ਸ਼ਾਹਬਾਜ਼ਪੁਰ ਦੀ ਦਾਣਾ ਮੰਡੀ ’ਚ ਗੋਲੀ ਚੱਲੀ, ਇੱਕ ਜ਼ਖ਼ਮੀ

ਪੱਤਰ ਪ੍ਰੇਰਕ
ਤਰਨ ਤਾਰਨ, 6 ਨਵੰਬਰ
ਸ਼ਾਹਬਾਜ਼ਪੁਰ ਦੀ ਦਾਣਾ ਮੰਡੀ ਵਿੱਚ ਬੀਤੀ ਸ਼ਾਮ ਗੋਲੀ ਚੱਲਣ ਕਾਰਨ ਇੱਕ ਵਿਅਕਤੀ ਜ਼ਖ਼ਮੀ ਹੋ ਗਿਆ। ਜ਼ਖ਼ਮੀ ਦੀ ਪਛਾਣ ਅੰਗਰੇਜ਼ ਸਿੰਘ ਵਾਸੀ ਬਾਹਮਣੀਵਾਲਾ (ਪੱਟੀ) ਵਜੋਂ ਹੋਈ ਹੈ। ਪੁਲੀਸ ਨੇ ਦੱਸਿਆ ਕਿ ਅੰਗਰੇਜ਼ ਸਿੰਘ ਮੰਡੀ ਵਿੱਚ ਆਪਣੇ ਰਿਸ਼ਤੇਦਾਰ ਪਵਨਦੀਪ ਸਿੰਘ ਨਾਲ ਖੜ੍ਹਾ ਸੀ ਤਾਂ ਡਿਆਲ ਰਾਜਪੂਤਾਂ ਦੇ ਵਸਨੀਕ ਮਨਵਿੰਦਰ ਸਿੰਘ, ਪੱਟੀ ਦੇ ਗੁਰਕੀਰਤ ਸਿੰਘ ਰੂਬੀ ਤੇ ਜਗਦੀਪ ਸਿੰਘ ਨੇ ਹੋਰ ਸਾਥੀਆਂ ਨਾਲ ਉਨ੍ਹਾਂ ’ਤੇ ਗੋਲੀਆਂ ਚਲਾ ਦਿੱਤੀ। ਇਨ੍ਹਾਂ ’ਚੋਂ ਇੱਕ ਗੋਲੀ ਅੰਗਰੇਜ਼ ਸਿੰਘ ਦੇ ਪੈਰ ’ਤੇ ਲੱਗੀ, ਜਿਸ ਕਾਰਨ ਉਹ ਜ਼ਖ਼ਮੀ ਹੋ ਗਿਆ। ਨੇੜਲੇ ਲੋਕਾਂ ਦੇ ਮੌਕੇ ’ਤੇ ਇਕੱਠੇ ਹੋਣ ’ਤੇ ਮੁਲਜ਼ਮ ਫਰਾਰ ਹੋ ਗਏ| ਸਥਾਨਕ ਥਾਣਾ ਸਦਰ ਦੇ ਏਐੱਸਆਈ ਕੰਵਲਜੀਤ ਸਿੰਘ ਨੇ ਦੱਸਿਆ ਕਿ ਮੁਲਜ਼ਮਾਂ ਖਿਲਾਫ਼ ਕੇਸ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।