ਖੇਡਾਂ ਵਤਨ ਪੰਜਾਬ ਦੀਆਂ: ਟੇਬਲ ਟੈਨਿਸ ਵਿੱਚ ਲਕਸ਼ੈ ਮਹਾਜਨ ਮੋਹਰੀ

ਪੱਤਰ ਪ੍ਰੇਰਕ
ਜਲੰਧਰ, 1 ਅਕਤੂਬਰ
‘ਖੇਡਾਂ ਵਤਨ ਪੰਜਾਬ ਦੀਆਂ-2023’ ਤਹਿਤ ਜ਼ਿਲ੍ਹਾ ਪੱਧਰੀ ਟੂਰਨਾਮੈਂਟ ਦੇ ਪੰਜਵੇਂ ਦਨਿ ਵੱਖ-ਵੱਖ ਖੇਡ ਮੁਕਾਬਲਿਆਂ ਵਿੱਚ ਖਿਡਾਰੀਆਂ ਵੱਲੋਂ ਆਪਣੀ ਖੇਡ ਦਾ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਗਿਆ। ਜ਼ਿਲ੍ਹਾ ਖੇਡ ਅਫ਼ਸਰ ਨੇ ਦੱਸਿਆ ਕਿ ਅਥਲੈਟਿਕਸ ਲੌਂਗ ਜੰਪ (ਪੁਰਸ਼) ਉਮਰ 60 ਸਾਲ ਤੋਂ ਵੱਧ ਵਿੱਚ ਬਲਵਿੰਦਰ ਸਿੰਘ ਨੇ ਪਹਿਲਾ ਸਥਾਨ, ਸੁਸ਼ੀਲ ਕੁਮਾਰ ਡੋਗਰਾ ਨੇ ਦੂਜਾ ਅਤੇ ਜਾਗੀਰ ਸਿੰਘ ਨੇ ਤੀਜਾ ਸਥਾਨ ਪ੍ਰਾਪਤ ਕੀਤਾ। 400 ਮੀਟਰ (ਮਹਿਲਾ) 56 ਤੋਂ 65 ਸਾਲ ਉਮਰ ਵਰਗ ਮੁਕਾਬਲੇ ਵਿਚ ਸੁਖਵਿੰਦਰ ਕੌਰ ਨੇ ਪਹਿਲਾ, 400 ਮੀ (ਪੁਰਸ਼) 65 ਸਾਲ ਤੋਂ ਵੱਧ ਮੁਕਾਬਲੇ ਵਿਚ ਸੁਸ਼ੀਲ ਕੁਮਾਰ ਡੋਗਰਾ ਨੇ ਪਹਿਲਾ,4.3 ਕਿੱਲੋ ਮੀਟਰ ਵਾਕ ਪੁਰਸ਼ਾਂ ਵਿਚ ਜਸਬੀਰ ਸਿੰਘ ਕਲਸੀ ਨੇ ਪਹਿਲਾ, ਟੇਬਲ ਟੈਨਿਸ ਦੇ ਫਾਈਨਲ ਮੈਚ ਵਿਚ ਲਕਸ਼ੈ ਮਹਾਜਨ ਨੇ ਆਯੂਸ਼ ਗੰਭੀਰ ਨੂੰ 3 -1 ਨਾਲ ਹਰਾ ਕੇ ਜਿੱਤ ਹਾਸਲ ਕੀਤੀ। ਵੇਟ ਲਿਫਟਿੰਗ (ਲੜਕੇ) 37 ਕਿੱਲੋ ਭਾਰ ਵਰਗ ਮੁਕਾਬਲੇ ਵਿਚ ਜੈ ਰਾਮ ਭਗਤ ਪਹਿਲੇ ਸਥਾਨ ’ਤੇ ਰਿਹਾ।