ਨਵੀਂ ਅਨਾਜ ਮੰਡੀ ਵਿੱਚ ਟਰੱਕ ਡਰਾਈਵਰ ਦੀ ਲਾਸ਼ ਮਿਲੀ

ਟੋਹਾਣਾ: ਇੱਥੇ ਨਵੀਂ ਅਨਾਜ ਮੰਡੀ ਫਤਿਹਾਬਾਦ ਦੇ ਗੇਟ ਨੇੜੇ ਦਰਖ਼ਤ ਦੇ ਥੱਲੇ ਟਰੱਕ ਡਰਾਈਵਰ ਦੀ ਲਾਸ਼ ਮਿਲੀ। ਪੁਲੀਸ ਨੇ ਲਾਸ਼ ਨੂੰ ਕਬਜ਼ੇ ਵਿੱਚ ਲੈ ਕੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ। ਲਾਸ਼ ਦੇ ਨੇੜੇ ਹੀ ਇੱਕ ਟਰੱਕ ਵੀ ਖੜ੍ਹਾ ਮਿਲਿਆ। ਪੁਲੀਸ ਮੁਤਾਬਕ ਮ੍ਰਿਤਕ ਡਰਾਈਵਰ ਸ਼ਿਵਾਨੀ ਦੇ ਪਿੰਡ ਬੜੂਆ ਦਾ ਰਹਿਣ ਵਾਲਾ ਵੀਰੂ ਦੱਸਿਆ ਗਿਆ ਹੈ। ਪੁਲੀਸ ਮੁਤਾਬਕ ਡਰਾਈਵਰ ਵੀਰੂ ਟਰੱਕ ਵਿੱਚ ਹਰਿਦੁਆਰ ਤੋਂ ਮਾਲ ਭਰ ਕੇ ਸਿਰਸਾ ਲੈ ਕੇ ਗਿਆ ਸੀ। ਸਿਰਸਾ ਵਿੱਚ ਸਾਮਾਨ ਛੱਡਣ ਮਗਰੋਂ ਉਹ ਵਾਪਸੀ ’ਤੇ ਆਰਾਮ ਕਰਨ ਲਈ ਦਰਖ਼ਤ ਥੱਲੇ ਪਿਆ ਸੀ। ਇਸ ਦੌਰਾਨ ਉਸ ਦੀ ਮੌਤ ਹੋ ਗਈ। ਪੁਲੀਸ ਅਧਿਕਾਰੀ ਨੇ ਦੱਸਿਆ ਕਿ ਇਸ ਸਬੰਧੀ ਅਸਲੀ ਖੁਲਾਸਾ ਲਾਸ਼ ਦੀ ਪੋਸਟਮਾਰਟਮ ਰਿਪੋਰਟ ਆਉਣ ਤੋਂ ਬਾਅਦ ਹੀ ਹੋਵੇਗਾ। -ਪੱਤਰ ਪ੍ਰੇਰਕ