ਨੌਜਵਾਨ ਦੀ ਲਾਸ਼ ਮਿਲੀ

ਟੋਹਾਣਾ: ਭੂਨਾ ਪੁਲੀਸ ਨੇ ਖੈਰੀ ਰੋਡ ਤੋਂ ਲੰਘਦੀ ਫਤਿਹਾਬਾਦ ਬ੍ਰਾਂਚ ਨਹਿਰ ਵਿੱਚੋਂ ਤੈਰਾਕਾਂ ਦੀ ਮਦਦ ਨਾਲ ਇਕ ਨੌਜਵਾਨ ਦੀ ਲਾਸ਼ ਬਰਾਮਦ ਕੀਤੀ ਹੈ। ਪੁਲੀਸ ਨੇ ਲਾਸ਼ ਨਹਿਰ ਵਿੱਚੋਂ ਕੱਢਵਾ ਕੇ ਪੋਸਟਮਾਰਟਮ ਲਈ ਨਾਗਰਿਕ ਹਸਪਤਾਲ ਭਿਜਵਾ ਦਿੱਤੀ ਹੈ। ਦੱਸਿਆ ਗਿਆ ਹੈ ਕਿ ਮ੍ਰਿਤਕ ਦੀ ਉਮਰ 20 ਸਾਲ ਦੇ ਕਰੀਬ ਹੈ। ਮ੍ਰਿਤਕ ਦੀ ਇਕ ਬਾਂਹ ’ਤੇ ਤ੍ਰਿਸ਼ੂਲ, ਦੂੁਜੀ ਬਾਂਹ ’ਤੇ ਸ਼ੇਰ ਤੋ ਇਲਾਵਾ ਅੰਗਰੇਜ਼ੀ ਵਿੱਚ ਜੀਜੇਕੇਜੀ ਲਿਖਿਆ ਹੈ। ਮ੍ਰਿਤਕ ਦੀ ਸ਼ਨਾਖ਼ਤ ਲਈ ਭੂਨਾ ਪੁਲੀਸ ਨੇ ਭਾਖੜਾ ਨਹਿਰ ਤੇ ਪੰਜਾਬ ਖੇਤਰ ਵਿੱਚ ਪੈਂਦੇ ਥਾਣਿਆਂ ਵਿੱਚ ਜਾਣਕਾਰੀ ਭੇਜੀ ਹੈ। -ਪੱਤਰ ਪ੍ਰੇਰਕ