ਆਈਪੀਐੱਸ ਅਫ਼ਸਰ ਦੀ ਧੀ ਦੀ ਹੋਸਟਲ ਦੇ ਕਮਰੇ ’ਚੋਂ ਲਾਸ਼ ਮਿਲੀ

ਲਖਨਊ, 1 ਸਤੰਬਰ
ਰਾਮ ਮਨੋਹਰ ਨੈਸ਼ਨਲ ਲਾਅ ਯੂਨੀਵਰਸਿਟੀ ਦੀ ਵਿਦਿਆਰਥਣ ਅਤੇ ਆਈਪੀਐੱਸ ਅਫ਼ਸਰ ਦੀ 19 ਵਰ੍ਹਿਆਂ ਦੀ ਧੀ ਅਨਿਕਾ ਰਸਤੋਗੀ ਦੀ ਸ਼ਨਿਚਰਵਾਰ ਰਾਤ ਉਸ ਦੇ ਹੋਸਟਲ ਦੇ ਕਮਰੇ ’ਚੋਂ ਲਾਸ਼ ਮਿਲੀ ਸੀ। ਉਹ ਬੀਏ ਐੱਲਐੱਲਬੀ (ਆਨਰਜ਼) ਦੀ ਤੀਜੇ ਵਰ੍ਹੇ ਦੀ ਵਿਦਿਆਰਥਣ ਸੀ। ਯੂਨੀਵਰਸਿਟੀ ਮੁਤਾਬਕ ਉਸ ਦੀ ਮੌਤ ਦਿਲ ਦਾ ਦੌਰਾ ਪੈਣ ਕਾਰਨ ਹੋਈ ਹੈ। ਰਸਤੋਗੀ ਦਾ ਪਿਤਾ 1998 ਬੈਚ ਦਾ ਆਈਪੀਐੱਸ ਅਧਿਕਾਰੀ ਹੈ ਅਤੇ ਉਹ ਇਸ ਸਮੇਂ ਕੌਮੀ ਜਾਂਚ ਏਜੰਸੀ ’ਚ ਤਾਇਨਾਤ ਹੈ। -ਪੀਟੀਆਈ