ਕਾਨੂੰਨੀ ਕਮੀਆਂ ਕਾਰਨ ਸ੍ਰੀਸੰਤ ਬਚ ਗਿਆ: ਸਾਬਕਾ ਪੁਲੀਸ ਕਮਿਸ਼ਨਰ

ਨਵੀਂ ਦਿੱਲੀ, 7 ਅਪਰੈਲ
ਦਿੱਲੀ ਦੇ ਸਾਬਕਾ ਪੁਲੀਸ ਕਮਿਸ਼ਨਰ ਨੀਰਜ ਕੁਮਾਰ ਨੇ ਕਿਹਾ ਕਿ ਭਾਰਤੀ ਖੇਡਾਂ ਵਿੱਚ ਭ੍ਰਿਸ਼ਟਾਚਾਰ ਖ਼ਿਲਾਫ਼ ਕਾਨੂੰਨ ਲਿਆਉਣ ’ਚ ਗੰਭੀਰਤਾ ਦੀ ਸਪੱਸ਼ਟ ਕਮੀ ਦਿਖਾਈ ਦਿੱਤੀ ਹੈ ਅਤੇ ਇਸੇ ਕਾਰਨ ਸਾਬਕਾ ਤੇਜ਼ ਗੇਂਦਬਾਜ਼ ਐਸ. ਸ੍ਰੀਸੰਤ ਜਿਹਾ ਵਿਅਕਤੀ ਆਈਪੀਐੱਲ 2013 ਵਿੱਚ ਉਸ ਖ਼ਿਲਾਫ਼ ਸਪਾਟ ਫਿਕਸਿੰਗ ਦੇ ਪੁਖਤਾ ਸਬੂਤ ਹੋਣ ਦੇ ਬਾਵਜੂਦ ਬਚ ਗਿਆ। ਜਦੋਂ ਸਪੈਸ਼ਲ ਸੈੱਲ ਨੇ ਸਪਾਟ ਫਿਕਸਿੰਗ ਦੇ ਦੋਸ਼ਾਂ ਹੇਠ ਸ੍ਰੀਸੰਤ, ਅਜੀਤ ਚੰਦੀਲਾ ਤੇ ਅੰਕਿਤ ਚਵਾਨ ਨੂੰ ਗ੍ਰਿਫਤਾਰ ਕੀਤਾ ਸੀ ਤਾਂ ਨੀਰਜ ਕੁਮਾਰ ਦਿੱਲੀ ਪੁਲੀਸ ਦੇ ਇੰਚਾਰਜ ਸਨ। ਉਨ੍ਹਾਂ ਕਿਹਾ, ‘‘ਬਦਕਿਸਮਤੀ ਨਾਲ ਕ੍ਰਿਕਟ ਜਾਂ ਹੋਰ ਖੇਡਾਂ ਵਿੱਚ ਭ੍ਰਿਸ਼ਟਾਚਾਰ ਨਾਲ ਨਜਿੱਠਣ ਲਈ (ਭਾਰਤ ਵਿੱਚ) ਕੋਈ ਕਾਨੂੰਨ ਨਹੀਂ ਹੈ।’’ ਉਨ੍ਹਾਂ ਕਿਹਾ, ‘‘ਇੱਥੋਂ ਤੱਕ ਕਿ ਜ਼ਿੰਬਾਬਵੇ ਵਰਗੇ ਦੇਸ਼ ਵਿੱਚ ਵੀ ਇਸ ਸਬੰਧੀ ਵਿਸ਼ੇਸ਼ ਕਾਨੂੰਨ ਹੈ।’’ -ਪੀਟੀਆਈ