ਸਟੇਟ ਪਬਲਿਕ ਸਕੂਲ ਨੇ ਜੂਨੀਅਰ ਸਪੋਰਟਸ ਮੀਟ ਕਰਵਾਈ

ਸ਼ਾਹਕੋਟ

ਸਟੇਟ ਪਬਲਿਕ ਸਕੂਲ ਸ਼ਾਹਕੋਟ ਦੀ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਡਾ. ਨਰੋਤਮ ਸਿੰਘ ਤੇ ਮੀਤ ਪ੍ਰਧਾਨ ਡਾ. ਗਗਨਦੀਪ ਕੌਰ ਦੀ ਅਗਵਾਈ ਹੇਠ ਜੂਨੀਅਰ ਸਪੋਰਟਸ ਮੀਟ ਕਰਵਾਈ ਗਈ। ਪ੍ਰਿੰਸੀਪਲ ਕੰਵਰ ਨੀਲ ਕਮਲ ਨੇ ਦੱਸਿਆ ਕਿ ਜੂਨੀਅਰ ਸਪੋਰਟਸ ਮੀਟ ਦੀ ਸ਼ੁਰੂਆਤ ਐਂਥਨੀ ਮਸੀਹ ਵੱਲੋਂ ਜੋਤੀ ਜਗਾਉਣ ਨਾਲ ਹੋਈ ਜਿਸ ਉਪਰੰਤ ਸਕੂਲੀ ਵਿਦਿਆਰਥੀਆਂ ਵੱਲੋਂ ਸ਼ਬਦ ਗਾਇਨ ਕੀਤਾ ਗਿਆ। ਸਪੋਰਟਸ ਮੀਟ ਵਿੱਚ ਕਰਵਾਏ ਬੈੱਲ ਟਰੇਸ, ਫਰੌਗ ਰੇਸ, ਰਿਲੇਅ ਰੇਸ, ਬੈਕ ਰੇਸ, ਸੈਕ ਰੇਸ, ਪਿੱਕ ਐਂਡ ਰਨ ਰੇਸ, 50 ਤੇ 100 ਮੀਟਰ ਦੌੜ, ਲੈਮਨ ਰੇਸ ਅਤੇ ਹਰਡਲ ਰੇਸ ਵਿੱਚ ਨੰਨ੍ਹੇ-ਮੁੰਨ੍ਹੇ ਬੱਚਿਆਂ ਨੇ ਭਾਗ ਲਿਆ। ਮੁਕਾਬਲੇ ’ਚ ਤਗਮੇ ਜਿੱਤਣ ਵਾਲੇ ਖਿਡਾਰੀਆਂ ਨੂੰ ਸਕੂਲ ਪ੍ਰਬੰਧਕ ਮੈਨੇਜਮੈਂਟ ਕਮੇਟੀ, ਪ੍ਰਿੰਸੀਪਲ, ਵਾਈਸ ਪ੍ਰਿੰਸੀਪਲ ਅਤੇ ਅਧਿਆਪਕਾਂ ਨੇ ਇਨਾਮ ਤਕਸੀਮ ਕੀਤੇ। ਸਪੋਰਟਸ ਮੀਟ ਨੂੰ ਨੇਪਰੇ ਚਾੜ੍ਹਨ ਵਿੱਚ ਅਧਿਆਪਕਾ ਕਰਮਜੀਤ ਕੌਰ, ਮਾਲਤੀ, ਪੂਜਾ, ਦੀਪਤੀ, ਮਨਦੀਪ, ਸ਼ਿਫਾਲੀ, ਲੀਨਾ, ਮਨਜਿੰਦਰ, ਅੰਜਲੀ, ਰਜਨੀ, ਰਮਨ ਅਤੇ ਰਾਕੇਸ਼ ਨੇ ਮੁੱਖ ਭੂਮਿਕਾ ਨਿਭਾਈ। -ਪੱਤਰ ਪ੍ਰੇਰਕ