ਨਸ਼ੇ ਦਾ ਰੁਝਾਨ ਠੱਲ੍ਹਣ ਲਈ ਖੇਡਾਂ ਕਾਰਗਰ: ਹਡਾਣਾ

ਪਟਿਆਲਾ: ਚੰਡੀਗੜ੍ਹ ਵਿੱਚ ਹੋਈਆਂ 61ਵੀਂ ਨੈਸ਼ਨਲ ਖੇਡਾਂ ਵਿਚਲੇ ਪੰਜਾਬ ਸੀਨੀਅਰ ਮੈਨ ਇਨਲਾਈਨ ਹਾਕੀ ਵਿੱਚ ਕਾਂਸੀ ਦਾ ਮੈਡਲ ਲੈ ਕੇ ਆਏ ਜੇਤੂ ਖਿਡਾਰੀਆਂ ਦਾ ਪੀਆਰਟੀਸੀ ਦੇ ਪਟਿਆਲਾ ਸਥਿਤ ਮੁੱਖ ਦਫਤਰ ਵਿਖੇ ਪੀਆਰਟੀਸੀ ਦੇ ਚੇਅਰਮੈਨ ਰਣਜੋਧ ਸਿੰਘ ਹਡਾਣਾ ਨੇ ਸਨਮਾਨ ਕੀਤਾ। ਉਨ੍ਹਾਂ ਕਿਹਾ ਕਿ ਪੰਜਾਬ ਦੇ ਖਿਡਾਰੀਆਂ ਦੇ ਚੰਗੇ ਭਵਿੱਖ ਲਈ ਪੰਜਾਬ ਸਰਕਾਰ ਚੰਗੇ ਫੈਸਲੇ ਲੈ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਨੌਜਵਾਨਾਂ ਨੂੰ ਨਸ਼ਿਆਂ ਤੋਂ ਬਚਾਉਣ ਲਈ ਖੇਡਾਂ ਅਹਿਮ ਭੂਮਿਕਾ ਰਹੀਆਂ ਹਨ। ਇਸ ਮੌਕੇ ਜੇਤੂ ਟੀਮ ਦੇ ਕਪਤਾਨ ਸੁਖਜੀਤਪਾਲ ਸਿੰਘ, ਨਵਰੀਤ ਸਿੰਘ, ਰਾਹੁਲ, ਗੁਰਪ੍ਰੀਤ ਸਿੰਘ ਚਾਹਲ, ਅਜੀਜ ਸਿੰਘ, ਤੇਜਵੀਰ ਸੂਦ, ਜਗਸੀਰ ਸਿੰਘ, ਨਵਜੋਤ ਸਿੰਘ, ਨੀਤਿਨ ਕੰਨਜੋਈਆ, ਆਤਮਾ ਸਿੰਘ, ਗੁਰਮਨ ਸਿੰਘ ਤੇ ਮੰਨਦੀਪ ਸਿੰਘ ਸਮੇਤ ਲਾਲੀ ਰਹਿਲ, ਹਰਪਿੰਦਰ ਚੀਮਾ, ਸੁੱਖਵਿੰਦਰ ਬਲੱਮਗੜ ਤੇ ਡਾ. ਹਰਨੇਕ ਸਿੰਘ ਦੇ ਨਾਮ ਸ਼ਾਮਲ ਹਨ। -ਖੇਤਰੀ ਪ੍ਰਤੀਨਿਧ