ਪ੍ਰਸਿੱਧ ਤਾਮਿਲ ਅਦਾਕਾਰ ਦੀ 16 ਸਾਲਾ ਧੀ ਨੇ ‘ਖੁ਼ਦਕੁਸ਼ੀ ਕੀਤੀ

ਚੇਨਈ, 19 ਸਤੰਬਰ
ਤਾਮਿਲਨਾਡੂ ਦੇ ਪ੍ਰਸਿੱਧ ਅਭਿਨੇਤਾ ਅਤੇ ਸੰਗੀਤ ਨਿਰਦੇਸ਼ਕ ਵਿਜੇ ਐਂਟਨੀ ਦੀ ਧੀ ਨੇ ਅੱਜ ਇੱਥੇ ਆਪਣੀ ਰਿਹਾਇਸ਼ 'ਤੇ ਕਥਿਤ ਤੌਰ 'ਤੇ ਖੁਦਕੁਸ਼ੀ ਕਰ ਲਈ। 16 ਸਾਲ ਦੀ ਲੜਕੀ ਦੀ ਲਾਸ਼ ਘਰ ਵਿੱਚ ਲਟਕਦੀ ਮਿਲੀ। ਉਸ ਨੂੰ ਸ਼ਹਿਰ ਦੇ ਹਸਪਤਾਲ ਵਿੱਚ ਲਿਜਾਇਆ ਗਿਆ, ਜਿੱਥੇ ਡਾਕਟਰਾਂ ਨੇ ਉਸ ਨੂੰ 'ਮ੍ਰਿਤਕ' ਕਰਾਰ ਦੇ ਦਿੱਤਾ। ਅਦਾਕਾਰ ਐਂਟਨੀ ਦੀਆਂ ਦੋ ਧੀਆਂ ਸਨ ਤੇ ਮਰਹੂਮ ਲੜਕੀ ਇੱਥੋਂ ਦੇ ਪ੍ਰਾਈਵੇਟ ਸਕੂਲ ਵਿੱਚ 12ਵੀਂ ਵਿੱਚ ਪੜ੍ਹਦੀ ਸੀ। ਪੁਲੀਸ ਨੇ ਗੈਰਕੁਦਰਤੀ ਮੌਤ ਦਾ ਮਾਮਲਾ ਦਰਜ ਕਰ ਲਿਆ ਹੈ।