ਤੱਟ ਰੱਖਿਅਕਾਂ ਵੱਲੋਂ ਛੇ ਹਜ਼ਾਰ ਕਿਲੋ ਨਸ਼ੀਲੇ ਪਦਾਰਥ ਜ਼ਬਤ

ਪੋਰਟ ਬਲੇਅਰ:

ਭਾਰਤੀ ਤੱਟ ਰੱਖਿਅਕ ਬਲ ਨੇ ਅੰਡੇਮਾਨ ਤੇ ਨਿਕੋਬਾਰ ਦੀਪ ਸਮੂਹ ਨੇੜੇ ਛੇ ਹਜ਼ਾਰ ਕਿਲੋ ਪਾਬੰਦੀਸ਼ੁਦਾ ਮੈਥਾਮਫੈਟਾਮਾਈਨ ਲਿਜਾ ਰਿਹਾ ਇੱਕ ਸਮੁੰਦਰੀ ਜਹਾਜ਼ ਜ਼ਬਤ ਕੀਤਾ ਹੈ। ਜਹਾਜ਼ ’ਤੇ ਮਿਆਂਮਾਰ ਦੇ ਚਾਲਕ ਦਲ ਦੇ ਛੇ ਮੈਂਬਰ ਸਨ। ਨਸ਼ੀਲਾ ਪਦਾਰਥ ਦੋ-ਦੋ ਕਿਲੋ ਦੇ ਤਕਰੀਬਨ ਤਿੰਨ ਹਜ਼ਾਰ ਪੈਕੇਟਾਂ ’ਚ ਬੰਦ ਸੀ, ਜਿਨ੍ਹਾਂ ਦੀ ਕੌਮਾਂਤਰੀ ਬਾਜ਼ਾਰ ’ਚ ਕੀਮਤ ਕਰੋੜਾਂ ਰੁਪਏ ਹੈ। ਬੈਰਨ ਦੀਪ ਨੇੜੇ ਮੱਛੀ ਫੜਨ ਵਾਲੇ ਇੱਕ ਜਹਾਜ਼ ਨੂੰ ਸ਼ੱਕੀ ਹਾਲਤ ’ਚ ਦੇਖਣ ਮਗਰੋਂ ਪੋਰਟ ਬਲੇਅਰ ਲਿਆਂਦਾ ਗਿਆ ਸੀ। -ਪੀਟੀਆਈ