ਸੋਨਾਲੀ ਨੇ ਅਸ਼ੀਸ਼ ਨਾਲ ਸਾਂਝੀਆਂ ਕੀਤੀਆਂ ਮਾਲਦੀਵਜ਼ ਦੀਆਂ ਤਸਵੀਰਾਂ

ਮੁੰਬਈ: ਨਵੀਂ ਵਿਆਹੀ ਜੋੜੀ ਸੋਨਾਲੀ ਸੇਗਲ ਤੇ ਅਸ਼ੀਸ਼ ਸਜਨਾਨੀ ਇਸ ਵੇਲੇ ਮਾਲਦੀਵਜ਼ ਵਿੱਚ ਹਨੀਮੂਨ ‘ਤੇ ਗਏ ਹੋਏ ਹਨ। ਇਸ ਮੌਕੇ ਸੋਨਾਲੀ ਨੇ ਆਪਣੇ ਪਤੀ ਨਾਲ ਕੁਝ ਤਸਵੀਰਾਂ ਇੰਸਟਾਗ੍ਰਾਮ ‘ਤੇ ਸਾਂਝੀਆਂ ਕੀਤੀਆਂ ਹਨ। ਇਨ੍ਹਾਂ ਤਸਵੀਰਾਂ ਵਿੱਚ ਨਵੀਂ ਵਿਆਹੀ ਜੋੜੀ ਮਾਲਦੀਵਜ਼ ਦੇ ਨਜ਼ਾਰਿਆਂ ਦਾ ਆਨੰਦ ਮਾਣਦੀ ਦਿਖਾਈ ਦੇ ਰਹੀ ਹੈ। ਇੱਕ ਤਸਵੀਰ ਵਿੱਚ ਦੋਵੇਂ ਇੱਕ ਕਰੂਜ਼ ‘ਤੇ ਖੜ੍ਹੇ ਦਿਖਾਈ ਦੇ ਰਹੇ ਹਨ। ਇਨ੍ਹਾਂ ਤਸਵੀਰਾਂ ਵਿੱਚ ਅਦਾਕਾਰਾ ਨੇ ਗੁਲਾਬੀ ਰੰਗ ਦੀ ਫੁੱਲਾਂ ਦੇ ਪ੍ਰਿੰਟ ਵਾਲੀ ਪੁਸ਼ਾਕ ਪਹਿਨੀ ਹੋਈ ਹੈ, ਜਦਕਿ ਅਸ਼ੀਸ਼ ਨੇ ਗੁਲਾਬੀ ਤੇ ਸਫ਼ੇਦ ਰੰਗ ਦੀ ਸ਼ਰਟ ਨਾਲ ਮਿੱਟੀ ਰੰਗ ਦੇ ਸ਼ਾਰਟਸ ਪਾਏ ਹੋਏ ਹਨ। ਸੋਨਾਲੀ ਨੇ ਤਸਵੀਰ ਨਾਲ ਲਿਖਿਆ ਹੈ, ‘ਕਰੂਜ਼ ‘ਤੇ ਢਲਦਾ ਸੂਰਜ, ਬਾਕਮਾਲ ਮੌਸਮ ਅਤੇ ਡੌਲਫਿਨਾਂ ਦੇ ਨਜ਼ਾਰੇ।’ ਇੱਕ ਹੋਰ ਤਸਵੀਰ ਨਾਲ ਸੋਨਾਲੀ ਨੇ ਲਿਖਿਆ, ‘ਮੈਂ ਖਾਂਦੀ ਹਾਂ ਤੇ ਉਹ ਵੇਖਦਾ ਹੈ, ਸਾਡੀ ਜ਼ਿੰਦਗੀ ਦੀ ਇਹੀ ਕਹਾਣੀ।’ ਜ਼ਿਕਰਯੋਗ ਹੈ ਕਿ ਇਸ ਜੋੜੀ ਨੇ ਬੀਤੀ 7 ਜੂਨ ਨੂੰ ਮੁੰਬਈ ਦੇ ਸਾਂਤਾ ਕਰੂਜ਼ ਵੈਸਟ ਸਥਿਤ ਗੁਰਦੁਆਰੇ ਵਿੱਚ ਲਾਵਾਂ ਲਈਆਂ ਸਨ ਤੇ ਇਸ ਸਮਾਗਮ ਵਿੱਚ ਫਿਲਮ ਜਗਤ ਦੀਆਂ ਕਈ ਮਸ਼ਹੂਰ ਹਸਤੀਆਂ ਨੇ ਸ਼ਿਰਕਤ ਕੀਤੀ ਸੀ। -ਏਐੱਨਆਈ