ਰੇਲਵੇ ਲਾਈਨ ਤੋਂ ਨੌਜਵਾਨ ਦੀ ਲਾਸ਼ ਮਿਲੀ

ਪੱਤਰ ਪ੍ਰੇਰਕ
ਲਹਿਰਾਗਾਗਾ, 5 ਅਪਰੈਲ
ਲਹਿਰਾਇਗਾਗਾ-ਜਾਖਲ ਰੇਲ ਲਾਈਨ ’ਤੇ ਇਕ ਅਣਪਛਾਤੇ ਵਿਅਕਤੀ ਦੀ ਰੇਲ ਗੱਡੀ ਦੀ ਲਪੇਟ ਵਿੱਚ ਆਉਣ ਕਾਰਨ ਮੌਤ ਹੋ ਗਈ। ਮ੍ਰਿਤਕ ਦੀ ਪਛਾਣ ਮਨਪ੍ਰੀਤ ਸਿੰਘ ਕਾਲੀ ਪੁੱਤਰ ਰਾਜਿੰਦਰ ਸਿੰਘ ਲੀਲਾ ਵਾਰਡ ਪੰਦਰਾਂ ਲਹਿਰਾਗਾਗਾ ਵਜੋਂ ਹੋਈ। ਜੀਆਰਪੀ ਪੁਲੀਸ ਚੌਕੀ ਲਹਿਰਾਗਾਗਾ ਦੇ ਥਾਣੇਦਾਰ ਰਜਿੰਦਰ ਸਿੰਘ ਨੇ ਦੱਸਿਆ ਕਿ ਲੰਘੀ ਰਾਤ ਜਾਖਲ-ਲੁਧਿਆਣਾ ਰੇਲਵੇ ਟਰੈਕ ਦੇ ਕਿਲੋਮੀਟਰ 113/10 ਤੇ ਲਹਿਰਾਗਾਗਾ- ਗੁਰਨੇ ਰੇਲਵੇ ਸਟੇਸ਼ਨ ਦਰਮਿਆਨ ਟਰੇਨ ਦੀ ਪੱਟੜੀ ਤੋਂ ਇੱਕ ਵਿਅਕਤੀ ਦੀ ਲਾਸ਼ ਮਿਲੀ। ਮ੍ਰਿਤਕ ਰਾਜਿੰਦਰ ਸਿੰਘ ਦੇ ਪਿਤਾ ਨੇ ਰੇਲਵੇ ਪੁਲਸ ਕੋਲ ਬਿਆਨ ਦਰਜ ਕਰਵਾਇਆ ਹੈ ਕਿ ਉਸ ਦਾ ਪੁੱਤਰ ਰੋਜ਼ਾਨਾ ਸਵਾਰੀ ਗੱਡੀ ਰਾਹੀਂ ਆਪਣੇ ਕੰਮ ਉੱਪਰ ਆਉਂਦਾ ਜਾਂਦਾ ਸੀ ਪ੍ਰੰਤੂ ਰਾਤੀਂ ਉਹ ਘਰ ਨਹੀਂ ਆਇਆ ਹੈ। ਰੇਲਵੇ ਲਾਈਨ ਤੋਂ ਲਾਸ਼ ਮਿਲਣ ਦੀ ਚਰਚਾ ਮਗਰੋਂ ਉਸ ਨੇ ਮੌਕੇ ’ਤੇ ਜਾ ਕੇ ਦੇਖਿਆ ਤਾਂ ਉਹ ਲਾਸ਼ ਉਸ ਦੇ ਪੁੱਤਰ ਮਨਪ੍ਰੀਤ ਸਿੰਘ ਕਾਲੀ ਦੀ ਸੀ।