ਸ੍ਰੀਚੰਦ ਦਾ ਜਨਮ ਦਿਨ ਮਨਾਇਆ

ਨਵੀਂ ਦਿੱਲੀ (ਪੱਤਰ ਪ੍ਰੇਰਕ)

ਦੱਖਣੀ ਦਿੱਲੀ ਦੇ ਮਹਿਰੌਲੀ ਖੇਤਰ ਦੇ ਗਦਾਈਪੁਰ ਪਿੰਡ ਵਿੱਚ ਗੋਬਿੰਦ ਸਦਨ ਵਿਖੇ ਸ੍ਰੀਚੰਦ ਦਾ 530ਵਾਂ ਜਨਮ ਦਿਨ ਮਨਾਇਆ ਗਿਆ। ਇਸ ਮੌਕੇ ਦਿੱਲੀ ਸਣੇ ਪੰਜਾਬ ਦੇ ਗੁਰਦਾਸਪੁਰ, ਬੁਢਲਾਡਾ, ਪਟਿਆਲਾ ਤੇ ਉੱਤਰਾਖੰਡ, ਯੂਪੀ ਦੇ ਤਰਾਈ ਇਲਾਕੇ ਤੋਂ ਸੰਗਤ ਪੁਹੰਚੀ। ਸਦਨ ਦੇ ਸਕੱਤਰ ਚਰਚਿਲ ਸਿੰਘ ਚੱਢਾ ਨੇ ਦੱਸਿਆ ਕਿ ਬੀਤੇ ਦਿਨ ਸ਼ੁਰੂ ਹੋਏ ਸਮਾਗਮਾਂ ਦੌਰਾਨ ਗੁਰਬਾਣੀ ਕੀਰਤਨ ਪ੍ਰਵਾਹ ਚੱਲਿਆ ਤੇ ਗੁਰਬਾਣੀ ਵਿਚਾਰ ਹੋਏ। ਬਾਬਾ ਹਰਦੀਪ ਸਿੰਘ ਦੇ ਪ੍ਰਬੰਧਾਂ ਹੇਠ ਕਰਵਾਏ ਗਏ ਸਮਾਗਮ ਦੌਰਾਨ ਗਿਆਨੀ ਇਕਬਾਲ ਸਿੰਘ (ਪਟਨਾ ਸਾਹਿਬ), ਬੁੱਧੀਜੀਵੀ ਡਾ. ਸੁਰਜੀਤ ਕੌਰ ਜੌਲੀ, ਨਿਰਮਲ ਸਿੰਘ ਪੰਨੂ, ਬਾਬਾ ਹਾਕਮ ਸਿੰਘ (ਸਰਹਾਲੀ ਸਾਹਿਬ), ਬਾਬਾ ਜੋਗਿੰਦਰ ਸਿੰਘ (ਗੁਰਦਾਸਪੁਰ), ਬਾਬਾ ਦਰਸ਼ਨ ਸਿੰਘ , ਮਾਤਾ ਮੈਰੀ ਪੈਡ (ਅਮਰੀਕਾ) ਸਣੇ ਹੋਰ ਸ਼ਖ਼ਸੀਅਤਾਂ ਨੇ ਸ਼ਿਰਕਤ ਕੀਤੀ। ਗੁਰਮੀਤ ਸਿੰਘ ਨੇ ਦੱਸਿਆ ਕਿ ਬਾਬਾ ਵਿਰਸਾ ਸਿੰਘ ਵੱਲੋਂ ਸਥਾਪਤ ਇਸ ਸਥਾਨ ਵਿਖੇ ਐਤਵਾਰ ਨੂੰ ਆਖ਼ਰੀ ਦਿਨ ਮੁੱਖ ਸਮਾਗਮ ਹੋਵੇਗਾ।