ਸੋਨਾਲੀ ਤੇ ਅਸ਼ੀਸ਼ ਨੇ ਦੋਸਤਾਂ ਨੂੰ ਰਿਸੈਪਸ਼ਨ ਦਿੱਤੀ

ਮੁੰਬਈ: ਨਵੀਂ ਵਿਆਹੀ ਜੋੜੀ ਸੋਨਾਲੀ ਸਹਿਗਲ ਅਤੇ ਆਸ਼ੀਸ਼ ਸਜਨੀ ਨੇ ਆਪਣੇ ਦੋਸਤਾਂ ਅਤੇ ਸਨੇਹੀਆਂ ਨੂੰ ਰਿਸੈਪਸ਼ਨ ਦਿੱਤੀ। ਇਸ ਪਾਰਟੀ ਵਿੱਚ ਉੱਘੇ ਫਿਲਮ ਨਿਰਦੇਸ਼ਕ ਲਵ ਰੰਜਨ ਤੇ ਕਾਮੇਡੀਅਨ ਸੁਮੋਨਾ ਚਕਰਵਰਤੀ, ਰਾਜਕੁਮਾਰ ਰਾਓ, ਪਤਰਲੇਖਾ, ਨੁਸਰਤ ਭਰੁਚਾ, ਸੰਨੀ ਸਿੰਘ, ਓਮਕਾਰ ਕਪੂਰ, ਵਰੁਣ ਸ਼ਰਨਾ, ਆਦਿਤੀ ਸੀਲ, ਅਨੁਸ਼ਕਾ ਰੰਜਨ, ਵਰਧਾਨ ਪੁਰੀ ਤੇ ਰਾਏ ਲਕਸ਼ਮੀ ਸਮੇਤ ਟੀਵੀ ਤੇ ਫਿਲਮ ਜਗਤ ਦੀਆਂ ਕਈ ਮਸ਼ਹੂਰ ਹਸਤੀਆਂ ਨੇ ਸ਼ਿਕਰਤ ਕੀਤੀ। ਇਸ ਮੌਕੇ ਸੋਨਾਲੀ ਨੇ ਚਾਂਦੀ ਰੰਗਾ ਲਹਿੰਗਾ ਤੇ ਅਸ਼ੀਸ਼ ਨੇ ਚਿੱਟੇ ਰੰਗ ਦੇ ਪਜਾਮੇ ਨਾਲ ਕਾਲੇ ਰੰਗ ਦੀ ਸ਼ੇਰਵਾਨੀ ਪਾਈ ਹੋਈ ਸੀ। ਦੋਵਾਂ ਨੇ ਪਿਛਲੇ ਦਿਨ ਮੁੰਬਈ ਦੇ ਸਾਂਤਾ ਕਰੂਜ਼ ਸਥਿਤ ਗੁਰਦੁਆਰੇ ਵਿੱਚ ਲਾਵਾਂ ਲਈਆਂ ਸਨ। ਜ਼ਿਕਰਯੋਗ ਹੈ ਕਿ ਸੋਨਾਲੀ 2011 ਵਿੱਚ ਲਵ ਰੰਜਨ ਦੀ ਫਿਲਮ ‘ਪਿਆਰ ਕਾ ਪੰਚਨਾਮਾ’ ਨਾਲ ਚਰਚਾ ਵਿੱਚ ਆਈ ਸੀ, ਜਿਸ ਮਗਰੋਂ ਉਸ ਨੇ ‘ਹਾਈ ਜੈਕ’, ‘ਇਸ਼ਕ ਦਾ ਰੋਗ’ ਅਤੇ ‘ਜੈ ਮੰਮੀ ਦੀ’ ਫਿਲਮਾਂ ਵਿੱਚ ਵੀ ਕੰਮ ਕੀਤਾ ਹੈ। ਫਿਲਮਾਂ ਵਿੱਚ ਆਉਣ ਤੋਂ ਪਹਿਲਾਂ ਸੋਨਾਲੀ ਮਾਡਲਿੰਗ ਕਰਦੀ ਸੀ। -ਆਈਏਐੱਨਐੱਸ