ਧਰਮਪੁਰ ਦੇ ਖੇਤਾਂ ’ਚੋਂ ਮਿਲਿਆ ਬੰਬ ਟੀਮ ਨੇ ਨਕਾਰਾ ਕੀਤਾ

ਪੱਤਰ ਪ੍ਰੇਰਕ
ਮੁਕੇਰੀਆਂ, 15 ਫਰਵਰੀ
ਕਰੀਬ ਸੱਤ ਮਹੀਨੇ ਪਹਿਲਾਂ ਮੁਕੇਰੀਆਂ ਦੇ ਰੇਲਵੇ ਸਟੇਸ਼ਨ ਦੇ ਨਾਲ ਲੱਗਦੇ ਪਿੰਡ ਧਰਮਪੁਰ ਦੇ ਖੇਤਾਂ ਵਿੱਚੋਂ ਮਿਲੇ ਇੱਕ ਵੱਡ ਆਕਾਰੀ ਬੰਬ ਨੂੰ ਅੱਜ ਪੂਰੀ ਸੁਰੱਖਿਆ ਨਾਲ ਫੌਜ ਅਤੇ ਪੁਲੀਸ ਮੁਲਾਜ਼ਮਾਂ ਦੇ ਸਹਿਯੋਗ ਨਾਲ ਨਸ਼ਟ ਕੀਤਾ ਗਿਆ। ਇਹ ਬੰਬ ਕੁਝ ਸਮਾਂ ਪਹਿਲਾਂ ਕਿਸਾਨ ਨੂੰ ਖੇਤ ਵਾਹੁੰਦੇ ਸਮੇਂ ਹੱਲਾਂ ਵਿੱਚ ਫਸ ਜਾਣ ’ਤੇ ਮਿਲਿਆ ਸੀ ਜਿਸ ਨੂੰ ਅੱਜ ਪੂਰੀ ਸੁਰੱਖਿਆ ਨਾਲ ਬਿਆਸ ਦਰਿਆ ਨਾਲ ਲੱਗਦੇ ਗੁਰਦਾਸਪੁਰ ਜ਼ਿਲ੍ਹੇ ਦੇ ਪਿੰਡ ਜਗਤਪੁਰ ਵਿੱਚ ਨਸ਼ਟ ਕੀਤਾ ਗਿਆ ਹੈ। ਡੀਐੱਸਪੀ ਮੁਕੇਰੀਆਂ ਵਿਪਨ ਕੁਮਾਰ ਨੇ ਦੱਸਿਆ ਕਿ ਬੀਤੀ 6 ਜੂਨ 2023 ਨੂੰ ਤਹਿਸੀਲ ਮੁਕੇਰੀਆਂ ਅਧੀਨ ਪੈਂਦੇ ਪਿੰਡ ਧਰਮਪੁਰ ਵਿੱਚਕਿਸਾਨ ਅਤਿੰਦਰਪਾਲ ਸਿੰਘ ਨੂੰ ਇਹ ਬੰਬ ਮਿਲਿਆ ਸੀ, ਜਿਸ ਦਾ ਵਜ਼ਨ ਕਰੀਬ ਸਾਢੇ ਤਿੰਨ ਕੁਇੰਟਲ ਸੀ ਅਤੇ ਇਸ ਦੀ ਲੰਬਾਈ ਲਗਭਗ ਤਿੰਨ ਫੁੱਟ ਜਦੋਂ ਕਿ ਘੇਰਾ ਡੇਢ ਫੁੱਟ ਸੀ।