ਸੁਹਾਨਾ ਨੇ ਸ਼ਾਹਰੁਖ਼ ਨੂੰ ਖਾਸ ਅੰਦਾਜ਼ ’ਚ ਦਿੱਤੀ ਜਨਮਦਿਨ ਦੀ ਵਧਾਈ

ਮੁੰਬਈ: ਸੁਪਰਸਟਾਰ ਸ਼ਾਹਰੁਖ਼ ਖ਼ਾਨ ਅੱਜ ਆਪਣਾ 59ਵਾਂ ਜਨਮ ਦਿਨ ਮਨਾ ਰਹੇ ਹਨ। ਉਨ੍ਹਾਂ ਦੀ ਧੀ ਸੁਹਾਨਾ ਖ਼ਾਨ ਨੇ ਵੀ ਆਪਣੇ ਪਿਤਾ ਨੂੰ ਖਾਸ ਅੰਦਾਜ਼ ਵਿੱਚ ਜਨਮਦਿਨ ਦੀ ਵਧਾਈ ਦਿੱਤੀ ਹੈ। ਸੁਹਾਨਾ ਨੇ ਇੰਸਟਾਗ੍ਰਾਮ ’ਤੇ ਆਪਣੇ ਪਿਤਾ ਸ਼ਾਹਰੁਖ਼ ਖਾਨ ਅਤੇ ਭਰਾ ਆਰਿਅਨ ਖ਼ਾਨ ਦੀਆਂ ਪੁਰਾਣੀਆਂ ਤਸਵੀਰਾਂ ਦਾ ਕੋਲਾਜ ਸਾਂਝਾ ਕੀਤਾ ਹੈ। ਉਸ ਨੇ ਇਸ ਦੇ ਨਾਲ ਹੀ ਲਿਖਿਆ, ‘‘ਜਨਮ ਦਿਨ ਮੁਬਾਰਕ, ਤੁਹਾਨੂੰ ਦੁਨੀਆਂ ਵਿੱਚ ਸਭ ਤੋਂ ਵੱਧ ਪਿਆਰ ਕਰਦੀ ਹਾਂ।’’ ਸ਼ਾਹਰੁਖ਼ ਖ਼ਾਨ ਦੀ ਜਾਦੂਈ ਸ਼ਖ਼ਸੀਅਤ ਉਨ੍ਹਾਂ ਦੇ ਵੱਡੀ ਗਿਣਤੀ ਪ੍ਰਸ਼ੰਸਕਾਂ ਤੋਂ ਝਲਕਦੀ ਹੈ। ਬੌਲੀਵੁੱਡ ਦੇ ਬਾਦਸ਼ਾਹ ਵਜੋਂ ਮਕਬੂਲ ਸ਼ਾਹਰੁਖ਼ ਖ਼ਾਨ ਦੇ ਕਰੀਅਰ ਦੀ ਸ਼ੁਰੂਆਤ ਨਵੀਂ ਦਿੱਲੀ ਤੋਂ ਹੋਈ ਜਿੱਥੇ ਉਨ੍ਹਾਂ ਨੇ 1989 ਵਿੱਚ ਟੀਵੀ ਸੀਰੀਜ਼ ‘ਫੌਜੀ’ ਨਾਲ ਸਾਰਿਆਂ ਦਾ ਧਿਆਨ ਖਿੱਚਿਆ। ‘ਦੀਵਾਨਾ’, ‘ਡਰ’ ਤੇ ‘ਬਾਜ਼ੀਗਰ’ ਵਰਗੀਆਂ ਹਿੱਟ ਫ਼ਿਲਮ ਉਨ੍ਹਾਂ ਦੇ ਕਰੀਅਰ ਨੂੰ ਬੁਲੰਦੀ ’ਤੇ ਲੈ ਗਈਆਂ ਜਦੋਂਕਿ ‘ਦਿਲਵਾਲੇ ਦੁਲਹਨੀਆ ਲੇ ਜਾਏਂਗੇ’ ਨੇ ਉਨ੍ਹਾਂ ਨੂੰ ਸਹੀ ਮਾਅਨਿਆਂ ਵਿੱਚ ਸੁਪਰਸਟਾਰ ਵਜੋਂ ਬਣਾ ਦਿੱਤਾ। ਸ਼ਾਹਰੁਖ਼ ਨੇ ਲੰਮੇ ਸਮੇਂ ਮਗਰੋਂ ‘ਪਠਾਨ’, ‘ਜਵਾਨ’ ਅਤੇ ‘ਡੰਕੀ’ ਵਰਗੀਆਂ ਬਲਾਕਬਸਟਰ ਫ਼ਿਲਮਾਂ ਨਾਲ ਬੌਲੀਵੁੱਡ ਵਿੱਚ ਜਬਰਦਸਤ ਵਾਪਸੀ ਕੀਤੀ ਹੈ। ਸੁਹਾਨਾ ਦੇ ਕਰੀਅਰ ਬਾਰੇ ਗੱਲ ਕੀਤੀ ਜਾਵੇ ਤਾਂ ਉਹ ਸ਼ਾਹਰੁਖ਼ ਨਾਲ ‘ਕਿੰਗ’ ਫਿਲਮ ਵਿੱਚ ਨਜ਼ਰ ਆ ਸਕਦੀ ਹੈ। -ਏਐੱਨਆਈ