ਕਹਾਣੀ ਸੰਗ੍ਰਹਿ ‘ਆਪਣਾ ਘਰ’ ਲੋਕ ਅਰਪਣ

ਚੰਡੀਗੜ੍ਹ: ਪੰਜਾਬੀ ਲੇਖਕ ਸਭਾ, ਚੰਡੀਗੜ੍ਹ ਵੱਲੋਂ ਕਹਾਣੀਕਾਰ ਗੋਵਰਧਨ ਗੱਬੀ ਦੇ ਕਹਾਣੀ ਸੰਗ੍ਰਹਿ ‘ਆਪਣਾ ਘਰ’ ਦਾ ਲੋਕ ਅਰਪਣ ਸਮਾਗਮ ਕਰਵਾਇਆ ਗਿਆ। ਕਹਾਣੀਕਾਰ ਗੁਲ ਚੌਹਾਨ, ਬਲੀਜੀਤ ਅਤੇ ਦੀਪਤੀ ਬਬੂਟਾ ਨੇ ਵਿਸ਼ੇਸ਼ ਮਹਿਮਾਨਾਂ ਵਜੋਂ ਸ਼ਿਰਕਤ ਕੀਤੀ। ਸਭਾ ਦੇ ਪ੍ਰਧਾਨ ਬਲਕਾਰ ਸਿੱਧੂ ਨੇ ਆਖਿਆ ਕਿ ਲੇਖਕ ਨੇ ਆਪਣੀਆਂ ਕਹਾਣੀਆਂ ਵਿੱਚ ਸੰਜੀਦਾ ਵਿਸ਼ੇ ਛੂਹੇ ਹਨ। ਇਸ ਮੌਕੇ ਭੁਪਿੰਦਰ ਸਿੰਘ ਮਲਿਕ, ਡਾ. ਗੁਰਮੇਲ ਸਿੰਘ ਤੇ ਦੀਪਤੀ ਬਬੂਟਾ, ਗੁਰਮੀਤ ਸਿੰਗਲ, ਹਰਬੰਸ ਸੋਢੀ, ਡਾ. ਦੀਪਕ ਮਨਮੋਹਨ ਸਿੰਘ, ਕਰਨਲ ਜਸਬੀਰ ਭੁੱਲਰ ਨੇ ਵੀ ਵਿਚਾਰ ਰੱਖੇ। ਗੋਵਰਧਨ ਗੱਬੀ ਨੇ ਕਿਹਾ ਕਿ ਅਦਬੀ ਸ਼ਖ਼ਸੀਅਤਾਂ ਦੇ ਨੇੜੇ ਹੋ ਕੇ ਬਹੁਤ ਕੁਝ ਸਿੱਖਣ, ਸਮਝਣ ਤੇ ਪਰਖਣ ਦਾ ਮੌਕਾ ਮਿਲਿਆ। -ਸਾਹਿਤ ਪ੍ਰਤੀਨਿਧ