ਦੱਖਣੀ ਕੋਰੀਆ: ਬਿੱਲੀਆਂ ਮਾਰਨ ਵਾਲੇ ਨੂੰ 14 ਮਹੀਨੇ ਦੀ ਕੈਦ
07:01 AM Apr 24, 2024 IST
Advertisement
ਸਿਓਲ, 23 ਅਪਰੈਲ
ਦੱਖਣੀ ਕੋਰੀਆ ਦੇ ਇੱਕ ਵਿਅਕਤੀ ਨੂੰ 76 ਬਿੱਲੀਆਂ ਮਾਰਨ ਦੇ ਦੋਸ਼ ਜੋ ਹਾਲੀਆ ਵਰ੍ਹਿਆਂ ’ਚ ਦੇਸ਼ ਜਾਨਵਰਾਂ ’ਤੇ ਅੱਤਿਆਚਾਰ ਦੇ ਸੰਗੀਨ ਕੇਸਾਂ ਵਿੱਚੋਂ ਇੱਕ ਹੈ, ਹੇਠ 14 ਮਹੀਨੇ ਕੈਦ ਦੀ ਸਜ਼ਾ ਸੁਣਾਈ ਗਈ ਹੈ। ਦੱਖਣ-ਪੂਰਬੀ ਕੋਰੀਆ ਵਿੱਚ ਚਾਂਗਵੌਨ ਜ਼ਿਲ੍ਹਾ ਅਦਾਲਤ ਨੇ ਅੱਜ ਕਿਹਾ ਕਿ ਵਿਅਕਤੀ, ਜਿਸ ਦੀ ਉਮਰ 20 ਤੋਂ 30 ਸਾਲਾਂ ਦੇ ਵਿਚਕਾਰ ਹੈ, ਨੂੰ ਦੱਖਣੀ ਕੋਰੀਆ ਜਾਨਵਰ ਸੁਰੱਖਿਆ ਐਕਟ ਦੀ ਉਲੰਘਣਾ ਦੇ ਦੋਸ਼ ਹੇਠ ਪਿਛਲੇ ਹਫ਼ਤੇ ਦੋਸ਼ੀ ਠਹਿਰਾਇਆ ਗਿਆ ਸੀ। ਅਦਾਲਤ ਦੇ ਫ਼ੈਸਲੇ ਮੁਤਾਬਕ ਉਕਤ ਵਿਅਕਤੀ ਨੇ ਬਿੱਲੀਆਂ ਵੱਲੋਂ ਉਸ ਦੀ ਕਾਰ ’ਤੇ ਝਰੀਟਾਂ ਪਾਏ ਜਾਣ ਮਗਰੋਂ ਜਾਨਵਰਾਂ ਨਾਲ ਨਫ਼ਰਤ ਕਰਨੀ ਸ਼ੁਰੂ ਕਰ ਦਿੱਤੀ ਅਤੇ ਦਸੰਬਰ 2022 ਤੋਂ ਸਤੰਬਰ 2023 ਦੌਰਾਨ ਬਿੱਲੀਆਂ ਮਾਰ ਦਿੱਤੀਆਂ। ਅਦਾਲਤ ਨੇ ਕਿਹਾ ਕਿ ਉਸ ਨੇ ਕਈ ਲਾਵਾਰਸ ਬਿੱਲੀਆਂ ਫੜੀਆਂ ਤੇ ਕੁਝ ਨੂੰ ਆਨਲਾਈਨ ਸਾਈਟਾਂ ਤੋਂ ਗੋਦ ਲਿਆ ਸੀ। -ਏਪੀ
Advertisement
Advertisement