ਛੋਟਾ ਪਰਦਾ

ਧਰਮਪਾਲ

ਕਾਮਿਆ ਪੰਜਾਬੀ ਦੀਆਂ ਤਾਰੀਫ਼ਾਂ

ਇੱਕ ਨਿਪੁੰਨ ਅਤੇ ਬਹੁਮੁਖੀ ਭਾਰਤੀ ਅਭਨਿੇਤਰੀ ਕਾਮਿਆ ਪੰਜਾਬੀ ਕਲਰਜ਼ ਦੇ ਸ਼ੋਅ ‘ਨੀਰਜਾ... ਏਕ ਨਈ ਪਹਿਚਾਨ’ ਵਿੱਚ ਦਿਦੂਨ ਦੇ ਆਪਣੇ ਪ੍ਰਭਾਵਸ਼ਾਲੀ ਕਿਰਦਾਰ ਲਈ ਬਹੁਤ ਪ੍ਰਸ਼ੰਸਾ ਪ੍ਰਾਪਤ ਕਰ ਰਹੀ ਹੈ। ਇਹ ਸ਼ੋਅ ਇੱਕ ਸੈਕਸ ਵਰਕਰ, ਪ੍ਰੋਤਿਮਾ ਦੀ ਕਹਾਣੀ ਦੀ ਪਾਲਣਾ ਕਰਦਾ ਹੈ, ਜੋ ਆਪਣੀ ਧੀ ਨੀਰਜਾ ਨੂੰ ਸਭ ਤੋਂ ਵਧੀਆ ਢੰਗ ਨਾਲ ਪਾਲਣ ਪੋਸ਼ਣ ਪ੍ਰਦਾਨ ਕਰਨ ਦੀ ਕੋਸ਼ਿਸ਼ ਕਰਦੇ ਹੋਏ ਇੱਕ ਰੈੱਡ-ਲਾਈਟ ਖੇਤਰ ਵਿੱਚ ਰਹਿਣ ਦੀਆਂ ਚੁਣੌਤੀਆਂ ਦਾ ਸਾਹਮਣਾ ਕਰਦੀ ਹੈ। ਆਪਣੀ ਬੇਮਿਸਾਲ ਅਦਾਕਾਰੀ ਕਾਬਲੀਅਤ ਅਤੇ ਪਰਦੇ ’ਤੇ ਮਨਮੋਹਕ ਮੌਜੂਦਗੀ ਲਈ ਜਾਣੀ ਜਾਂਦੀ, ਕਾਮਿਆ ਪੰਜਾਬੀ ਨੇ ਲਗਾਤਾਰ ਵੱਖ-ਵੱਖ ਭੂਮਿਕਾਵਾਂ ਵਿੱਚ ਆਪਣੇ ਸ਼ਾਨਦਾਰ ਪ੍ਰਦਰਸ਼ਨ ਨਾਲ ਦਰਸ਼ਕਾਂ ਦਾ ਦਿਲ ਜਿੱਤ ਲਿਆ ਹੈ। ਇਸ ਪ੍ਰਸਿੱਧ ਸਮਾਜਿਕ ਡਰਾਮੇ ਵਿੱਚ ਸੋਨਾਗਾਚੀ ਦੀ ਮੈਡਮ, ਦਿਦੂਨ ਦੇ ਆਪਣੇ ਸ਼ਾਨਦਾਰ ਚਿੱਤਰਣ ਨਾਲ ਕਾਮਿਆ ਦਾ ਦਰਸ਼ਕਾਂ ਨੂੰ ਪ੍ਰਭਾਵਿਤ ਕਰਨਾ ਜਾਰੀ ਹੈ।
ਮੌਜੂਦਾ ਕਹਾਣੀ ਵਿੱਚ ਚਲਾਕ ਦਿਦੂਨ, ਨੀਰਜਾ ਨੂੰ ਆਪਣੀ ਮਾਂ ਦੇ ਕਾਰੋਬਾਰ ਵਿੱਚ ਲਿਆਉਣ ਲਈ ਦ੍ਰਿੜ ਹੈ ਜਦੋਂ ਉਹ ਬਾਲਗ ਹੋ ਜਾਂਦੀ ਹੈ। ਦੇਖਣਾ ਇਹ ਹੋਵੇਗਾ ਕਿ ਕੀ ਨੀਰਜਾ ਸੋਨਾਗਾਚੀ ਤੋਂ ਛੁਟਕਾਰਾ ਪਾਉਣ ਦੀ ਹਿੰਮਤ ਕਰ ਪਾਉਂਦੀ ਹੈ ਜਾਂ ਨਹੀਂ।
ਆਪਣੇ ਕਿਰਦਾਰ ਲਈ ਪ੍ਰਸ਼ੰਸਾ ਪ੍ਰਾਪਤ ਕਰਨ ’ਤੇ ਕਾਮਿਆ ਪੰਜਾਬੀ ਕਹਿੰਦੀ ਹੈ, ‘‘ਨੀਰਜਾ... ਏਕ ਨਈ ਪਹਿਚਾਨ’ ਦੀ ਟੀਮ ਵਿੱਚ ਸ਼ਾਮਲ ਹੋਣਾ ਸੱਚਮੁੱਚ ਇੱਕ ਸਨਮਾਨ ਦੀ ਗੱਲ ਹੈ ਕਿਉਂਕਿ ਇਹ ਇੱਕ ਸਮਾਜਿਕ ਡਰਾਮਾ ਪੇਸ਼ ਕਰਦਾ ਹੈ। ਸ਼ੋਅ ਦਾ ਉਦੇਸ਼ ਰੈੱਡ-ਲਾਈਟ ਖੇਤਰਾਂ ਦੇ ਵਸਨੀਕਾਂ ਨੂੰ ਦਰਪੇਸ਼ ਕਲੰਕ ਅਤੇ ਪੱਖਪਾਤਾਂ ’ਤੇ ਰੌਸ਼ਨੀ ਪਾਉਣਾ ਹੈ। ਇਸ ਦੇ ਵਿਲੱਖਣ ਪ੍ਰਸਤਾਵ, ਮਹੱਤਵਪੂਰਨ ਸਮਾਜਿਕ ਮੁੱਦਿਆਂ ’ਤੇ ਚਰਚਾ ਕਰਨ ਦੀ ਸਮਰੱਥਾ ਦੇ ਨਾਲ ਮੈਨੂੰ ਇਸ ਸ਼ੋਅ ਦੀ ਕਹਾਣੀ ਨੇ ਤੁਰੰਤ ਪ੍ਰਭਾਵਿਤ ਕੀਤਾ। ਦਿਦੂਨ ਦਾ ਕਿਰਦਾਰ ਮਜ਼ਬੂਤ ਅਤੇ ਤਾਕਤਵਰ ਹੈ ਅਤੇ ਮੈਂ ਹਮੇਸ਼ਾਂ ਅਜਿਹੀਆਂ ਸ਼ਕਤੀਸ਼ਾਲੀ ਭੂਮਿਕਾਵਾਂ ਨਿਭਾਉਣ ਲਈ ਉਤਸ਼ਾਹਿਤ ਹਾਂ। ਇਸ ਸ਼ੋਅ ਅਤੇ ਮੇਰੇ ਚਿੱਤਰਾਂ ਰਾਹੀਂ, ਮੇਰਾ ਉਦੇਸ਼ ਨਾ ਸਿਰਫ਼ ਇੱਕ ਪ੍ਰਭਾਵਸ਼ਾਲੀ ਕਹਾਣੀ ਨੂੰ ਜੀਵਨ ਵਿੱਚ ਲਿਆਉਣਾ ਹੈ, ਸਗੋਂ ਇਹ ਵਿਸ਼ਾ ਸਾਡੇ ਧਿਆਨ ਦੀਆਂ ਹੱਕਦਾਰ ਗੰਭੀਰ ਚਿੰਤਾਵਾਂ ਬਾਰੇ ਜਾਗਰੂਕਤਾ ਪੈਦਾ ਕਰਨਾ ਹੈ। ਦਰਸ਼ਕਾਂ ਵੱਲੋਂ ਮੇਰੇ ਕਿਰਦਾਰ ਨੂੰ ਮਿਲੇ ਪਿਆਰ ਅਤੇ ਪ੍ਰਸ਼ੰਸਾ ਲਈ ਮੈਂ ਬਹੁਤ ਰੁਮਾਂਚਿਤ ਅਤੇ ਤਹਿ ਦਿਲੋਂ ਧੰਨਵਾਦੀ ਹਾਂ।”

ਪੰਕਜ ਧੀਰ ਦਾ ਨਵਾਂ ਅਵਤਾਰ

ਟੈਲੀਵਿਜ਼ਨ ਇੰਡਸਟਰੀ ਦਾ ਮਸ਼ਹੂਰ ਅਭਨਿੇਤਾ ਪੰਕਜ ਧੀਰ ਇਸ ਸਮੇਂ ਸਟਾਰ ਭਾਰਤ ਦੇ ਸ਼ੋਅ ‘ਅਜੂਨੀ’ ‘ਚ ਅਹਿਮ ਭੂਮਿਕਾ ਨਿਭਾਉਂਦਾ ਨਜ਼ਰ ਆ ਰਿਹਾ ਹੈ। ਪੰਕਜ ਧੀਰ ਨੂੰ ਹਮੇਸ਼ਾਂ ਉਸ ਦੇ ਕਿਰਦਾਰ ਦੇ ਦਮਦਾਰ ਚਿਤਰਣ ਲਈ ਦਰਸ਼ਕਾਂ ਵਿੱਚ ਸਰਾਹਿਆ ਗਿਆ ਹੈ। ਇੰਨਾ ਹੀ ਨਹੀਂ, ਉਹ ਫਿਲਮਾਂ ਅਤੇ ਸੀਰੀਅਲਾਂ ’ਚ ਆਪਣੇ ਨੈਗੇਟਿਵ ਕਿਰਦਾਰਾਂ ਲਈ ਮਸ਼ਹੂਰ ਹੈ। ਖਾਸ ਗੱਲ ਇਹ ਹੈ ਕਿ ਸ਼ੋਅ ‘ਅਜੂਨੀ’ ’ਚ ਰਵਿੰਦਰ ਬੱਗਾ ਦੇ ਕਿਰਦਾਰ ’ਚ ਉਸ ਨੂੰ ਦਰਸ਼ਕਾਂ ਵੱਲੋਂ ਕਾਫ਼ੀ ਪਸੰਦ ਕੀਤਾ ਜਾ ਰਿਹਾ ਹੈ, ਪਰ ਕਹਾਣੀ ’ਚ ਇੱਕ ਨਵਾਂ ਮੋੜ ਲੈਂਦਿਆਂ ਜਲਦ ਹੀ ਇਸ ਸ਼ੋਅ ’ਚ ਪੰਕਜ ਧੀਰ ਦਾ ਨਵਾਂ ਅਵਤਾਰ ਦੇਖਣ ਨੂੰ ਮਿਲਣ ਵਾਲਾ ਹੈ, ਜੋ ਉਸ ਦੀ ਦੋਹਰੀ ਭੂਮਿਕਾ ਹੋਵੇਗੀ। ਇਹ ਕਿਰਦਾਰ ਜਲਦੀ ਹੀ ਕਹਾਣੀ ਵਿੱਚ ਕਈ ਵੱਡੇ ਮੋੜ ਲੈ ਕੇ ਆਵੇਗਾ, ਜਿਸ ਨੂੰ ਦੇਖਣਾ ਦਰਸ਼ਕਾਂ ਲਈ ਦਿਲਚਸਪ ਹੋਵੇਗਾ।
ਇਸ ਸ਼ੋਅ ਵਿੱਚ ਪੰਕਜ ਧੀਰ ਆਪਣੇ ਨਵੇਂ ਅਵਤਾਰ ਵਿੱਚ ਇੱਕ ‘ਮਾਸਟਰ ਜੀ’ ਦੇ ਕਿਰਦਾਰ ਵਿੱਚ ਨਜ਼ਰ ਆਉਣ ਵਾਲਾ ਹੈ ਜੋ ਕਿ ਪੇਸ਼ੇ ਤੋਂ ਅਧਿਆਪਕ ਹੈ ਅਤੇ ਉਸ ਦਾ ਨਾਮ ਗਿਆਨੇਸ਼ਵਰ ਸਿੰਘ ਹੈ, ਜੋ ਬਹੁਤ ਆਗਿਆਕਾਰੀ ਅਤੇ ਸਾਧਾਰਨ ਸੁਭਾਅ ਦਾ ਮਾਲਕ ਹੈ। ਇਸ ਅਧਿਆਪਕ ਦੀ ਸ਼ੈਲੀ ਚੁੱਪ ਬੋਲਦੀ ਨਜ਼ਰ ਆਵੇਗੀ। ਉਹ ਬਿਲਕੁਲ ਦਬੰਗ ਬਾਹੂਬਲੀ ਰਵਿੰਦਰ ਬੱਗਾ ਵਰਗਾ ਨਜ਼ਰ ਆ ਰਿਹਾ ਹੈ। ਇੱਕ ਪਾਸੇ ਸ਼ਿਖਾ ਆਪਣੇ ਮਾੜੇ ਕਾਰਨਾਮਿਆਂ ਤੋਂ ਬਾਅਦ ਕੁਝ ਚੰਗੇ ਕੰਮ ਕਰਕੇ ਬੱਗਾ ਪਰਿਵਾਰ ਵਿੱਚ ਵਾਪਸ ਆਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ, ਉੱਥੇ ਹੀ ਪੰਕਜ ਧੀਰ ਦਾ ਨਵਾਂ ਪਾਤਰ ਵੀ ਕਹਾਣੀ ਵਿੱਚ ਕਈ ਰੰਗ ਜੋੜਨ ਜਾ ਰਿਹਾ ਹੈ, ਜਿਸ ਕਾਰਨ ਰਾਜਵੀਰ ਅਤੇ ਅਜੂਨੀ ਨੂੰ ਕਈ ਨਵੀਆਂ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
‘ਏਕ ਸੇ ਭਲੇ ਦੋ ਵਾਲੀ’ ਕਹਾਵਤ ਹਮੇਸ਼ਾਂ ਮਸ਼ਹੂਰ ਰਹੀ ਹੈ ਅਤੇ ਇਹ ਗੱਲ ਟੀਵੀ ਅਤੇ ਫਿਲਮਾਂ ’ਚ ਅਦਾਕਾਰਾਂ ਦੀ ਦੋਹਰੀ ਭੂਮਿਕਾ ਤੋਂ ਵੀ ਸਾਬਤ ਹੁੰਦੀ ਹੈ ਕਿਉਂਕਿ ਇਸ ਫਾਰਮੂਲੇ ਨੇ ਵਧੀਆ ਕੰਮ ਕੀਤਾ ਹੈ ਅਤੇ ਦਰਸ਼ਕਾਂ ਦੇ ਮਨੋਰੰਜਨ ’ਚ ਵੀ ਦੋਹਰੀ ਤਰ੍ਹਾਂ ਦਾ ਵਾਧਾ ਕੀਤਾ ਹੈ। ਸਲਮਾਨ ਖਾਨ ਦੀ ‘ਜੁੜਵਾ’, ਅਮਿਤਾਭ ਬੱਚਨ ਦੀ ‘ਡੌਨ’ ਵਰਗੀਆਂ ਕਈ ਫਿਲਮਾਂ ਨੇ ਵੀ ਇਸ ਐਕਸ ਫੈਕਟਰ ਨੂੰ ਸਾਬਤ ਕੀਤਾ ਹੈ। ਅਜਿਹੇ ’ਚ ਸ਼ੋਅ ਦੇ ਮੌਜੂਦਾ ਟਰੈਕ ’ਚ ਜਿੱਥੇ ਬੱਗਾ ਪਰਿਵਾਰ ਨੂੰ ਕਈ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ, ਉੱਥੇ ਹੀ ਅਜੂਨੀ ਨੂੰ ਵੀ ਅਗਵਾ ਕਰ ਲਿਆ ਗਿਆ ਸੀ ਅਤੇ ਹੁਣ ਜਿਸ ਤਰ੍ਹਾਂ ਬੱਗਾ ਪਰਿਵਾਰ ’ਚ ਕੁਝ ਸ਼ਾਂਤੀ ਬਣੀ ਹੋਈ ਹੈ, ਉੱਥੇ ਹੀ ਹੁਣ ਇੱਕ ਨਵਾਂ ਤੂਫਾਨ ਵੀ ਖੜ੍ਹਾ ਹੋ ਰਿਹਾ ਹੈ।

ਸ਼ਿਵਾਂਗੀ ਬਣੀ ਪੱਤਰਕਾਰ

ਸੋਨੀ ਐਂਟਰਟੇਨਮੈਂਟ ਟੈਲੀਵਿਜ਼ਨ ਦੇ ਨਵੇਂ ਸ਼ੋਅ ‘ਬਰਸਾਤੇਂ - ਮੌਸਮ ਪਿਆਰ ਕਾ’ ਨੇ ਆਪਣੀ ਦਿਲਚਸਪ ਕਹਾਣੀ ਅਤੇ ਮੁੱਖ ਕਿਰਦਾਰਾਂ ਦੀ ਸ਼ਾਨਦਾਰ ਕੈਮਿਸਟਰੀ ਨਾਲ ਦਰਸ਼ਕਾਂ ਦੀ ਉਤਸੁਕਤਾ ਨੂੰ ਵਧਾ ਦਿੱਤਾ ਹੈ। ਇੱਕ ਨਿਊਜ਼ ਰੂਮ ਦੇ ਆਲੇ ਦੁਆਲੇ ਇੱਕ ਤੂਫ਼ਾਨੀ ਰੁਮਾਂਸ ਡਰਾਮਾ ਸੈੱਟ ਕੀਤਾ ਗਿਆ ਹੈ, ਜੋ ਦੋ ਜ਼ਿੱਦੀ ਲੋਕਾਂ ਦੀ ਕਹਾਣੀ ਹੈ। ਜਿਸ ਵਿੱਚ ਇੱਕ ਰੇਯਾਂਸ਼ (ਕੁਸ਼ਾਲ ਟੰਡਨ) ਅਤੇ ਦੂਜੀ ਅਰਾਧਨਾ (ਸ਼ਿਵਾਂਗੀ ਜੋਸ਼ੀ) ਆਪਸ ਵਿੱਚ ਟਕਰਾਉਂਦੇ ਹਨ ਕਿਉਂਕਿ ਦੋਵੇਂ ਭਾਵਨਾਵਾਂ ਦੇ ਜਾਲ ਵਿੱਚ ਫਸ ਜਾਂਦੇ ਹਨ।
ਪਹਿਲੇ ਐਪੀਸੋਡ ਵਿੱਚ ਦਿਖਾਇਆ ਗਿਆ ਸੀ ਕਿ ਕਿਵੇਂ ਭਾਵੁਕ ਪੱਤਰਕਾਰ ਦੇ ਤੌਰ ’ਤੇ ਅਰਾਧਨਾ, ਰੇਯਾਂਸ਼ ਦੇ ਪਿਤਾ ਬਾਰੇ ਸਨਸਨੀਖੇਜ਼ ਖ਼ਬਰ ਦੀ ਰਿਪੋਰਟ ਕਰਦੀ ਹੈ। ਜਦੋਂ ਕਿ ਅਰਾਧਨਾ ਇਸ ਨੂੰ ਆਪਣੀ ਪ੍ਰਾਪਤੀ ਮੰਨਦੀ ਹੈ, ਪਰ ਰੇਯਾਂਸ਼ ਅਜਿਹਾ ਨਹੀਂ ਸੋਚਦਾ! ਉਹ ਆਪਣੇ ਪਿਤਾ ਨੂੰ ਬੇਕਸੂਰ ਸਾਬਤ ਕਰਦਾ ਹੈ ਅਤੇ ਗਲਤ ਖ਼ਬਰ ਫੈਲਾਉਣ ਲਈ ਅਰਾਧਨਾ ਨੂੰ ਨੌਕਰੀ ਤੋਂ ਕੱਢਵਾ ਦਿੰਦਾ ਹੈ। ਹਾਲਾਂਕਿ, ਰੇਯਾਂਸ਼ ਦੇ ਪਿਤਾ ਅਰਾਧਨਾ ਦੇ ਸਮਰਪਣ ਅਤੇ ਨਿੱਡਰਤਾ ਤੋਂ ਪ੍ਰਭਾਵਿਤ ਹਨ ਅਤੇ ਉਸ ਨੂੰ ਰੇਯਾਂਸ਼ ਦੇ ਨਿਊਜ਼ ਚੈਨਲ ‘ਨੇਸ਼ਨ ਟਰੂ ਨਿਊਜ਼’ ਵਿੱਚ ਨੌਕਰੀ ਦੀ ਪੇਸ਼ਕਸ਼ ਕਰਦਾ ਹੈ। ਰੇਯਾਂਸ਼ ਅਤੇ ਅਰਾਧਨਾ ਦੋਵੇਂ ਇੱਕ ਦੂਜੇ ਤੋਂ ਵੱਖਰੇ ਹਨ ਅਤੇ ਇਸ ਲਈ ਕੰਮ ’ਤੇ ਦੋਵਾਂ ਵਿਚਕਾਰ ਅਕਸਰ ਪੇਸ਼ੇਵਰ ਅਤੇ ਨਿੱਜੀ ਝਗੜੇ ਹੁੰਦੇ ਹਨ, ਪਰ ਰੇਯਾਂਸ਼ ਦੇ ਨਾਲ ਕੰਮ ਕਰਦੇ ਸਮੇਂ ਅਰਾਧਨਾ ਉਸ ਦਾ ਇੱਕ ਵੱਖਰਾ ਪੱਖ ਦੇਖਦੀ ਹੈ ਅਤੇ ਹੌਲੀ ਹੌਲੀ ਰੇਯਾਂਸ਼ ਪ੍ਰਤੀ ਉਸ ਦਾ ਰਵੱਈਆ ਬਦਲਣਾ ਸ਼ੁਰੂ ਹੋ ਜਾਂਦਾ ਹੈ। ਸਾਰੀਆਂ ਚਿਤਾਵਨੀਆਂ ਦੇ ਬਾਵਜੂਦ ਅਰਾਧਨਾ ਰੇਯਾਂਸ਼ ਵੱਲ ਆਕਰਸ਼ਕ ਹੋ ਜਾਂਦੀ ਹੈ।
ਸ਼ਿਵਾਂਗੀ ਆਪਣੇ ਕਿਰਦਾਰ ਅਰਾਧਨਾ ਦੁਆਰਾ ਇਸ ਨਵੇਂ ਪੇਸ਼ੇ ਦੀ ਪੜਚੋਲ ਕਰਨ ਲਈ ਬਹੁਤ ਉਤਸ਼ਾਹਿਤ ਹੈ। ਸ਼ਿਵਾਂਗੀ ਜੋਸ਼ੀ ਨੇ ਆਪਣਾ ਅਨੁਭਵ ਸਾਂਝਾ ਕਰਦੇ ਹੋਏ ਕਿਹਾ, ‘‘ਪੱਤਰਕਾਰੀ ਨੇ ਮੈਨੂੰ ਹਮੇਸ਼ਾਂ ਆਕਰਸ਼ਿਤ ਕੀਤਾ ਹੈ, ਪਰ ਅਰਾਧਨਾ ਦਾ ਕਿਰਦਾਰ ਨਿਭਾਉਣ ਤੋਂ ਬਾਅਦ, ਪੱਤਰਕਾਰਾਂ ਪ੍ਰਤੀ ਮੇਰਾ ਸਤਿਕਾਰ ਕਈ ਗੁਣਾ ਵਧ ਗਿਆ ਹੈ। ਇਹ ਬਹੁਤ ਮੁਸ਼ਕਲ ਕੰਮ ਹੈ ਕਿਉਂਕਿ ਇੱਕ ਪੱਤਰਕਾਰ ਸਾਡੇ ਆਲੇ ਦੁਆਲੇ ਦੀਆਂ ਖ਼ਬਰਾਂ ਦੇਣ ਲਈ ਹਰ ਤਰ੍ਹਾਂ ਨਾਲ ਰੁੱਝਿਆ ਹੋਇਆ ਹੈ। ਮੈਂ ਆਪਣੇ ਅਭਨਿੈ ਕਰੀਅਰ ਵਿੱਚ ਪੱਤਰਕਾਰਾਂ ਵਿੱਚ ਰਹੀ ਹਾਂ ਅਤੇ ਇਸ ਪੇਸ਼ੇ ਬਾਰੇ ਜਾਣਨ ਲਈ ਮੈਂ ਆਪਣੇ ਮੀਡੀਆ ਦੋਸਤਾਂ ਨਾਲ ਜੁੜੀ ਹੋਈ ਹਾਂ। ਮੈਂ ਉਨ੍ਹਾਂ ਦੀਆਂ ਸਵਾਲ ਪੁੱਛਣ ਦੀਆਂ ਤਕਨੀਕਾਂ ਨੂੰ ਦੇਖਿਆ, ਮੈਂ ਆਪਣੇ ਕਿਰਦਾਰ ਦੀ ਭਾਸ਼ਾ ਅਤੇ ਕਿਰਦਾਰ ਨਾਲ ਇਨਸਾਫ਼ ਕਰਨ ਦੀ ਉਮੀਦ ਕਰਦੀ ਹਾਂ।’’
ਸ਼ਿਵਾਂਗੀ ਨੇ ਅੱਗੇ ਕਿਹਾ, ‘‘ਅਰਾਧਨਾ ਇੱਕ ਸੱਚੇ ਦਿਲ ਵਾਲੀ ਕੁੜੀ ਹੈ। ਉਹ ਸੱਚ ਦੀ ਆਵਾਜ਼ ਬਣਨਾ ਚਾਹੁੰਦੀ ਹੈ ਅਤੇ ਪੱਤਰਕਾਰੀ ਪ੍ਰਤੀ ਬਹੁਤ ਭਾਵੁਕ ਹੈ। ਉਹ ਆਸਾਨੀ ਨਾਲ ਹਾਰ ਨਹੀਂ ਮੰਨਦੀ ਅਤੇ ਸਹੀ ਖ਼ਬਰਾਂ ਨੂੰ ਸਾਹਮਣੇ ਲਿਆਉਣ ਲਈ ਹਰ ਸੰਭਵ ਕੋਸ਼ਿਸ਼ ਕਰਦੀ ਹੈ। ਉਹ ਹਮੇਸ਼ਾਂ ਅੱਗੇ ਰਹਿੰਦੀ ਹੈ। ਇੱਕ ਸੰਵੇਦਨਾ ਦੀ ਖੋਜ ਕਰਦੀ ਹੈ ਅਤੇ ਚਾਹੁੰਦੀ ਹੈ ਕਿ ਲੋਕ ਹਰ ਕਹਾਣੀ ਦਾ ਸੱਚਾ ਪੱਖ ਦੇਖਣ। ਉਸ ਦਾ ਉਤਸ਼ਾਹ ਹੀ ਉਸ ਨੂੰ ਪ੍ਰੇਰਿਤ ਕਰਦਾ ਹੈ ਅਤੇ ਇਹ ਇੱਕ ਗੁਣ ਹੈ ਜੋ ਮੈਂ ਆਪਣੀ ਅਸਲ ਜ਼ਿੰਦਗੀ ਵਿੱਚ ਵੀ ਗ੍ਰਹਿਣ ਕਰਦੀ ਹਾਂ।’’