ਡੀਏਵੀ ਪਬਲਿਕ ਸਕੂਲ ਦੇ ਵਿਦਿਆਰਥੀਆਂ ਨੇ ਮਾਰੀਆਂ ਮੱਲਾਂ

ਲੁਧਿਆਣਾ: ਡੀਏਵੀ ਪਬਲਿਕ ਸਕੂਲ, ਪੱਖੋਵਾਲ ਰੋਡ, ਲੁਧਿਆਣਾ ਨੇ ਸੀਬੀਐੱਸਸੀ ਵੱਲੋਂ ਆਈਬੀਐੱਮ ਦੇ ਸਹਿਯੋਗ ਨਾਲ ਕਰਵਾਏ ਰਾਸ਼ਟਰੀ ਪੱਧਰ ਦੇ ਫਿਊਚਰਟੈਕ ਓਲੰਪੀਆਡ 2024 ਵਿੱਚ ਚੋਟੀ ਦਾ ਸਥਾਨ ਪ੍ਰਾਪਤ ਕੀਤਾ। ਇਸ ਸਮਾਗਮ ਵਿੱਚ ਪੂਰੇ ਭਾਰਤ ਵਿੱਚੋਂ 35,000 ਵਿਦਿਆਰਥੀਆਂ ਨੇ ਹਿੱਸਾ ਲਿਆ। ਦਿ ਸਟਾਰ - ਵਿਦਿਆਰਥੀ ਦੀਕਸ਼ਿਤਾ ਟਾਂਗਰੀ ਨੇ ਆਪਣੇ ਵਿਰੋਧੀਆਂ ਨੂੰ ਸਖ਼ਤ ਚੁਣੌਤੀ ਦਿੰਦੇ ਹੋਏ ਸੋਨ ਤਗਮਾ ਜਿੱਤਿਆ ਅਤੇ ਆਲ ਇੰਡੀਆ ਰੈਂਕ 20 ਹਾਸਲ ਕੀਤਾ। ਪ੍ਰਤਿਭਾਸ਼ਾਲੀ ਕਵਿਸ਼ ਸੁਨੇਜਾ ਨੇ ਸ਼ਾਨਦਾਰ ਚਾਂਦੀ ਦਾ ਤਗਮਾ ਪ੍ਰਾਪਤ ਕਰ ਕੇ 56ਵਾਂ ਆਲ ਇੰਡੀਆ ਰੈਂਕ ਪ੍ਰਾਪਤ ਕੀਤਾ ਅਤੇ ਸਮਰਿਤ ਠਾਕੁਰ ਨੇ 114ਵਾਂ ਆਲ ਇੰਡੀਆ ਰੈਂਕ ਹਾਸਲ ਕੀਤਾ। ਉਨ੍ਹਾਂ ਤੋਂ ਬਾਅਦ ਸੋਹਮ ਅਤੇ ਅਗਮ ਮਹਾਜਨ ਨੂੰ ਭਾਗੀਦਾਰੀ ਸਰਟੀਫਿਕੇਟ ਦਿੱਤੇ ਗਏ। ਉਹ ਪਲ ਸ਼ਾਨਦਾਰ ਬਣ ਗਿਆ ਜਦੋਂ ਦੀਕਸ਼ਿਤਾ, ਕਵੀਸ਼ ਅਤੇ ਸਮਰਿਤ ਨੇ ਨੈਸ਼ਨਲ ਫਿਊਚਰਟੈਕ ਚੈਲੇਂਜ 2024 ਲਈ ਕੁਆਲੀਫਾਈ ਕੀਤਾ। ਪ੍ਰਿੰਸੀਪਲ ਡਾ. ਸਤਵੰਤ ਕੌਰ ਭੁੱਲਰ ਨੇ ਵਿਦਿਆਰਥੀਆਂ ਅਤੇ ਉਹਨਾਂ ਦੇ ਸਲਾਹਕਾਰ ਅਕਾਸ਼ ਤਾਂਗੜੀ ਦੀ ਇਸ ਉਪਰਾਲੇ ਲਈ ਸ਼ਲਾਘਾ ਕੀਤੀ। -ਖੇਤਰੀ ਪ੍ਰਤੀਨਿਧ