ਟੈਨਿਸ: ਜੋਕੋਵਿਚ ਸਭ ਤੋਂ ਉਮਰਦਰਾਜ਼ ਨੰਬਰ ਇੱਕ ਖਿਡਾਰੀ ਬਣਿਆ

ਲੰਡਨ: ਰੋਜਰ ਫੈਡਰਰ ਦਾ ਇੱਕ ਹੋਰ ਰਿਕਾਰਡ ਤੋੜਦਿਆਂ ਨੋਵਾਕ ਜੋਕੋਵਿਚ ਏਟੀਪੀ ਟੂਰ ਦੀ ਕੰਪਿਊਟਰਾਈਜ਼ਡ ਰੈਂਕਿੰਗ ਵਿੱਚ ਸਿਖਰਲੇ ਸਥਾਨ ਹਾਸਲ ਕਰਨ ਵਾਲਾ ਸਭ ਤੋਂ ਉਮਰਦਰਾਜ਼ ਖਿਡਾਰੀ ਬਣ ਗਿਆ ਹੈ। ਜੋਕੋਵਿਚ ਅਗਲੇ ਮਹੀਨੇ 37 ਸਾਲ ਦਾ ਹੋ ਜਾਵੇਗਾ। ਫੈਡਰਰ ਜੂਨ 2018 ’ਚ ਜਦੋਂ ਆਖਰੀ ਦਿਨ ਰੈਂਕਿੰਗ ’ਚ ਪਹਿਲੇ ਸਥਾਨ ’ਤੇ ਸੀ ਤਾਂ ਉਹ ਜੋਕੋਵਿਚ ਤੋਂ ਛੋਟਾ ਸੀ। ਜੋਕੋਵਿਚ ਕੁੱਲ 420 ਹਫ਼ਤੇ ਸਿਖਰ ’ਤੇ ਰਿਹਾ ਜਦਕਿ ਫੈਡਰਰ 310 ਹਫ਼ਤੇ ਪਹਿਲੇ ਨੰਬਰ ’ਤੇ ਰਿਹਾ ਸੀ। ਜੋਕੋਵਿਚ ਨੇ ਪੁਰਸ਼ ਟੈਨਿਸ ਦੇ ਇਤਿਹਾਸ ਵਿੱਚ ਸਭ ਤੋਂ ਵੱਧ 24 ਗਰੈਂਡਸਲੈਮ ਜਿੱਤੇ ਹਨ। -ਏਪੀ