ਕਰੋੜਾਂ ਦੀ ਠੱਗੀ ਦੇ ਮਾਮਲੇ ’ਚ ਛੇ ਕ੍ਰਿਕਟ ਸੱਟੇਬਾਜ਼ ਗ੍ਰਿਫਤਾਰ
07:53 AM Jun 25, 2024 IST
ਪੱਤਰ ਪ੍ਰੇਰਕ
ਸਿਰਸਾ, 24 ਜੂਨ
ਇੱਥੇ ਅੱਜ ਪੁਲੀਸ ਟੀਮ ਨੇ ਫਤਿਆਬਾਦ ਤੇ ਸਿਰਸਾ ਦੇ ਛੇ ਕ੍ਰਿਕਟ ਸੱਟੇਬਾਜ਼ਾਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਇਨ੍ਹਾਂ ’ਤੇ ਚੌਲ ਮਿੱਲ ਮਸ਼ੀਨਰੀ ਦੇ ਉਪਕਰਨ ਬਣਾਉਣ ਵਾਲੀ ਕੰਪਨੀ ਐੱਸਐੱਫ ਫੂਡ ਪ੍ਰੋਟੈਕ ਲਿਮਟਿਡ ਦੇ ਸੰਚਾਲਕ ਸੰਜੀਵ ਗੁਪਤਾ ਨਾਲ 33 ਕਰੋੜ ਰੁਪਏ ਦੀ ਧੋਖਾਧੜੀ ਮਾਰਨ ਦਾ ਦੋਸ਼ ਹੈ। ਸਿਰਸਾ ਦੇ ਐੱਸਪੀ ਵਿਕਰਾਂਤ ਭੂਸ਼ਣ ਨੇ ਦੱਸਿਆ ਕਿ ਮੁਲਜ਼ਮਾਂ ਦੀ ਪਛਾਣ ਰਾਹੁਲ, ਸੰਜੈ, ਦਿਨੇਸ਼, ਸ਼ੁਭਮ, ਅਜੈ ਅਤੇ ਹਰਪਾਲ ਵਜੋਂ ਹੋਈ ਹੈ। ਉਨ੍ਹਾਂ ਦੱਸਿਆ ਕਿ ਸਾਰੇ ਛੇ ਮੁਲਜ਼ਮਾਂ ਨੂੰ ਅਦਾਲਤ ’ਚ ਪੇਸ਼ ਕਰ ਕੇ 5 ਦਿਨਾਂ ਦੇ ਪੁਲੀਸ ਰਿਮਾਂਡ ’ਤੇ ਲਿਆ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਜਾਂਚ ਦੌਰਾਨ ਇਹ ਗੱਲ ਸਾਹਮਣੇ ਆਈ ਹੈ ਕਿ ਫੜੇ ਗਏ ਸਾਰੇ ਮੁਲਜ਼ਮ ਕ੍ਰਿਕਟ ਸੱਟੇਬਾਜ਼ੀ ਨਾਲ ਜੁੜੇ ਹੋਏ ਹਨ।
Advertisement
Advertisement