ਲੁੱਟ ਦੇ ਮਾਮਲੇ ’ਚ ਦੋ ਨਾਬਾਲਗਾਂ ਸਣੇ ਛੇ ਕਾਬੂ

ਨਵੀਂ ਦਿੱਲੀ (ਪੱਤਰ ਪ੍ਰੇਰਕ):

ਦਿੱਲੀ ਪੁਲੀਸ ਨੇ ਚਾਂਦਨੀ ਚੌਕ ਦੇ ਨਯਾ ਬਾਜ਼ਾਰ ਵਿੱਚ 70 ਲੱਖ ਰੁਪਏ ਦੀ ਲੁੱਟ ਦੇ ਮਾਮਲੇ ਵਿੱਚ ਦੋ ਨਾਬਾਲਗਾਂ ਸਮੇਤ ਛੇ ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਇਹ ਚੋਰੀ 9 ਜੂਨ ਨੂੰ ਚਾਂਦਨੀ ਚੌਕ ਦੇ ਲਾਹੌਰੀ ਗੇਟ ਇਲਾਕੇ ’ਚ ਸਥਿਤ ਗੋਵਿੰਦ ਏਜੰਸੀ ਵਿੱਚ ਵਾਪਰੀ ਸੀ। ਪੁਲੀਸ ਮੁਤਾਬਕ ਸ਼ਿਕਾਇਤਕਰਤਾ ਛੱਗੋ ਮੱਲ ਪਾਂਡੇ (76) ਜੋ ਕਿ ਗੋਵਿੰਦ ਏਜੰਸੀ ਵਿੱਚ ਕੈਸ਼ ਕੁਲੈਕਸ਼ਨ ਦਾ ਕੰਮ ਕਰਦਾ ਹੈ ਨੇ ਦੱਸਿਆ ਕਿ ਉਸ ਨੂੰ ਬੰਦੂਕ ਦੀ ਨੋਕ ’ਤੇ ਬੰਦੀ ਬਣਾ ਕੇ ਲੁੱਟਿਆ ਗਿਆ। ਇਸ ਤੋਂ ਇਲਾਵਾ ਲੁੱਟ ਦੌਰਾਨ ਅਣਗਿਣਤ ਪੈਸਿਆਂ ਵਾਲਾ ਇੱਕ ਹੋਰ ਬੈਗ ਵੀ ਚੋਰੀ ਹੋ ਗਿਆ। ਸ਼ਿਕਾਇਤ ’ਤੇ ਕਾਰਵਾਈ ਕਰਦਿਆਂ ਦਿੱਲੀ ਪੁਲੀਸ ਦੀ ਅੱਠ ਮੈਂਬਰੀ ਟੀਮ ਨੇ ਮਸੂਰੀ, ਦੇਹਰਾਦੂਨ ਤੇ ਦਿੱਲੀ ਵਿੱਚ ਤਲਾਸ਼ੀ ਮੁਹਿੰਮ ਚਲਾਈ ਤੇ ਛੇ ਸ਼ੱਕੀਆਂ ਨੂੰ ਗ੍ਰਿਫ਼ਤਾਰ ਕੀਤਾ। ਪੁਲੀਸ ਨੇ 30 ਲੱਖ ਰੁਪਏ ਦੀ ਨਕਦੀ ਵੀ ਬਰਾਮਦ ਕੀਤੀ ਗਈ।