ਸੰਸਦ ਮੈਂਬਰ ਬਣਨ ’ਤੇ ਸ਼ੈਲਜਾ ਵੱਲੋਂ ਏਲਨਾਬਾਦ ਦਾ ਧੰਨਵਾਦੀ ਦੌਰਾ

ਜਗਤਾਰ ਸਮਾਲਸਰ
ਏਲਨਾਬਾਦ, 19 ਜੂਨ
ਸੰਸਦ ਮੈਂਬਰ ਬਣਨ ਤੋਂ ਬਾਅਦ ਅੱਜ ਪਹਿਲੀ ਵਾਰ ਏਲਨਾਬਾਦ ਪੁੱਜੀ ਕੁਮਾਰੀ ਸ਼ੈਲਜਾ ਦਾ ਪਾਰਟੀ ਵਰਕਰਾਂ ਵੱਲੋਂ ਭਰਵਾਂ ਸਵਾਗਤ ਕੀਤਾ ਗਿਆ। ਇਸ ਧੰਨਵਾਦੀ ਦੌਰੇ ਦੌਰਾਨ ਕੁਮਾਰੀ ਸ਼ੈਲਜਾ ਅਜ਼ੀਜ਼ ਪ੍ਰਤਾਪ ਸਿੰਘ ਖੋਸਾ ਸਟੇਡੀਅਮ ਵਿੱਚ ਪਹੁੰਚੀ, ਜਿੱਥੇ ਅਜ਼ੀਜ਼ ਪ੍ਰਤਾਪ ਸਿੰਘ ਖੋਸਾ ਫਾਊਡੇਸ਼ਨ ਦੇ ਚੇਅਰਮੈਨ ਅਮਰਪਾਲ ਸਿੰਘ ਖੋਸਾ ਨੇ ਕੁਮਾਰੀ ਸ਼ੈਲਜਾ ਦਾ ਸਵਾਗਤ ਕੀਤਾ।
ਸ਼ੈਲਜਾ ਨੇ ਸਟੇਡੀਅਮ ਵਿੱਚ ਪੌਦੇ ਵੀ ਲਗਾਏ ਅਤੇ ਮੌਕੇ ’ਤੇ ਮੌਜੂਦ ਪਾਰਟੀ ਵਰਕਰਾਂ ਨੂੰ ਵੀ ਵੱਧ ਤੋਂ ਵੱਧ ਸੰਖਿਆ ਵਿੱਚ ਪੌਣੇ ਲਾਉਣ ਲਈ ਪ੍ਰੇਰਿਤ ਕੀਤਾ। ਉਨ੍ਹਾਂ ਆਖਿਆ ਕਿ ਖੋਸਾ ਫਾਊਂਡੇਸ਼ਨ ਵੱਲੋਂ ਜੋ ਇਸ ਖੇਤਰ ਦੇ ਬੱਚਿਆਂ ਦੇ ਖੇਡਣ ਲਈ ਇਹ ਸਅੇਡੀਅਮ ਬਣਵਾਇਆ ਗਿਆ ਹੈ ਇਹ ਬਹੁਤ ਹੀ ਸ਼ਲਾਘਾਯੋਗ ਕੰਮ ਹੈ।
ਉਨ੍ਹਾਂ ਆਖਿਆ ਕਿ ਭਵਿੱਖ ਵਿੱਚ ਜੇਕਰ ਉਨ੍ਹਾਂ ਦੇ ਕਿਸੇ ਵੀ ਤਰ੍ਹਾਂ ਦੇ ਸਹਿਯੋਗ ਦੀ ਜ਼ਰੂਰਤ ਹੋਵੇ ਤਾਂ ਉਹ ਹਮੇਸ਼ਾ ਤਿਆਰ ਹਨ। ਇਸ ਦੌਰਾਨ ਅਮਰਪਾਲ ਸਿੰਘ ਖੋਸਾ ਵੱਲੋਂ ਸਟੇਡੀਅਮ ਵਿਖੇ ਪਹੁੰਚਣ ’ਤੇ ਉਨ੍ਹਾਂ ਨੂੰ ਸਨਮਾਨਿਤ ਵੀ ਕੀਤਾ ਗਿਆ। ਇਸ ਮੌਕੇ ਫਾਊਂਡੇਸ਼ਨ ਦੇ ਸਰਪ੍ਰਸਤ ਮਲਕੀਤ ਸਿੰਘ ਖੋਸਾ, ਚੇਅਰਮੈਨ ਅਮਰਪਾਲ ਸਿੰਘ ਖੋਸਾ, ਜਸਪਾਲ ਸਿੰਘ ਲਾਲੀ, ਐਡਵੋਕੇਟ ਸੁਰਿੰਦਰ ਬਾਂਸਲ, ਧਰਮਪਾਲ ਗੁਪਤਾ, ਰਘਬੀਰ ਸਿੰਘ ਸੱਗੂ, ਰਾਮ ਸਿੰਘ ਸੋਲੰਕੀ, ਜਸਪਾਲ ਸਿੰਘ ਬਰਾੜ, ਕੋਚ ਪ੍ਰਹਿਲਾਦ ਕੁਮਾਰ, ਬਲਦੇਵ ਸਿੰਘ ਭਿੰਡਰ, ਨਿਤਿਨ ਸੋਲੰਕੀ ਤੇ ਹੋਰ ਮੌਜੂਦ ਸਨ।