ਸਰਪੰਚੀ ਲਈ ਚਚੇਰੇ ਭਰਾਵਾਂ ਵਿੱਚ ਜ਼ੋਰਦਾਰ ਮੁਕਾਬਲਾ

ਪੱਤਰ ਪ੍ਰੇਰਕ
ਸ਼ਹਿਣਾ, 12 ਅਕਤੂਬਰ
ਬਲਾਕ ਸ਼ਹਿਣਾ ਦੇ ਪਿੰਡ ਗਿੱਲ ਕੋਠੇ ਵਿੱਚ ਸਰਪੰਚ ਦੀ ਚੋਣ ਨੂੰ ਲੈ ਕੇ ਦੋ ਚਚੇਰੇ ਭਰਾਵਾਂ ’ਚ ਜ਼ਬਰਦਸਤ ਮੁਕਾਬਲਾ ਹੈ। ਪਿੰਡ ਗਿੱਲ ਕੋਠੇ ’ਚ ਸਰਪੰਚੀ ਐਸਸੀ (ਮਰਦ) ਵਰਗ ਲਈ ਰਾਖਵੀਂ ਹੈ ਅਤੇ ਦੱਸਣਾ ਬਣਦਾ ਹੈ ਕਿ ਇਸ ਪਿੰਡ ’ਚ ਐਸਸੀ ਵਰਗ ਦਾ ਇੱਕ ਹੀ ਘਰ ਹੈ। ਪਿੰਡ ਵਿੱਚ ਗੋਰਾ ਸਿੰਘ ਅਤੇ ਪਵਨ ਸਿੰਘ ਵਿਚਕਾਰ ਮੁਕਾਬਲਾ ਹੈ। ਪਿੰਡ ਦੇ ਪਤਵੰਤਿਆਂ ਨੇ ਸਰਬਸੰਮਤੀ ਕਰਵਾਉਣ ਦੀ ਕੋਸ਼ਿਸ ਕੀਤੀ ਪ੍ਰੰਤੂ ਸਰਬਸੰਮਤੀ ਨਹੀਂ ਹੋ ਸਕੀ। ਪਿੰਡ ’ਚ ਸਿਰਫ਼ 450 ਦੇ ਕਰੀਬ ਹੀ ਵੋਟਾਂ ਹਨ। ਦੋਵੇਂ ਉਮੀਦਵਾਰਾਂ ਦੇ ਘਰ ਵੀ ਆਹਮੋ-ਸਾਹਮਣੇ ਬਣੇ ਹੋਏ ਹਨ।