ਡੀਏਵੀ ਸਕੂਲ ਵਿੱਚ ਸਮਰ ਕੈਂਪ ਲਾਇਆ

ਮਾਨਸਾ: ਡੀ.ਏ.ਵੀ ਸਕੂਲ ਮਾਨਸਾ ਵਿੱਚ ਚੱਲ ਰਿਹਾ ਸਮਰ ਕੈਂਪ ਅੱਜ ਸਮਾਪਤ ਹੋ ਗਿਆ, ਜਿਸ ਵਿੱਚ ਸਕੂਲ ਦੇ ਵਿਦਿਆਰਥੀਆਂ ਲਈ ਆਰਟ ਐਂਡ ਕਰਾਫਟ, ਸੱਭਿਆਚਾਰਕ ਅਤੇ ਖੇਡਾਂ ਨਾਲ ਸਬੰਧਤ ਵੱਖ-ਵੱਖ ਗਤੀਵਿਧੀਆਂ ਕਰਵਾਈਆਂ ਗਈਆਂ। ਸਕੂਲ ਪ੍ਰਬੰਧਕਾਂ ਨੇ ਦੱਸਿਆ ਕਿ ਕੈਂਪ ਦੌਰਾਨ ਆਰਟ ਐਂਡ ਕਰਾਫਟ ਵਿੱਚ ਬੱਚਿਆਂ ਨੂੰ ਵੱਖ-ਵੱਖ ਰਾਜਾਂ ਦੇ ਆਰਟ ਐਂਡ ਕਰਾਫਟ ਬਾਰੇ ਜਾਣਕਾਰੀ ਦਿੱਤੀ ਗਈ। ਫੋਟੋ ਫਰੇਮ ਵਿੱਚ ਰਾਜਸਥਾਨੀ ਆਰਟ, ਵਾਲ ਹੈਂਗਿੰਗ ਵਿੱਚ ਆਂਧਰਾ ਪ੍ਰਦੇਸ਼ ਆਰਟ, ਪੋਟ ਡੈਕੋਰੇਸ਼ਨ ਵਿੱਚ ਗੁਜਰਾਤੀ ਆਰਟ ਅਤੇ ਲਿਪੋਆਰਟ ਅਤੇ ਪੈਨ ਸਟੈਂਡ ਮੇਕਿੰਗ ਵਿੱਚ ਪੱਛਮੀ ਬੰਗਾਲ ਆਰਟ ਨਾਲ ਸਬੰਧਤ ਗਤੀਵਿਧੀਆਂ ਰਾਹੀਂ ਬੱਚਿਆਂ ਨੂੰ ਵੱਖ-ਵੱਖ ਰਾਜਾਂ ਦੀ ਕਲਾ ਬਾਰੇ ਜਾਣੂ ਕਰਵਾਇਆ ਗਿਆ। -ਪੱਤਰ ਪ੍ਰੇਰਕ