ਸੂਰਜਕੁੰਡ ਮੇਲਾ: ਤਿੰਨ ਰੋਜ਼ਾ ਪੇਂਟਿੰਗ ਪ੍ਰਦਰਸ਼ਨੀ ਸਮਾਪਤ

ਪੱਤਰ ਪ੍ਰੇਰਕ
ਫਰੀਦਾਬਾਦ, 11 ਫਰਵਰੀ
37ਵੇਂ ਸੂਰਜਕੁੰਡ ਕੌਮਾਂਤਰੀ ਸ਼ਿਲਪਕਾਰੀ ਮੇਲੇ ਵਿੱਚ ਸੂਚਨਾ, ਲੋਕ ਸੰਪਰਕ, ਭਾਸ਼ਾ ਅਤੇ ਸੰਸਕ੍ਰਿਤੀ ਵਿਭਾਗ ਵੱਲੋਂ ਡਿਜ਼ਾਈਨਰ ਗੈਲਰੀ ਪਰਿਸਰ ਵਿੱਚ ਲਗਾਈ ਤਿੰਨ ਰੋਜ਼ਾ ਪੇਂਟਿੰਗ ਪ੍ਰਦਰਸ਼ਨੀ ਅੱਜ ਸਮਾਪਤ ਹੋ ਗਈ ਹੈ। ਇਸ ਪ੍ਰਦਰਸ਼ਨੀ ਵਿੱਚ ਦੇਸ਼ ਦੇ ਵੱਖ-ਵੱਖ ਰਾਜਾਂ ਤੋਂ 40 ਦੇ ਕਰੀਬ ਕਲਾਕਾਰਾਂ ਨੇ ਭਾਗ ਲਿਆ।
ਪ੍ਰਦਰਸ਼ਨੀ ਦਾ ਉਦਘਾਟਨ ਵਿਭਾਗ ਦੇ ਸੱਭਿਆਚਾਰਕ ਅਧਿਕਾਰੀਆਂ ਰੇਣੂ ਹੁੱਡਾ ਅਤੇ ਸੁਮਨ ਡਾਂਗੀ ਦੀ ਮੌਜੂਦਗੀ ਵਿੱਚ ਪ੍ਰਸਿੱਧ ਚਿੱਤਰਕਾਰ ਜਤਿਨ ਅਜ਼ਾਰੀ ਨੇ ਕੀਤਾ।
ਪ੍ਰਦਰਸ਼ਨੀ ਵਿੱਚ ਬੁਲਾਏ ਗਏ ਸਾਰੇ ਕਲਾਕਾਰਾਂ ਨੇ ਆਪਣੀਆਂ ਵਧੀਆ ਕਲਾਕ੍ਰਿਤੀਆਂ ਨਾਲ ਦਰਸ਼ਕਾਂ ਦਾ ਮਨ ਮੋਹ ਲਿਆ। ਜ਼ਿਕਰਯੋਗ ਹੈ ਕਿ ਅੱਜ ਮੇਲੇ ਵਿਚ ਛੁਟੀ ਹੋਣ ਕਰਕੇ ਖਾਸੀ ਭੀੜ ਰਹੀ ਤੇ ਲੋਕਾਂ ਨੇ ਕਲਾਕ੍ਰਿਤੀਆਂ ਤੇ ਦਸਤਕਾਰੀ ਦਾ ਸਾਮਾਨ ਖਰੀਦਿਆ।