ਭਾਰਤ ਦੇ ਚੀਫ ਜਸਟਿਸ ਨੇ ਤਿਰੂਮਲਾ ਦੇ ਮੰਦਰ ’ਚ ਮੱਥਾ ਟੇਕਿਆ

ਤਿਰੂਪਤੀ, 29 ਸਤੰਬਰ
ਭਾਰਤ ਦੇ ਚੀਫ ਜਸਟਿਸ ਡੀਵਾਈ ਚੰਦਰਚੂੜ ਨੇ ਅੱਜ ਇੱਥੇ ਤਿਰੂਮਲਾ ’ਚ ਭਗਵਾਨ ਸ੍ਰੀ ਵੈਂਕਟੇਸ਼ਵਰ ਸਵਾਮੀ ਮੰਦਰ ’ਚ ਮੱਥਾ ਟੇਕਿਆ ਤੇ ਪੂਜਾ ਕੀਤੀ। ਜਸਟਿਸ ਚੰਦਰਚੂੜ ਆਪਣੀ ਟੀਮ ਨਾਲ ਵੈਕੁੰਠ ਕਤਾਰ ਕੰਪਲੈਕਸ ਤੋਂ ਮੰਦਰ ਅੰਦਰ ਦਾਖਲ ਹੋਏ ਤੇ ਗਰਭ ਗ੍ਰਹਿ ’ਚ ਪੂਜਾ ਕੀਤੀ। ਇੱਕ ਅਧਿਕਾਰਤ ਬਿਆਨ ’ਚ ਕਿਹਾ ਗਿਆ, ‘ਚੀਫ ਜਸਟਿਸ ਡੀਵਾਈ ਚੰਦਰਚੂੜ ਅੱਜ ਤਿਰੂਮਲਾ ਸ੍ਰੀਵਾਰੀ ਮੰਦਰ ਗਏ ਅਤੇ ਪੂਜਾ ਕੀਤੀ।’ ਮੰਦਰ ’ਚ ਦਰਸ਼ਨ ਕਰਨ ਮਗਰੋਂ ਚੀਫ ਜਸਟਿਸ ਤੇ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰਾਂ ਨੂੰ ‘ਰੰਗਨਾਯਕੁਲਾ ਮੰਡਪਮ’ ਵਿੱਚ ਮੰਦਰ ਦੇ ਪੁਜਾਰੀਆਂ ਨੇ ਆਸ਼ੀਰਵਾਦ ਦਿੱਤਾ। ਬਾਅਦ ਵਿੱਚ ਤਿਰੂਮਲਾ ਦੇਵਸਥਾਨਮ (ਟੀਟੀਡੀ) ਦੇ ਕਾਰਜਕਾਰੀ ਅਧਿਕਾਰੀ ਜੇ ਸ਼ਿਆਮਲਾ ਰਾਓ ਨੇ ਚੀਫ ਜਸਟਿਸ ਨੂੰ ਤਸਵੀਰ ਤੇ ਪ੍ਰਸਾਦ ਭੇਟ ਕੀਤਾ। -ਪੀਟੀਆਈ