ਵਪਾਰੀ ਨੇ ਨਹਿਰ ’ਚ ਛਾਲ ਮਾਰੀ

ਨਿੱਜੀ ਪੱਤਰ ਪ੍ਰੇਰਕ
ਨਾਭਾ, 7 ਸਤੰਬਰ
ਇਥੋਂ ਦੇ ਵਪਾਰੀ ਨੇ ਅੱਜ ਨਹਿਰ ਵਿੱਚ ਕਥਿਤ ਤੌਰ ’ਤੇ ਛਾਲ ਮਾਰ ਕੇ ਆਤਮ ਹੱਤਿਆ ਕਰ ਲਈ। ਮ੍ਰਿਤਕ ਦੀ ਪਛਾਣ ਵਪਾਰੀ ਯਸ਼ਪਾਲ ਪੋਪਲੀ ਵਜੋਂ ਹੋਈ ਹੈ। ਰੋਹਟੀ ਪੁਲ ਚੌਕੀ ਦੀ ਪੁਲੀਸ ਨੇ ਨਹਿਰ ਕੰਢੇ ਮੋਬਾਈਲ ਤੇ ਕੁਝ ਕੱਪੜੇ ਪਏ ਦੇਖੇ, ਜਦੋਂ ਉਨ੍ਹਾਂ ਨੇੜੇ ਜਾ ਕੇ ਦੇਖਿਆ ਤਾਂ ਲਾਸ਼ ਤੈਰ ਰਹੀ ਸੀ। ਗੋਤਾਖੋਰਾਂ ਦੇ ਪੁੱਜਣ ਤੋਂ ਪਹਿਲਾਂ ਲਾਸ਼ ਵਹਾਅ ਵਿੱਚ ਰੁੜ੍ਹ ਗਈ। ਫਿਲਹਾਲ ਲਾਸ਼ ਦੀ ਭਾਲ ਕੀਤੀ ਜਾ ਰਹੀ ਹੈ। ਮੋਬਾਈਲ ਤੋਂ ਮ੍ਰਿਤਕ ਦੀ ਪਛਾਣ ਕਰ ਕੇ ਉਸ ਦੇ ਪਰਿਵਾਰ ਨੂੰ ਇਤਲਾਹ ਦੇ ਦਿੱਤੀ ਗਈ। ਜ਼ਿਕਰਯੋਗ ਹੈ ਕਿ ਵਪਾਰੀ ਦੇ ਅਗਰਬੱਤੀ ਫੈਕਟਰੀ ਸਣੇ ਹੋਰ ਵੀ ਲਘੂ ਉਦਯੋਗ ਚਲਦੇ ਸਨ। ਖ਼ੁਦਕਸ਼ੀ ਦੇ ਕਾਰਨਾਂ ਦਾ ਪਤਾ ਨਹੀਂ ਲੱਗ ਸਕਿਆ। ਮ੍ਰਿਤਕ ਦੇ ਪਰਿਵਾਰ ਵਿੱਚ ਧੀ- ਪੁੱਤ ਤੇ ਪਤਨੀ ਹਨ।