿਕਾ (29) ਵਜੋਂ ਹੋਈ ਹੈ। ਉਸ ਦੇ ਨੱਕ ਅਤੇ ਮੂੰਹ ’ਚੋਂ ਖ਼ੂਨ ਨਿਕਲ ਰਿਹਾ ਸੀ ਧੌਣ ’ਤੇ ਸੱਟਾਂ ਦੇ ਨਿਸ਼ਾਨ ਸਨ। ਮ੍ਰਿਤਕਾ ਦੀ ਮਾਂ ਦਾ ਦੋਸ਼ ਹੈ ਕਿ ਕਿਸੇ ਅਣਪਛਾਤੇ ਵਿਅਕਤੀ ਨੇ ਉਸ ਦੀ ਧੀ ਦਾ ਗਲ਼ ਘੁੱਟ ਕੇ ਕਤਲ ਕੀਤਾ ਹੈ। ਸੂਚਨਾ ਮਿਲਣ ਮਗਰੋਂ ਅੰਬਾਲਾ ਸਿਟੀ ਸੈਕਟਰ-9 ਥਾਣਾ ਪੁਲੀਸ ਨੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਪੁਲੀਸ ਨੇ ਮ੍ਰਿਤਕਾ ਦੀ ਮਾਂ ਕੌਸ਼ਲਿਆ ਵਾਸੀ ਬਰਦਾਹ ਬਜ਼ਾਰ ਜ਼ਿਲ੍ਹਾ ਹਰਡਿਆ ਨੇਪਾਲ ਹਾਲ ਜਲਬੇੜਾ ਰੋਡ ਅੰਬਾਲਾ ਸ਼ਹਿਰ ਦੀ ਸ਼ਿਕਾਇਤ ’ਤੇ ਅਣਪਛਾਤਿਆਂ ਖ਼ਿਲਾਫ਼ ਮਾਮਲਾ ਕੇਸ ਦਰਜ ਕਰ ਲਿਆ ਹੈ।