ਸਿੰਗਲਾ ਬਣੇ ਲਾਇਨ ਕਲੱਬ ਲਹਿਰਾਗਾਗਾ ਦੇ ਪ੍ਰਧਾਨ
ਪੱਤਰ ਪ੍ਰੇਰਕ
ਲਹਿਰਾਗਾਗਾ, 30 ਜੂਨ
ਇਥੇ ਅੱਜ ਲਾਇਨਜ਼ ਕਲੱਬ ਲਹਿਰਾਗਾਗਾ ਦੇ ਅਹੁਦੇਦਾਰਾਂ ਦੀ ਚੋਣ ਹੋਈ। ਲਾਈਨ ਕਲੱਬ ਦੇ ਅਹੁਦੇਦਾਰਾਂ ਦੀ ਮੀਟਿੰਗ ਲਾਇਨ ਪੰਕਜ ਗਰਗ ਦੀ ਪ੍ਰਧਾਨਗੀ ਹੇਠ ਪੰਜਾਬ ਪਬਲਿਕ ਸਕੂਲ ਖਾਈ ਵਿੱਚ ਹੋਈ। ਇਸ ਮਗਰੋਂ ਲਾਇਨ ਪੰਕਜ ਗਰਗ ਵੱਲੋਂ ਸਾਲ 2024-25 ਲਾਇਨ ਹਿਤੇਸ਼ ਸਿੰਗਲਾ ਦਾ ਨਾਮ ਪ੍ਰਧਾਨਗੀ ਲਈ ਪ੍ਰਸਤਾਵਿਤ ਕੀਤਾ ਗਿਆ, ਜਿਸ ਨੂੰ ਸਾਰੇ ਮੈਂਬਰਾਂ ਨੇ ਸਰਬਸੰਮਤੀ ਨਾਲ ਮਨਜ਼ੂਰ ਕੀਤਾ। ਲਾਇਨ ਹਿਤੇਸ਼ ਸਿੰਗਲਾ ਨੇ ਸਾਰਿਆਂ ਦਾ ਧੰਨਵਾਦ ਕੀਤਾ ਤੇ ਵਿਸ਼ਵਾਸ ਦਿਵਾਇਆ ਕਿ ਉਹ ਕਲੱਬ ਵੱਲੋਂ ਦਿੱਤੀ ਹਰ ਜ਼ਿੰਮੇਵਾਰੀ ਨੂੰ ਤਨਦੇਹੀ ਤੇ ਇਮਾਨਦਾਰੀ ਨਾਲ ਨਿਭਾਉਣਗੇ। ਮਗਰੋਂ ਉਨ੍ਹਾਂ ਨੇ ਆਪਣੀ ਟੀਮ ਦਾ ਐਲਾਨ ਕੀਤਾ, ਜਿਸ ਵਿੱਚ ਲਾਇਨ ਹਰੀਸ਼ ਕੁਮਾਰ ਹੈਰੀ ਨੂੰ ਵਾਈਸ ਪ੍ਰਧਾਨ, ਸਾਹਿਲ ਗੋਇਲ ਨੂੰ ਸਕੱਤਰ ਅਤੇ ਵਿਧੂ ਸ਼ੇਖਰ ਨੂੰ ਖਜ਼ਾਨਚੀ ਬਣਾਇਆ ਗਿਆ। ਲਾਇਨ ਅਮਰਿੰਦਰ ਸਿੰਘ ਨੂੰ ਕਲੱਬ ਚੇਅਰਮੈਨ, ਪੰਕਜ ਗਰਗ ਨੂੰ ਐਲਸੀਆਈਐੱਫ ਚੇਅਰਮੈਨ ਬਣਾਇਆ ਗਿਆ। ਲਾਇਨ ਰਾਹੁਲ ਗਰਗ ਅਤੇ ਲਾਇਨ ਡਾਕਟਰ ਅਭਿਸ਼ੇਕ ਬਾਂਸਲ ਨੂੰ ਕਲੱਬ ਡਾਇਰੈਕਟਰ ਬਣਾਇਆ ਗਿਆ।