ਨਵ-ਜੰਮੀ ਬੱਚੀ ਦੀ ਲਾਸ਼ ਬਰਾਮਦ

ਨਿੱਜੀ ਪੱਤਰ ਪ੍ਰੇਰਕ

ਖਮਾਣੋਂ, 28 ਜੁਲਾਈ

ਨਜ਼ਦੀਕੀ ਪਿੰਡ ਬਰਵਾਲੀ ਖੁਰਦ ਦੇ ਸ਼ਮਸ਼ਾਨਘਾਟ ਕੋਲੋਂ ਅੱਜ ਨਵ-ਜੰਮੀ ਬੱਚੀ ਦੀ ਲਾਸ਼ ਬਰਾਮਦ ਹੋਈ ਹੈ। ਜਾਣਕਾਰੀ ਅਨੁਸਾਰ ਸਹਾਇਕ ਥਾਣੇਦਾਰ ਪਰਜਿੰਦਰ ਸਿੰਘ ਨੇ ਦੱਸਿਆ ਕਿ ਸ਼ਿੰਗਾਰਾ ਸਿੰਘ ਪੰਚ ਪੁੱਤਰ ਸੋਹਣ ਸਿੰਘ ਵਾਸੀ ਬਰਵਾਲੀ ਖੁਰਦ ਨੇ ਨਵ-ਜੰਮੀ ਨਾਮਾਲੂਮ ਬੱਚੀ ਦੀ ਲਾਸ਼ ਮਿਲਣ ਸਬੰਧੀ ਬਿਆਨ ਲਿਖਾਇਆ ਕਿ ਉਹ ਪੰਚ ਗੁਰਪ੍ਰੀਤ ਸਿੰਘ ਨਾਲ ਮੋਟਰਸਾਈਕਲ ’ਤੇ ਬਰਵਾਲੀ ਖੁਰਦ ਤੋਂ ਖੰਨਾ ਨੂੰ ਜਾ ਰਿਹਾ ਸੀ। ਜਦੋਂ ਉਹ ਬਰਵਾਲੀ ਖੁਰਦ ਦੇ ਸ਼ਮਸ਼ਾਨਘਾਟ ਕੋਲ ਪੁੱਜੇ ਤਾਂ ਉਨ੍ਹਾਂ ਸੜਕ ਨਾਲ ਸੂਏ ਦੇ ਕੰਢੇ ’ਤੇ ਨਵ-ਜੰਮੀ ਦੀ ਲਾਸ਼ ਪਈ ਦੇਖੀ। ਇਸ ਮਗਰੋਂ ਉਸ ਨੇ ਇਸ ਦੀ ਸੂਚਨਾ ਪੁਲੀਸ ਨੂੰ ਦੇ ਦਿੱਤੀ।