ਸ੍ਰੀਲੰਕਨ ਏਅਰਲਾਈਨਜ਼ ਵੱਲੋਂ ਲਾਹੌਰ ਲਈ ਉਡਾਣਾਂ ਮੁਅੱਤਲ

ਕੋਲੰਬੋ, 8 ਮਈ

ਸ੍ਰੀਲੰਕਨ ਏਅਰਲਾਈਨਜ਼ ਨੇ ਵੀਰਵਾਰ ਨੂੰ ਕਿਹਾ ਕਿ ਲਾਹੌਰ ਲਈ ਉਸ ਦੀਆਂ ਉਡਾਣਾਂ ਅਸਥਾਈ ਤੌਰ ’ਤੇ ਮੁਅੱਤਲ ਕਰ ਦਿੱਤੀਆਂ ਗਈਆਂ ਹਨ। ਹਾਲਾਂਕਿ, ਏਅਰਲਾਈਨ ਨੇ ਕਿਹਾ ਕਿ ਕਰਾਚੀ ਲਈ ਸੇਵਾਵਾਂ ਨਿਰਧਾਰਤ ਸਮੇਂ ਅਨੁਸਾਰ ਜਾਰੀ ਰਹਿਣਗੀਆਂ। ਏਅਰਲਾਈਨ ਲਾਹੌਰ ਲਈ ਚਾਰ ਹਫਤਾਵਾਰੀ ਉਡਾਣਾਂ ਚਲਾਉਂਦੀ ਹੈ ਅਤੇ ਉਹ ਸਾਰੀਆਂ ਉਡਾਣਾਂ ਅਗਲੇ ਨੋਟਿਸ ਤੱਕ ਰੱਦ ਕਰ ਦਿੱਤੀਆਂ ਗਈਆਂ ਹਨ।

ਸੂਤਰਾਂ ਨੇ ਕਿਹਾ, ‘‘ਇਹ ਕਸ਼ਮੀਰ ਖੇਤਰ ਵਿਚ ਮੌਜੂਦਾ ਤਣਾਅਪੂਰਨ ਫੌਜੀ ਸਥਿਤੀ ਦੇ ਮੱਦੇਨਜ਼ਰ ਕੀਤਾ ਜਾ ਰਿਹਾ ਹੈ।’’ ਬੁੱਧਵਾਰ ਦੇਰ ਰਾਤ ਦੇ ਇਕ ਵਾਧੇ ਵਿਚ ਪਾਕਿਸਤਾਨ ਸਰਕਾਰ ਨੇ ਲਾਹੌਰ ਅਤੇ ਇਸਲਾਮਾਬਾਦ ਹਵਾਈ ਅੱਡਿਆਂ 'ਤੇ ਸਾਰੀਆਂ ਵਪਾਰਕ ਉਡਾਣਾਂ ਲਈ ਆਪਣਾ ਹਵਾਈ ਖੇਤਰ ਬੰਦ ਕਰ ਦਿੱਤਾ। ਹਾਲਾਂਕਿ, ਪਾਕਿਸਤਾਨ ਹਵਾਈ ਅੱਡਾ ਅਥਾਰਟੀ ਨੇ ਇਕ ਬਿਆਨ ਵਿਚ ਕਿਹਾ ਕਿ ਕਰਾਚੀ ਹਵਾਈ ਅੱਡਾ ਚਾਲੂ ਰਹੇਗਾ। ਪਾਕਿਸਤਾਨ ਵਿਚ ਹਵਾਈ ਖੇਤਰ ਅਤੇ ਹਵਾਈ ਅੱਡਿਆਂ ਨੂੰ ਬੰਦ ਕਰਨਾ ਭਾਰਤ ਵੱਲੋਂ ਬੁੱਧਵਾਰ ਸਵੇਰੇ ਆਪ੍ਰੇਸ਼ਨ ਸਿੰਦੂਰ ਸ਼ੁਰੂ ਕਰਨ ਤੋਂ ਬਾਅਦ ਆਇਆ ਹੈ। -ਪੀਟੀਆਈ