ਵਿਆਹ ’ਚ ਡੀਜੇ ਲਗਾਉਣ ’ਤੇ ਗੋਲੀਆਂ ਚੱਲੀਆਂ

ਪੱਤਰ ਪ੍ਰੇਰਕ
ਤਰਨ ਤਾਰਨ, 28 ਅਕਤੂਬਰ
ਥਾਣਾ ਝਬਾਲ ਅਧੀਨ ਪਿੰਡ ਸੋਹਲ ਵਿੱਚ ਵਿਆਹ ਦੌਰਾਨ ਡੀਜੇ ’ਤੇ ਗਾਣਾ ਲਗਾਉਣ ਕਾਰਨ ਦੋ ਧਿਰਾਂ ਦਰਮਿਆਨ ਗੋਲੀਆਂ ਚੱਲੀਆਂ| ਪਿੰਡ ਵਾਸੀ ਗੁਰਬਾਜ ਸਿੰਘ ਨੇ ਕਿਹਾ ਕਿ ਡੀਜੇ ’ਤੇ ਗਾਣਾ ਲਗਾਉਣ ਤੋਂ ਉਸ ਦੀ ਪਿੰਡ ਦੇ ਰਾਜਬੀਰ ਸਿੰਘ, ਸੁਰਪ੍ਰੀਤ ਸਿੰਘ ਅਤੇ ਉਨ੍ਹਾਂ ਨਾਲ ਚਾਰ ਅਣਪਛਾਤੇ ਵਿਅਕਤੀਆਂ ਨਾਲ ਤੂੰ-ਤੂੰ ਮੈਂ-ਮੈਂ ਹੋ ਗਈ ਸੀ, ਜਿਸ ’ਤੇ ਉਹ ਆਪਸ ਵਿੱਚ ਖਹਿਬੜ ਪਏ ਸਨ| ਇਸ ਉਪਰੰਤ ਰਾਜਬੀਰ ਸਿੰਘ ਤੇ ਸੁਰਪ੍ਰੀਤ ਸਿੰਘ ਅਤੇ ਚਾਰ ਹੋਰਾਂ ਨੇ ਐਤਵਾਰ ਨੂੰ ਗੁਰਬਾਜ ਸਿੰਘ ਦੇ ਘਰ ਦੀ ਦੀਵਾਰ ਦਾ ਨੁਕਸਾਨ ਕੀਤਾ ਅਤੇ ਉਸ ਨੂੰ ਡਰਾਉਣ ਲਈ ਉਸ ਦੇ ਘਰ ਵੱਲ ਗੋਲੀਆਂ ਚਲਾ ਦਿੱਤੀਆਂ| ਪੁਲੀਸ ਨੇ ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ।