ਭਾਖੜਾ ਨਹਿਰ ’ਚ ਡੁੱਬੇ ਨੌਜਵਾਨ ਦੀ ਲਾਸ਼ ਮਿਲੀ

ਪੱਤਰ ਪ੍ਰੇਰਕ
ਟੋਹਾਣਾ, 15 ਦਸੰਬਰ
ਭੂਨਾ ਪੁਲੀਸ ਨੇ ਭਾਖੜਾ ਨਹਿਰ ’ਚ ਡੁੱਬੇ ਨੌਜਵਾਨ ਦੀਪਾਂਸ਼ ਦੀ ਲਾਸ਼ ਨੂੰ ਪੰਜਵੇਂ ਦਿਨ ਫਤਿਹਾਬਾਦ ਬਰਾਂਚ ਨਹਿਰ ਦੇ ਡੂਮਾਂਵਾਲੇ ਹੈੱਡ ਤੋਂ ਬਰਾਮਦ ਕੀਤਾ ਹੈ। ਪੀੜਤ ਪਰਿਵਾਰ ਮੁਤਾਬਕ ਦੀਪਾਂਸੂ ਵਪਾਰ ਸਬੰਧੀ ਕਈ ਜ਼ਿਲ੍ਹਿਆਂ ’ਚ ਜਾਂਦਾ ਸੀ ਤੇ ਬੀਤੇ ਐਤਵਾਰ ਉਹ ਗੋਰਖਪੁਰ ਤੋਂ ਭੂਨਾ ਆਉਂਦੇ ਸਮੇਂ ਪਾਣੀ ਪੀਣ ਲਈ ਨਹਿਰ ਵਿੱਚ ਉਤਰਿਆਂ ਤਾਂ ਪੈਰ ਤਿਲਕਣ ’ਤੇ ਪਾਣੀ ’ਚ ਵਹਿ ਗਿਆ। ਉਸ ਦੀ ਭਾਲ ਲਈ ਨਹਿਰ ਕੰਢੇ ਨਿਗਰਾਨੀ ਕੀਤੀ ਜਾ ਰਹੀ ਸੀ ਤਾਂ ਬੀਤੀ ਸ਼ਾਮ ਡੂਮਾਂਵਾਲੇ ਹੈੱਡ ਤੋਂ ਪੁਲੀਸ ਨੇ ਲਾਸ਼ ਬਰਾਮਦ ਕੀਤੀ।