ਸੀਏ ਪ੍ਰੀਖਿਆ ਵਿੱਚ ਮੁਸਕਾਨ ਦਾ ਸ਼ਾਨਦਾਰ ਪ੍ਰਦਰਸ਼ਨ

ਦਸੂਹਾ:

ਇੰਸਟੀਟਿਊਟ ਆਫ ਚਾਰਟਡ ਅਕਾਊਂਟੈਂਟਸ ਆਫ ਇੰਡੀਆ ਵੱਲੋਂ ਸੀਏ ਇੰਟਰਮੀਡੀਏਟ ਪ੍ਰੀਖਿਆ ਦੇ ਐਲਾਨੇ ਨਤੀਜਿਆਂ ਵਿੱਚ ਜੇਸੀਡੀਏਵੀ ਕਾਲਜ ਦੀ ਵਿਦਿਆਰਥਣ ਮੁਸਕਾਨ ਕੁਮਾਰੀ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਪ੍ਰਿੰਸੀਪਲ ਪ੍ਰੋ. ਰਾਕੇਸ਼ ਮਹਾਜਨ ਨੇ ਦੱਸਿਆ ਕਿ ਆਈਸੀਏਆਈ ਵੱਲੋਂ ਅਕਤੂਬਰ 2024 ਵਿੱਚ ਪਹਿਲੇ ਗਰੁੱਪ ਦੀ ਲਈ ਪ੍ਰੀਖਿਆ ’ਚ ਕਾਲਜ ਦੇ ਕਾਮਰਸ ਵਿਭਾਗ (ਬੀਕਾਮ 2024 ਬੈਚ) ਦੀ ਵਿਦਿਆਰਥਣ ਮੁਸਕਾਨ ਨੇ 151 ਅੰਕ ਪ੍ਰਾਪਤ ਕਰਕੇ ਪ੍ਰੀਖਿਆ ਪਾਸ ਕੀਤੀ। ਉਨ੍ਹਾਂ ਮੁਸਕਾਨ ਨੂੰ ਵਧਾਈ ਦਿੱਤੀ। ਉਨ੍ਹਾਂ ਇਸ ਉਪਲੱਬਧੀ ਦਾ ਸਿਹਰਾ ਕਾਮਰਸ ਵਿਭਾਗ ਦੇ ਮੁਖੀ ਡਾ. ਕਾਜਲ ਕਿਰਨ ਤੇ ਸਟਾਫ ਮੈਂਬਰਾਂ ਸਿਰ ਬੰਨ੍ਹਿਆ। ਇਸ ਮੌਕੇ ਪ੍ਰੋ. ਨਿਵੇਦਿਕਾ, ਰਜਿਸਟਰਾਰ ਡਾ. ਸ਼ੀਤਲ ਸਿੰਘ, ਡਾ. ਅਮਿਤ ਸ਼ਰਮਾ, ਡਾ. ਮੋਹਿਤ ਸ਼ਰਮਾ, ਪ੍ਰੋ. ਭਾਵਨਾ, ਪ੍ਰੋ. ਰਜਨਪ੍ਰੀਤ ਅਤੇ ਪ੍ਰੋ. ਮਹਿਮਾ ਮੌਜੂਦ ਸਨ। -ਪੱਤਰ ਪ੍ਰੇਰਕ