ਸੁਭਾਸ਼ ਦੀਵਾਨਾ ਦੀ ਪੁਸਤਕ ‘ਖੁਸ਼ਬੂ ਕਲਾਮ ਦੀ’ ਲੋਕ ਅਰਪਣ
ਗੁਰਦਾਸਪੁਰ
ਪੰਜਾਬੀ ਸਾਹਿਤ ਸਭਾ ਗੁਰਦਾਸਪੁਰ ਵੱਲੋਂ ਸਥਾਨਕ ਗੋਲਡਨ ਗਰੁੱਪ ਆਫ ਇੰਸਟੀਚਿਊਸ਼ਨਜ਼ ਵਿੱਚ ਗ਼ਜ਼ਲਗੋ ਸੁਭਾਸ਼ ਦੀਵਾਨਾ ਦੀ ਪੁਸਤਕ ‘ਖੁਸ਼ਬੂ ਕਲਾਮ ਦੀ’ ਦਾ ਲੋਕ ਅਰਪਣ ਅਤੇ ਕਵੀ ਦਰਬਾਰ ਕਰਵਾਇਆ ਗਿਆ। ਸਭਾ ਦੇ ਪ੍ਰਧਾਨ ਤਰਸੇਮ ਸਿੰਘ ਭੰਗੂ ਨੇ ਆਏ ਸਾਹਿਤਕਾਰਾਂ ਨੂੰ ਜੀ ਆਇਆਂ ਆਖਿਆ। ਪੁਸਤਕ ਉੱਤੇ ਸੀਤਲ ਸਿੰਘ ਗੁੰਨੋਪੁਰੀ ਵੱਲੋਂ ਪਰਚਾ ਪੜ੍ਹਿਆ ਗਿਆ। ਪਾਲ ਗੁਰਦਾਸਪੁਰੀ, ਡਾ. ਲੇਖ ਰਾਜ, ਸੁਲੱਖਣ ਸਰਹੱਦੀ ਤੇ ਡਾ. ਸੁਰਿੰਦਰ ਸ਼ਾਂਤ ਨੇ ਸੁਭਾਸ਼ ਦੀਵਾਨਾ ਨੂੰ ਵਿਅੰਗ ਗ਼ਜ਼ਲਕਾਰ ਕਿਹਾ। ਰਚਨਾਵਾਂ ਦੇ ਦੌਰ ਵਿੱਚ ਵਿਜੇ ਅਗਨੀਹੋਤਰੀ, ਬਲਦੇਵ ਸਿੱਧੂ, ਪ੍ਰੀਤ ਰਾਣਾ, ਵਰਗਿਸ ਸਲਾਮਤ, ਮੱਖਣ ਕੁਹਾੜ, ਰਾਜ ਗੁਰਦਾਸਪੁਰੀ, ਅਸ਼ੋਕ ਚਿੱਤਰਕਾਰ, ਗੋਪਾਲ ਸ਼ਰਮਾ, ਸੁਨੀਲ ਕੁਮਾਰ, ਰਣਬੀਰ ਆਕਾਸ਼, ਹਰਪ੍ਰੀਤ ਸਿੰਮੀ, ਸੁਖਵਿੰਦਰ ਰੰਧਾਵਾ, ਮਲਕੀਤ ਸੁਹਲ, ਪ੍ਰਿੰਸੀਪਲ ਅਮਰਜੀਤ ਸਿੰਘ, ਆਰ ਬੀ ਸੋਹਲ, ਸੁਲਤਾਨ ਭਾਰਤੀ, ਰਮੇਸ਼ ਕੁਮਾਰ ਜਾਨੂ, ਲਾਲੀ ਕਰਤਾਰਪੁਰੀ, ਰਾਜਨ ਤਰੇੜੀਆ, ਗੁਰਮੀਤ ਬਾਜਵਾ, ਕੇ ਪੀ ਸਿੰਘ, ਅਤੇ ਪਵਨ ਕੁਮਾਰ ਆਦਿ ਨੇ ਆਪਣੇ ਆਪਣੇ ਕਲਾਮ ਸੁਣਾਏ। ਸਟੇਜ ਦੀ ਕਾਰਵਾਈ ਪ੍ਰਤਾਪ ਪਾਰਸ ਨੇ ਚਲਾਈ। -ਨਿੱਜੀ ਪੱਤਰ ਪ੍ਰੇਰਕ