ਪੱਤਰਕਾਰ ਨਾਲ ਦੁਰਵਿਹਾਰ ਵਿਰੁੱਧ ਵਿੱਢੇ ਸੰਘਰਸ਼ ਨੂੰ ਹਮਾਇਤ

ਪੱਤਰ ਪ੍ਰੇਰਕ
ਸ਼ੇਰਪੁਰ, 7 ਨਵੰਬਰ
ਧੂਰੀ ਦੇ ਇੱਕ ਪੱਤਰਕਾਰ ਨਾਲ ਇੱਕ ਪਟਾਕਾ ਫੈਕਟਰੀ ਦੇ ਮਾਲਕਾਂ ਵੱਲੋਂ ਖਰੀਦੇ ਪਟਾਕਿਆਂ ਦੀ ਰਾਸ਼ੀ ਗੂਗਲ-ਪੇਅ ਕਰਨ ਦੇ ਬਾਵਜੂਦ ਬਣਦਾ ਪੱਕਾ ਬਿੱਲ ਨਾ ਦੇਣ ’ਤੇ ਬੁਰਾ ਵਿਵਹਾਰ ਕਰਨ ਵਿਰੁੱਧ ਆਰੰਭੇ ਸੰਘਰਸ਼ ਨੂੰ ਪ੍ਰੈੱਸ ਕਲੱਬ ਸ਼ੇਰਪੁਰ ਨੇ ਸਰਗਰਮ ਹਮਾਇਤ ਦੇਣ ਦਾ ਐਲਾਨ ਕੀਤਾ ਹੈ। ਪ੍ਰੈੱਸ ਕਲੱਬ ਦੇ ਆਗੂਆਂ ਨੇ ਫੈਕਟਰੀ ਮਾਲਕਾਂ ਵੱਲੋਂ ਪੱਤਰਕਾਰ ’ਤੇ ਪੈਸਿਆਂ ਵਾਲਾ ਬੈਗ ਖੋਹਣ, ਚੇਨੀ ਖੋਹਣ ਦੇ ਲਾਏ ਝੂਠੇ ਦੋਸ਼ਾਂ ਦੀ ਨਿੰਦਾ ਕੀਤੀ। ਉਨ੍ਹਾਂ ਚਿਤਾਵਨੀ ਦਿੰਦਿਆਂ ਕਿਹਾ ਕਿ ਜੇ ਫੈਕਟਰੀ ਮਾਲਕਾਂ ਵਿਰੁੱਧ ਕਾਰਵਾਈ ਕਰਨ ਵਿੱਚ ਪੁਲੀਸ ਨੇ ਗੰਭੀਰਤਾ ਨਾ ਦਿਖਾਈ ਮਾਮਲੇ ਨੂੰ ਜ਼ਿਲ੍ਹੇ ਪੱਧਰ ’ਤੇ ਲਿਜਾਇਆ ਜਾਵੇਗਾ।