ਹੈੱਡਮਾਸਟਰ ਕਰਤਾਰ ਸਿੰਘ ਸਕੂਲ ਵਿੱਚ ਸਮਰ ਕੈਂਪ

ਸਮਾਲਸਰ: ਹੈੱਡਮਾਸਟਰ ਕਰਤਾਰ ਸਿੰਘ ਮਾਡਲ ਸੀਨੀਅਰ ਸੈਕੰਡਰੀ ਸਕੂਲ ਸਮਾਲਸਰ ਦੇ ਬੱਚਿਆਂ ਨੇ ਸਮਰ ਕੈਂਪ ਲਾਇਆ। ਕੈਂਪ ਦਾ ਪ੍ਰਬੰਧ ਪ੍ਰਿੰਸੀਪਲ ਸਵਰਨਜੀਤ ਕੌਰ ਸੰਧੂ ਅਤੇ ਸਮੂਹ ਸਟਾਫ਼ ਦੀ ਅਗਵਾਈ ਵਿੱਚ ਕੀਤਾ ਗਿਆ। ਇਸ ਦੌਰਾਨ ਅਧਿਆਪਕਾਂ ਵੱਲੋਂ ਵਿਦਿਆਰਥੀਆਂ ਨੂੰ ਖੇਡਾਂ, ਬਾਲ ਖੇਡਾਂ, ਘੜਾ ਅਤੇ ਗਮਲਾ ਪੇਂਟਿੰਗ, ਸਲਾਦ ਅਤੇ ਸਜਾਵਟੀ ਫਲ, ਮਹਿੰਦੀ ਸਜਾਵਟ ਆਦਿ ਗਤੀਵਿਧੀਆਂ ਕਰਵਾਈਆਂ ਗਈਆਂ। ਇਨ੍ਹਾਂ ਗਤੀਵਿਧੀਆਂ ਤੋਂ ਇਲਾਵਾ ਬੱਚਿਆਂ ਲਈ ਝੂਲਿਆਂ ਦਾ ਪ੍ਰਬੰਧ ਕੀਤਾ ਗਿਆ। ਕੈਂਪ ਵਿੱਚ ਸਾਰੇ ਵਿਦਿਆਰਥੀਆਂ ਨੇ ਖ਼ੂਬ ਆਨੰਦ ਮਾਣਿਆ। ਕੈਂਪ ਦੇ ਤੀਜੇ ਦਿਨ ਵਿੱਦਿਅਕ ਟੂਰ ਦੌਰਾਨ ਬੱਚਿਆਂ ਨੂੰ ਛੱਤਬੀੜ ਚਿੜੀਆ ਘਰ ਦਿਖਾਇਆ ਗਿਆ। -ਪੱਤਰ ਪ੍ਰੇਰਕ