ਸਵਰਾਜ ਟਰੈਕਟਰ ਨੇ ਮਨਾਈ 50ਵੀਂ ਵਰ੍ਹੇਗੰਢ
ਨਿੱਜੀ ਪੱਤਰ ਪ੍ਰੇਰਕ
ਰਾਜਪੁਰਾ, 16 ਅਪਰੈਲ
ਸਥਾਨਕ ਬਹਾਵਲਪੁਰੀ ਭਵਨ ਵਿੱਚ ਸਵਰਾਜ ਏਜੰਸੀ ਰਾਜਪੁਰਾ ਦੇ ਡੀਲਰ ਮਹਿੰਦਰ ਕੋਹਲੀ ਵੱਲੋਂ ਸਵਰਾਜ ਏਜੰਸੀ ਦੀ 50ਵੀਂ ਵਰ੍ਹੇਗੰਢ ਮਨਾਈ ਗਈ। ਇਸ ਦੌਰਾਨ ਕੀਤੇ ਸਮਾਗਮ ਵਿਚ ਪੰਜਾਬ ਤੋਂ 60 ਡੀਲਰਾਂ ਨੇ ਭਾਗ ਲਿਆ। ਸਟੇਟ ਹੈੱਡ ਰਵਿੰਦਰ ਸ਼ਰਮਾ ਨੇ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕਰਦਿਆਂ ਜੋਤੀ ਪ੍ਰਚੰਡ ਕਰ ਕੇ ਸਮਾਗਮ ਦਾ ਆਗਾਜ਼ ਕੀਤਾ। ਇਸ ਦੌਰਾਨ ਪਹੁੰਚੇ ਹੋਏ ਕਿਸਾਨਾਂ ਨੇ ਸਵਰਾਜ ਨਾਲ ਆਪਣੇ ਤਜਰਬੇ ਸਾਂਝੇ ਕੀਤੇ।ਸ੍ਰੀ ਸ਼ਰਮਾ ਨੇ ਦੱਸਿਆ ਕਿ ਸਵਰਾਜ ਕੰਪਨੀ ਨੇ ਸਮੇਂ ਅਨੁਸਾਰ ਅਤੇ ਕਿਸਾਨਾਂ ਦੀਆਂ ਲੋੜਾਂ ਨੂੰ ਮੁੱਖ ਰੱਖਦਿਆਂ ਇਸ ਦੇ ਮਾਡਲਾਂ ਵਿੱਚ ਸਮੇਂ-ਸਮੇਂ ਅਨੁਸਾਰ ਬਦਲਾਅ ਅਤੇ ਸੁਧਾਰ ਕੀਤਾ ਹੈ ਇਹੀ ਕਾਰਨ ਹੈ ਕਿ ਸਵਰਾਜ ਟਰੈਕਟਰ ਭਾਰਤ ਵਿਚ ਦੂਜੇ ਨੰਬਰ ’ਤੇ ਹੈ। ਉਨ੍ਹਾਂ ਦੱਸਿਆ ਕਿ ਕੰਪਨੀ 17 ਐਚਟੀ ਤੋਂ 65 ਐਚਟੀ ਤੱਕ 100 ਅਲੱਗ ਅਲੱਗ ਮਾਡਲ ਲਾਂਚ ਕਰ ਚੁੱਕੀ ਹੈ। ਸਵਰਾਜ ਦੇ ਪੰਜਾਬ ਵਿਚ 60 ਡੀਲਰ ਅਤੇ ਭਾਰਤ ਵਿਚ 1100 ਡੀਲਰ ਹਨ। ਸਾਲ 2024 ਵਿਚ ਕੰਪਨੀ ਦਾ 2 ਲੱਖ ਟਰੈਕਟਰ ਸੇਲ ਕਰਨ ਦਾ ਟੀਚਾ ਮਿਥਿਆ ਗਿਆ ਹੈ। 50 ਸਾਲਾਂ ਵਿਚ 22 ਲੱਖ ਟਰੈਕਟਰ ਦੀ ਵਿੱਕਰੀ ਹੋ ਚੁੱਕੀ ਹੈ। ਇਸ ਮੌਕੇ ਮਹਿੰਦਰ ਕੋਹਲੀ ਨੇ ਕਿਹਾ ਕਿ ਉਹ ਸਵਰਾਜ ਦਾ ਸਭ ਤੋਂ ਪੁਰਾਣਾ ਡੀਲਰ ਹੈ। ਇਸ ਮੌਕੇ ਸਟੇਜ ਸਕੱਤਰ ਦੀ ਭੂਮਿਕਾ ਸੁਖਜਿੰਦਰ ਸੁਖੀ ਨੇ ਨਿਭਾਈ।