ਹਵਾਈ ਜਹਾਜ਼ਾਂ ਦੇ ਤੇਲ ਦੀਆਂ ਕੀਮਤਾਂ ’ਚ ਮਾਮੂਲੀ ਵਾਧਾ ਪਰ ਕਮਰਸ਼ੀਅਲ 19 ਕਿਲੋ ਦਾ ਐੱਲਪੀਜੀ ਸਿਲੰਡਰ 19 ਰੁਪਏ ਸਸਤਾ
12:44 PM May 01, 2024 IST
Advertisement
ਨਵੀਂ ਦਿੱਲੀ, 1 ਮਈ
ਜੈੱਟ ਈਂਧਨ ਜਾਂ ਏਟੀਐੱਫ ਦੀਆਂ ਕੀਮਤਾਂ 'ਚ ਅੱਜ 0.7 ਫੀਸਦੀ ਦਾ ਵਾਧਾ ਕੀਤਾ ਗਿਆ, ਜਦੋਂ ਕਿ ਹੋਟਲਾਂ ਅਤੇ ਰੈਸਟੋਰੈਂਟਾਂ ਵਰਗੇ ਅਦਾਰਿਆਂ ਵੱਲੋਂ ਵਰਤੇ ਜਾਣ ਵਾਲੇ ਵਪਾਰਕ ਐੱਲਪੀਜੀ ਦੀਆਂ ਕੀਮਤਾਂ ’ਚ 19 ਰੁਪਏ ਪ੍ਰਤੀ ਸਿਲੰਡਰ ਦੀ ਕਟੌਤੀ ਕੀਤੀ ਗਈ। ਰਾਸ਼ਟਰੀ ਰਾਜਧਾਨੀ ਵਿੱਚ ਹਵਾਬਾਜ਼ੀ ਟਰਬਾਈਨ ਫਿਊਲ (ਏਟੀਐੱਫ) ਦੀ ਕੀਮਤ 749.25 ਰੁਪਏ ਪ੍ਰਤੀ ਕਿਲੋਲਿਟਰ ਜਾਂ 0.7 ਫੀਸਦੀ ਦੇ ਵਾਧੇ ਨਾਲ 101,642.88 ਰੁਪਏ ਪ੍ਰਤੀ ਕਿਲੋਲਿਟਰ ਹੋ ਗਈ ਹੈ। ਇਸ ਤੋਂ ਇਲਾਵਾ ਤੇਲ ਕੰਪਨੀਆਂ ਨੇ ਵੀ ਵਪਾਰਕ ਐੱਲਪੀਜੀ ਦੀ ਕੀਮਤ 19 ਰੁਪਏ ਘਟਾ ਕੇ 19 ਕਿਲੋਗ੍ਰਾਮ ਵਾਲੇ ਸਿਲੰਡਰ ਲਈ 1,745.50 ਰੁਪਏ ਕਰ ਦਿੱਤੀ ਹੈ। ਇਹ ਦਰਾਂ ਵਿੱਚ ਦੂਜੀ ਮਹੀਨਾਵਾਰ ਕਟੌਤੀ ਹੈ। 1 ਅਪਰੈਲ ਨੂੰ 19 ਕਿਲੋਗ੍ਰਾਮ ਸਿਲੰਡਰ ਦੀਆਂ ਕੀਮਤਾਂ 30.5 ਰੁਪਏ ਘਟਾਈਆਂ ਗਈਆਂ ਸਨ। ਘਰੇਲੂ ਘਰਾਂ ਵਿਚ ਵਰਤੀ ਜਾਣ ਵਾਲੀ ਰਸੋਈ ਗੈਸ ਦੀਆਂ ਕੀਮਤਾਂ 803 ਰੁਪਏ ਪ੍ਰਤੀ 14.2 ਕਿਲੋਗ੍ਰਾਮ ਸਿਲੰਡਰ 'ਤੇ ਬਰਕਰਾਰ ਹਨ।
Advertisement
Advertisement
Advertisement