For the best experience, open
https://m.punjabitribuneonline.com
on your mobile browser.
Advertisement

ਟੀ-20: ਭਾਰਤੀ ਕ੍ਰਿਕਟ ਟੀਮ ਨੇ ਈਡਨ ਗਾਰਡਨ ’ਚ ਕੀਤਾ ਅਭਿਆਸ

06:37 AM Jan 21, 2025 IST
ਟੀ 20  ਭਾਰਤੀ ਕ੍ਰਿਕਟ ਟੀਮ ਨੇ ਈਡਨ ਗਾਰਡਨ ’ਚ ਕੀਤਾ ਅਭਿਆਸ
ਕੋਲਕਾਤਾ ਦੇ ਈਡਨ ਗਾਰਡਨ ’ਚ ਅਭਿਆਸ ਕਰਦੇ ਹੋਏ ਭਾਰਤੀ ਕ੍ਰਿਕਟ ਖਿਡਾਰੀ। -ਫੋਟੋ: ਪੀਟੀਆਈ
Advertisement

ਕੋਲਕਾਤਾ, 20 ਜਨਵਰੀ
ਭਾਰਤੀ ਕ੍ਰਿਕਟ ਟੀਮ ਨੇ ਇੰਗਲੈਂਡ ਖ਼ਿਲਾਫ਼ ਟੀ-20 ਲੜੀ ਦੇ ਮੱਦੇਨਜ਼ਰ ਅੱਜ ਇੱਥੇ ਈਡਨ ਗਾਰਡਨ ਸਟੇਡੀਅਮ ’ਚ ਅਭਿਆਸ ਕੀਤਾ, ਜਿਸ ਵਿੱਚ ਤੇਜ਼ ਗੇਂਦਬਾਜ਼ ਮੁਹੰਮਦ ਸ਼ੰਮੀ ਨੇ ਵੀ ਹਿੱਸਾ ਲਿਆ। ਲੜੀ ਦਾ ਪਹਿਲਾ ਮੈਚ ਬੁੱਧਵਾਰ ਨੂੰ ਈਡਨ ਗਾਰਡਨ ’ਚ ਖੇਡਿਆ ਜਾਵੇਗਾ। ਜਸਪ੍ਰੀਤ ਬੁਮਰਾਹ ਦੇ ਬਾਹਰ ਹੋਣ ਕਾਰਨ ਅਗਾਮੀ ਪੰਜ ਮੈਚਾਂ ਦੀ ਦੁਵੱਲੀ ਟੀ-20 ਲੜੀ ’ਚ ਸ਼ੰਮੀ ਭਾਰਤੀ ਗੇਂਦਬਾਜ਼ੀ ਦੀ ਅਗਵਾਈ ਕਰ ਸਕਦਾ ਹੈ। ਲੜੀ ’ਚ ਭਾਰਤੀ ਟੀਮ ਦਾ ਕਪਤਾਨ ਸੂਰਿਆਕੁਮਾਰ ਯਾਦਵ ਜਦਕਿ ਉਪ ਕਪਤਾਨ ਅਕਸ਼ਰ ਪਟੇਲ ਹੋਵੇਗਾ। ਅਭਿਆਸ ’ਚ ਬੱਲੇਬਾਜ਼ ਰਿੰਕੂ ਸਿੰਘ, ਹਾਰਦਿਕ ਪਾਂਡਿਆ ਤੇ ਗੇਂਦਬਾਜ਼ ਹਰਸ਼ਿਤ ਰਾਣਾ ਵੀ ਸ਼ਾਮਲ ਹੋਏ। ਇਸੇ ਦੌਰਾਨ ਇੱਥੇ ਇੰਗਲੈਂਡ ਦੇ ਕ੍ਰਿਕਟ ਖਿਡਾਰੀਆਂ ਨੇ ਵੀ ਅਭਿਆਸ ਕੀਤਾ। ਲੜੀ ਦਾ ਪਹਿਲਾ ਮੈਚ ਕੋਲਕਾਤਾ ’ਚ 22 ਜਨਵਰੀ ਨੂੰ ਖੇਡਿਆ ਜਾਵੇਗਾ। ਜਦਕਿ ਦੂਜਾ ਤੇ ਤੀਜਾ ਮੈਚ 25 ਤੇ 28 ਜਨਵਰੀ ਨੂੰ ਕ੍ਰਮਵਾਰ ਚੇਨੱਈ ਤੇ ਰਾਜਕੋਟ ਵਿੱਚ ਹੋਵੇਗਾ। ਚੌਥਾ ਮੁਕਾਬਲਾ 31 ਜਨਵਰੀ ਨੂੰ ਪੁਣੇ ’ਚ ਅਤੇ ਆਖਰੀ ਮੈਚ 2 ਫਰਵਰੀ ਨੂੰ ਮੁੰਬਈ ’ਚ ਖੇਡਿਆ ਜਾਵੇਗਾ। -ਏਐੱਨਆਈ

Advertisement

Advertisement
Advertisement
Author Image

joginder kumar

View all posts

Advertisement