ਛੋਟਾ ਪਰਦਾ

ਧਰਮਪਾਲ

ਜੈ ਭਾਨੂਸ਼ਾਲੀ ਫਿਰ ਬਣਿਆ ਮੇਜ਼ਬਾਨ

ਸੋਨੀ ਐਂਟਰਟੇਨਮੈਂਟ ਟੈਲੀਵਿਜ਼ਨ ਨੇ ਹਾਲ ਹੀ ਵਿੱਚ ਡਾਂਸ ਰਿਐਲਿਟੀ ਸ਼ੋਅ, ‘ਇੰਡੀਆਜ਼ ਬੈਸਟ ਡਾਂਸਰ’ ਦੇ ਨਵੇਂ ਸੀਜ਼ਨ ਦਾ ਐਲਾਨ ਕੀਤਾ ਹੈ। ਇਸ ਦੇ ਚੌਥੇ ਸੀਜ਼ਨ ਵਿੱਚ ਦਰਸ਼ਕਾਂ ਨੂੰ ‘ਜਬ ਦਿਲ ਕਰੇ ਡਾਂਸ ਕਰ’ ਦੀ ਤਾਕੀਦ ਕੀਤੀ ਗਈ ਹੈ। ਇਹ ਡਾਂਸ ਦੀ ਸ਼ਕਤੀ ਅਤੇ ਇਸ ਕਲਾ ਦੇ ਰੂਪ ਵਿੱਚੋਂ ਨਿਕਲਣ ਵਾਲੀ ਭਾਵਨਾ ਨੂੰ ਪ੍ਰਦਰਸ਼ਿਤ ਕਰਦਾ ਹੈ। ਗੀਤਾ ਕਪੂਰ ਅਤੇ ਟੈਰੈਂਸ ਲੁਈਸ ਜੱਜਾਂ ਦੇ ਪੈਨਲ ਵਿੱਚ ਆਪਣੀਆਂ ਭੂਮਿਕਾਵਾਂ ਨੂੰ ਦੁਹਰਾਉਣਗੇ, ਜਦੋਂ ਕਿ ਕਰਿਸ਼ਮਾ ਕਪੂਰ ਪਹਿਲੀ ਵਾਰ ਜੱਜ ਵਜੋਂ ਉਨ੍ਹਾਂ ਨਾਲ ਜੁੜੇਗੀ। ਨਾਲ ਹੀ ਜੈ ਭਾਨੂਸ਼ਾਲੀ ਫਿਰ ਤੋਂ ਸ਼ੋਅ ਨੂੰ ਹੋਸਟ ਕਰਦਾ ਨਜ਼ਰ ਆਵੇਗਾ। ਇੰਨਾ ਹੀ ਨਹੀਂ ਸ਼ੋਅ ਦਾ ਸਾਬਕਾ ਪ੍ਰਤੀਯੋਗੀ ਅਨਿਕੇਤ ਚੌਹਾਨ ਵੀ ਉਸ ਨਾਲ ਸਹਿ ਮੇਜ਼ਬਾਨ ਦੇ ਰੂਪ ਵਿੱਚ ਨਜ਼ਰ ਆਵੇਗਾ ਜਿਸ ਨੇ ਸ਼ੋਅ ਦੇ ਪਿਛਲੇ ਸੀਜ਼ਨ ’ਚ ਸ਼ਾਨਦਾਰ ਡਾਂਸਰ ਦੇ ਤੌਰ ’ਤੇ ਟਾਪ 5 ਵਿੱਚ ਜਗ੍ਹਾ ਬਣਾਈ ਸੀ। ਜੈ ਭਾਨੂਸ਼ਾਲੀ ਸ਼ੋਅ ਵਿੱਚ ਅਨਿਕੇਤ ਨੂੰ ਵਧੀਆ ਮੇਜ਼ਬਾਨ ਬਣਨ ਦੀ ਸਿਖਲਾਈ ਦਿੰਦਾ ਹੋਇਆ ਨਜ਼ਰ ਆਵੇਗਾ।
ਆਪਣੀ ਵਾਪਸੀ ਬਾਰੇ ਗੱਲ ਕਰਦੇ ਹੋਏ ਜੈ ਭਾਨੂਸ਼ਾਲੀ ਨੇ ਕਿਹਾ, “ਮੈਂ ਭਾਰਤ ਦੇ ਸਰਵੋਤਮ ਡਾਂਸ ਸੀਜ਼ਨ 4 ਦੇ ਮੇਜ਼ਬਾਨ ਵਜੋਂ ਵਾਪਸੀ ਕਰਕੇ ਰੁਮਾਂਚਿਤ ਹਾਂ। ਗੀਤਾ ਮਾਂ ਅਤੇ ਟੈਰੈਂਸ ਨਾਲ ਮੇਰਾ ਬਹੁਤ ਵਧੀਆ ਰਿਸ਼ਤਾ ਹੈ। ਮੈਂ ਹਮੇਸ਼ਾ ਕਰਿਸ਼ਮਾ ਕਪੂਰ ਦਾ ਪ੍ਰਸ਼ੰਸਕ ਰਿਹਾ ਹਾਂ, ਇਸ ਲਈ ਮੈਂ ਸ਼ੋਅ ਦੇ ਇਸ ਸੀਜ਼ਨ ਦੀ ਮੇਜ਼ਬਾਨੀ ਕਰਨ ਲਈ ਬਹੁਤ ਉਤਸ਼ਾਹਿਤ ਹਾਂ। ਮੈਂ ਅਨਿਕੇਤ ਨਾਲ ਮਸਤੀ ਕਰਨ ਲਈ ਹੋਰ ਇੰਤਜ਼ਾਰ ਨਹੀਂ ਕਰ ਸਕਦਾ, ਜੋ ਸ਼ੋਅ ਦੇ ਪਿਛਲੇ ਸੀਜ਼ਨ ਦਾ ਪ੍ਰਤੀਯੋਗੀ ਸੀ।’’
ਅਨਿਕੇਤ ਚੌਹਾਨ ਨੇ ਆਪਣੇ ਉਤਸ਼ਾਹ ਨੂੰ ਜ਼ਾਹਰ ਕਰਦੇ ਹੋਏ ਕਿਹਾ, “ਸ਼ੋਅ ਵਿੱਚ ਸਹਿ-ਮੇਜ਼ਬਾਨ ਵਜੋਂ ਵਾਪਸੀ ਮੇਰੇ ਲਈ ਇੱਕ ਸੁਪਨਾ ਸਾਕਾਰ ਹੋਣ ਵਰਗਾ ਹੈ। ਸ਼ਾਨਦਾਰ ਜੱਜਾਂ, ਜੈ ਅਤੇ ਇਸ ਸੀਜ਼ਨ ਦੀ ਨਵੀਂ ਪ੍ਰਤਿਭਾ ਨਾਲ ਇੱਕੋ ਮੰਚ ਸਾਂਝਾ ਕਰਨਾ ਬਹੁਤ ਰੁਮਾਂਚਕ ਹੋਵੇਗਾ। ਮੈਂ ਪਹਿਲਾਂ ਕਦੇ ਕਿਸੇ ਸ਼ੋਅ ਦੀ ਮੇਜ਼ਬਾਨੀ ਨਹੀਂ ਕੀਤੀ ਹੈ। ਮੈਂ ਇਸ ਤਜਰਬੇ ਨੂੰ ਹਾਸਲ ਕਰਨ ਦੀ ਬੇਸਬਰੀ ਨਾਲ ਉਡੀਕ ਕਰ ਰਿਹਾ ਹਾਂ।’’

ਗੁੰਜਨ ਦੀ ਪਸੰਦ ਚੁਣੌਤੀ ਭਰਪੂਰ ਭੂਮਿਕਾਵਾਂ

ਅਦਾਕਾਰ ਗੁੰਜਨ ਉਤਰੇਜਾ ਨੂੰ ਹਾਲ ਹੀ ਵਿੱਚ ਵੱਕਾਰੀ ਕਾਨ ਫਿਲਮ ਫੈਸਟੀਵਲ ਵਿੱਚ ਦੇਖਿਆ ਗਿਆ ਸੀ ਜਿੱਥੇ ਉਸ ਦੀ ਲਘੂ ਫਿਲਮ ‘ਕਾਹਵਾ’ ਦਾ ਪ੍ਰੀਮੀਅਰ ਹੋਇਆ ਸੀ। ਗੁੰਜਨ ਨੇ ਫੈਸਟੀਵਲ ਵਿੱਚ ਆਪਣੇ ਅਨੁਭਵ ਸਾਂਝੇ ਕੀਤੇ ਅਤੇ ਆਪਣੀਆਂ ਉਮੀਦਾਂ ਬਾਰੇ ਵੀ ਗੱਲ ਕੀਤੀ। ਉਸ ਨੇ ਦੱਸਿਆ, ‘‘ਕਾਨ ਫੈਸਟੀਵਲ ਵਿੱਚ ਹਾਜ਼ਰ ਹੋਣਾ ਇੱਕ ਰੁਮਾਂਚਕ ਤਜਰਬਾ ਰਿਹਾ ਹੈ ਜੋ ਸਿਨੇਮਾ ਦੇ ਜਸ਼ਨ ਦੀ ਸਿਖਰ ਨੂੰ ਦਰਸਾਉਂਦਾ ਹੈ। ਦੁਨੀਆ ਭਰ ਦੀਆਂ ਅਜਿਹੀਆਂ ਸ਼ਾਨਦਾਰ ਪ੍ਰਤਿਭਾਵਾਂ ਵਿੱਚ ਸ਼ਾਮਲ ਹੋਣਾ ਸੱਚਮੁੱਚ ਇੱਕ ਅਦਭੁੱਤ ਅਨੁਭਵ ਹੈ ਜੋ ਇਸ ਨੂੰ ਮੇਰੀ ਅਭੁੱਲ ਯਾਤਰਾ ਬਣਾਉਂਦਾ ਹੈ।’’
‘‘ਇਸ ਤੋਂ ਇਲਾਵਾ ਕਾਨ ਵਿਖੇ ਰੈੱਡ ਕਾਰਪੈੱਟ ’ਤੇ ਤੁਰਨਾ ਅਦਭੁੱਤ ਸੀ। ਇਹ ਉਹ ਚੀਜ਼ ਹੈ ਜੋ ਹਰ ਅਦਾਕਾਰ ਦਾ ਸੁਪਨਾ ਹੁੰਦਾ ਹੈ। ਫਿਰ ਜਦੋਂ ਇਹ ਅਸਲ ਵਿੱਚ ਹੁੰਦਾ ਹੈ ਤਾਂ ਅਜਿਹਾ ਮਹਿਸੂਸ ਹੁੰਦਾ ਹੈ ਜਿਵੇਂ ਤੁਸੀਂ ਖ਼ੁਦ ਇੱਕ ਫਿਲਮ ਵਿੱਚ ਹੋ। ਕੈਮਰਿਆਂ ਦੀ ਫਲੈਸ਼, ਤਾੜੀਆਂ ਅਤੇ ਸਮਾਗਮ ਦੀ ਸ਼ਾਨ ਬਹੁਤ ਜ਼ਿਆਦਾ ਸੀ। ਇਹ ਮੇਰੇ ਲਈ ਬਹੁਤ ਹੀ ਸੰਤੁਸ਼ਟੀਜਨਕ ਅਨੁਭਵ ਰਿਹਾ ਹੈ। ਇਹ ਬਹੁਤ ਮਾਣ ਅਤੇ ਖ਼ੁਸ਼ੀ ਦਾ ਪਲ ਸੀ।’’
ਨੌਜਵਾਨ ਫਿਲਮਸਾਜ਼ ਸ਼ੁਭ ਮੁਖਰਜੀ ਵੱਲੋਂ ਨਿਰਦੇਸ਼ਤ ਫਿਲਮ ‘ਕਾਹਵਾ’ ਵਿੱਚ ਉਸ ਨੇ ਕਸ਼ਮੀਰ ਵਿੱਚ ਤਾਇਨਾਤ ਇੱਕ ਫ਼ੌਜੀ ਅਧਿਕਾਰੀ ਸੁਰਖਾਬ ਸਿੰਘ ਦੀ ਭੂਮਿਕਾ ਨਿਭਾਈ ਹੈ। ਉਸ ਦੀ ਭੂਮਿਕਾ ਰਾਜਨੀਤਿਕ ਉਥਲ-ਪੁਥਲ ਦੇ ਵਿਚਕਾਰ ਮਨੁੱਖੀ ਰਿਸ਼ਤਿਆਂ ਦੀਆਂ ਜਟਿਲਤਾਵਾਂ ਨੂੰ ਦਰਸਾਉਂਦੀ ਹੈ। ਉਹ ਕਹਿੰਦਾ ਹੈ, ‘‘ਦਰਸ਼ਕਾਂ ਦੀ ਪ੍ਰਤੀਕਿਰਿਆ ਅਵਿਸ਼ਵਾਸਯੋਗ ਤੌਰ ’ਤੇ ਦਿਲ ਨੂੰ ਛੂਹਣ ਵਾਲੀ ਸੀ; ਉਹ ਕਹਾਣੀ ਅਤੇ ਪਾਤਰਾਂ ਨਾਲ ਡੂੰਘਾਈ ਨਾਲ ਜੁੜੇ ਹੋਏ ਸਨ। ਸਕਰੀਨਿੰਗ ਦੇ ਦੌਰਾਨ ਅਜਿਹੇ ਪਲ ਸਨ ਜਦੋਂ ਤੁਸੀਂ ਕਮਰੇ ਵਿੱਚ ਸਮੂਹਿਕ ਭਾਵਨਾ ਨੂੰ ਮਹਿਸੂਸ ਕਰ ਸਕਦੇ ਹੋ। ਸਕਰੀਨਿੰਗ ਤੋਂ ਬਾਅਦ ਸਕਾਰਾਤਮਕ ਹੁੰਗਾਰਾ ਅਤੇ ਚਰਚਾਵਾਂ ਨੇ ਫਿਲਮ ਦੇ ਸੰਦੇਸ਼ ਅਤੇ ਵਿਸ਼ਵ ਪੱਧਰ ’ਤੇ ਇਸ ਦੇ ਗੂੰਜਣ ਦੀ ਸਮਰੱਥਾ ਵਿੱਚ ਸਾਡੇ ਵਿਸ਼ਵਾਸ ਦੀ ਪੁਸ਼ਟੀ ਕੀਤੀ ਹੈ।’’
ਉਹ ਅੱਗੇ ਕਹਿੰਦਾ ਹੈ, ‘‘ਕਾਨ ਫਿਲਮ ਫੈਸਟੀਵਲ ਬੇਮਿਸਾਲ ਦ੍ਰਿਸ਼ਟੀ ਪ੍ਰਦਾਨ ਕਰਦਾ ਹੈ ਜੋ ਇੱਕ ਅਜਿਹੀ ਫਿਲਮ ਲਈ ਜ਼ਰੂਰੀ ਹੈ ਜੋ ਅਜਿਹੇ ਡੂੰਘੇ ਅਤੇ ਸੰਵੇਦਨਸ਼ੀਲ ਵਿਸ਼ਿਆਂ ਨਾਲ ਨਜਿੱਠਦੀ ਹੈ। ਇਹ ਅੰਤਰਰਾਸ਼ਟਰੀ ਮਾਨਤਾ ਅਤੇ ਵੰਡ ਦੇ ਮੌਕੇ ਖੋਲ੍ਹਦੀ ਹੈ, ਜਿਸ ਨਾਲ ਕਹਾਣੀ ਨੂੰ ਦਰਸ਼ਕਾਂ ਦੇ ਵਿਸ਼ਾਲ ਪੱਧਰ ਤੱਕ ਪਹੁੰਚਾਇਆ ਜਾ ਸਕਦਾ ਹੈ।’’
‘ਕਾਹਵਾ’ ਨੂੰ ਸਿਰਫ਼ ਫਿਲਮ ਫੈਸਟੀਵਲਾਂ ਵਿੱਚ ਹੀ ਦਿਖਾਇਆ ਗਿਆ ਹੈ। ਭਾਰਤ ਵਿੱਚ ਅਜੇ ਇਸ ਦਾ ਪ੍ਰੀਮੀਅਰ ਨਹੀਂ ਹੋਇਆ ਹੈ। ਇਸ ’ਤੇ ਗੁੰਜਨ ਨੇ ਕਿਹਾ, ‘‘ਅਸੀਂ ਇਹ ਫਿਲਮ ਭਾਰਤੀ ਦਰਸ਼ਕਾਂ ਨੂੰ ਦਿਖਾਉਣ ਲਈ ਬਹੁਤ ਉਤਸ਼ਾਹਿਤ ਹਾਂ। ਅਸੀਂ ਕਈ ਸਟ੍ਰੀਮਿੰਗ ਪਲੈਟਫਾਰਮਾਂ ਨਾਲ ਵਿਚਾਰ ਵਟਾਂਦਰਾ ਕਰ ਰਹੇ ਹਾਂ ਅਤੇ ਇਸ ਸਾਲ ਦੇ ਅੰਤ ਵਿੱਚ ਇਸ ਨੂੰ ਰਿਲੀਜ਼ ਕਰਨ ਦਾ ਟੀਚਾ ਰੱਖ ਰਹੇ ਹਾਂ।’’
ਉਸ ਨੇ ਅੱਗੇ ਕਿਹਾ, ‘‘ਮੇਰਾ ਹੁਣ ਤੱਕ ਦਾ ਸਫ਼ਰ ਬਹੁਤ ਹੀ ਲਾਭਦਾਇਕ ਰਿਹਾ ਹੈ। ਹਰ ਕਿਰਦਾਰ ਆਪਣੀਆਂ ਚੁਣੌਤੀਆਂ ਅਤੇ ਸਿੱਖਣ ਦੇ ਤਜਰਬਿਆਂ ਦੇ ਨਾਲ ਆਉਂਦਾ ਹੈ। ਮੈਂ ਖ਼ੁਦ ਨੂੰ ਮਿਲੇ ਮੌਕਿਆਂ ਲਈ ਸ਼ੁਕਰਗੁਜ਼ਾਰ ਹਾਂ। ਮੈਂ ਦੋ ਵੈੱਬ ਸੀਰੀਜ਼ ਲਈ ਵੀ ਸ਼ੂਟਿੰਗ ਕੀਤੀ ਹੈ। ਮੈਨੂੰ ਉਮੀਦ ਹੈ ਕਿ ਉਹ ਵੀ ਇਸ ਸਾਲ ਦੇ ਅੰਤ ਵਿੱਚ ਰਿਲੀਜ਼ ਹੋ ਜਾਣਗੀਆਂ। ਮੇਜ਼ਬਾਨੀ ਨੇ ਮੈਨੂੰ ਦਰਸ਼ਕਾਂ ਨਾਲ ਜੁੜਨਾ ਸਿਖਾਇਆ ਹੈ। ਮੇਰਾ ਮੰਨਣਾ ਹੈ ਕਿ ਇਹ ਯੋਗਤਾ ਮੇਰੀ ਅਦਾਕਾਰੀ ਨੂੰ ਵਧਾਉਂਦੀ ਹੈ। ਮੇਰਾ ਅਦਾਕਾਰੀ ਕਰੀਅਰ ਵਿਕਸਤ ਹੋ ਰਿਹਾ ਹੈ ਅਤੇ ਮੈਂ ਉਨ੍ਹਾਂ ਭੂਮਿਕਾਵਾਂ ਨੂੰ ਨਿਭਾਉਣ ਦੀ ਉਮੀਦ ਕਰਦਾ ਹਾਂ ਜੋ ਮੈਨੂੰ ਚੁਣੌਤੀ ਦਿੰਦੀਆਂ ਹਨ ਅਤੇ ਮੈਨੂੰ ਇੱਕ ਕਲਾਕਾਰ ਵਜੋਂ ਅੱਗੇ ਵਧਣ ਦਿੰਦੀਆਂ ਹਨ।’’
“ਮੈਂ ਅਜਿਹੀਆਂ ਭੂਮਿਕਾਵਾਂ ਦੀ ਭਾਲ ਕਰ ਰਿਹਾ ਹਾਂ ਜੋ ਗੁੰਝਲਦਾਰ ਪਰ ਸੂਖਮ ਹੋਣ ਜੋ ਮੈਨੂੰ ਮਨੁੱਖੀ ਭਾਵਨਾਵਾਂ ਅਤੇ ਅਨੁਭਵ ਦੇ ਵੱਖ-ਵੱਖ ਪਹਿਲੂਆਂ ਦੀ ਪੜਚੋਲ ਕਰਨ ਦੀ ਇਜਾਜ਼ਤ ਦਿੰਦੀਆਂ ਹੋਣ। ਇਹ ਚਾਹੇ ਸਿਨੇਮਾ, ਟੈਲੀਵਿਜ਼ਨ ਜਾਂ ਡਿਜੀਟਲ ਪਲੈਟਫਾਰਮ ਹੋਵੇ, ਮੈਂ ਉਨ੍ਹਾਂ ਪ੍ਰਾਜੈਕਟਾਂ ਵੱਲ ਖਿੱਚਿਆ ਜਾਂਦਾ ਹਾਂ ਜਿਨ੍ਹਾਂ ਵਿੱਚ ਇੱਕ ਮਜ਼ਬੂਤ ਬਿਰਤਾਂਤ ਅਤੇ ਆਕਰਸ਼ਕ ਕਿਰਦਾਰ ਹੁੰਦਾ ਹੈ।’’

ਖ਼ੁਸ਼ਕਿਸਮਤ ਕਸ਼ਿਸ਼ ਦੁੱਗਲ

ਅਭਿਨੇਤਰੀ ਕਸ਼ਿਸ਼ ਦੁੱਗਲ ਜੋ ਆਖਰੀ ਵਾਰ ਸੋਨੀ ਸਬ ਦੇ ਸ਼ੋਅ ‘ਆਂਗਨ ਅਪਨੋ ਕਾ’ ਵਿੱਚ ਨਜ਼ਰ ਆਈ ਸੀ, ਨੇ ਹਾਲ ਹੀ ਵਿੱਚ ਕਲਰਜ਼ ਚੈਨਲ ਦੇ ਸ਼ੋਅ ‘ਸੁਹਾਗਿਨ’ ਵਿੱਚ ਪ੍ਰਵੇਸ਼ ਕੀਤਾ ਹੈ। ਉਹ ਆਪਣੇ ਇੱਕ ਸ਼ੋਅ ਦੇ ਖ਼ਤਮ ਹੋਣ ਤੋਂ ਬਾਅਦ ਇੰਨੀ ਜਲਦੀ ਦੁਬਾਰਾ ਕੰਮ ਹਾਸਲ ਕਰ ਕੇ ਖ਼ੁਸ਼ਕਿਸਮਤ ਮਹਿਸੂਸ ਕਰ ਰਹੀ ਹੈ। ਸ਼ੋਅ ਬਾਰੇ ਗੱਲ ਕਰਦੇ ਹੋਏ, ਉਸ ਨੇ ਕਿਹਾ, ‘‘ਮੈਂ ਬਹੁਤ ਸ਼ੁਕਰਗੁਜ਼ਾਰ ਅਤੇ ਖ਼ੁੁਸ਼ਕਿਸਮਤ ਮਹਿਸੂਸ ਕਰ ਰਹੀ ਹਾਂ ਕਿ ਮੈਨੂੰ ‘ਆਂਗਨ ਅਪਨੋ ਕਾ’ ਤੋਂ ਬਾਅਦ ਇੰਨੀ ਜਲਦੀ ਇੱਕ ਹੋਰ ਪ੍ਰਾਜੈਕਟ ਨਾਲ ਜੁੜਨ ਦਾ ਮੌਕਾ ਮਿਲਿਆ ਹੈ। ਮੈਨੂੰ ਇਹ ਸਾਂਝਾ ਕਰਦੇ ਹੋਏ ਬਹੁਤ ਖ਼ੁਸ਼ੀ ਹੋ ਰਹੀ ਹੈ ਕਿ ਰਸ਼ਮੀ ਸ਼ਰਮਾ ਟੈਲੀਫਿਲਮਜ਼ ਦਾ ਇਹ ਮੇਰਾ ਲਗਾਤਾਰ ਚੌਥਾ ਸ਼ੋਅ ਹੋਵੇਗਾ।’’
‘‘ਇਸ ਸ਼ੋਅ ਵਿੱਚ, ਮੈਂ ਪ੍ਰਭਾ ਨਾਂ ਦੀ ਇੱਕ ਕੁੜੀ ਦਾ ਕਿਰਦਾਰ ਨਿਭਾਵਾਂਗੀ ਜੋ ਕਲਾਸੀਕਲ ਡਾਂਸ ਅਧਿਆਪਕ ਅਤੇ ਇੱਕ ਲੜਕੇ ਦੀ ਮਾਂ ਹੈ। ਜਿਵੇਂ-ਜਿਵੇਂ ਕਹਾਣੀ ਅੱਗੇ ਵਧਦੀ ਹੈ, ਅਸੀਂ ਪ੍ਰਭਾ ਦੇ ਕਿਰਦਾਰ ਦੇ ਵੱਖ-ਵੱਖ ਪਹਿਲੂਆਂ ਨੂੰ ਹੋਰ ਡੂੰਘਾਈ ਵਿੱਚ ਜਾਂਦੇ ਹੋਏ ਦੇਖਾਂਗੇ। ਇਹ ਇੱਕ ਅਜਿਹਾ ਕਿਰਦਾਰ ਹੈ ਜਿਸ ਬਾਰੇ ਮੈਂ ਬਹੁਤ ਉਤਸ਼ਾਹਿਤ ਹਾਂ, ਹਾਲਾਂਕਿ ਕਿਰਦਾਰ ਦੀਆਂ ਸਾਰੀਆਂ ਵਿਸ਼ੇਸ਼ਤਾਵਾਂ ’ਤੇ ਟਿੱਪਣੀ ਕਰਨਾ ਅਜੇ ਬਹੁਤ ਜਲਦੀ ਹੈ, ਮੈਂ ਸੱਚਮੁੱਚ ਇਸ ਨਵੀਂ ਯਾਤਰਾ ਦੀ ਉਡੀਕ ਕਰ ਰਹੀ ਹਾਂ। ਜਦੋਂ ਮੈਨੂੰ ਇੱਕ ਕਲਾਸੀਕਲ ਡਾਂਸ ਅਧਿਆਪਕ ਪ੍ਰਭਾ ਦੀ ਭੂਮਿਕਾ ਦੀ ਪੇਸ਼ਕਸ਼ ਕੀਤੀ ਗਈ ਸੀ, ਤਾਂ ਮੇਰੇ ਰਲੇ-ਮਿਲੇ ਜਜ਼ਬਾਤ ਸਨ। ਡਾਂਸ ਮੇਰੀ ਜ਼ਿੰਦਗੀ ਦਾ ਸਾਰ ਹੈ ਅਤੇ ਇਸ ਲਈ ਮੈਂ ਟੈਲੀਵਿਜ਼ਨ ਵਿੱਚ ਕਦਮ ਰੱਖਿਆ। ਬਹੁਤ ਸਾਰੇ ਲੋਕ ਕਹਿੰਦੇ ਹਨ ਕਿ ਮੈਂ ਡਾਂਸ ਫਲੋਰ ’ਤੇ ਬਹੁਤ ਭਾਵਪੂਰਤ ਹਾਂ। ਹਾਲਾਂਕਿ ਮੈਂ ਪਹਿਲਾਂ ਹੁੰਦੀ ਸੀ। ਇਸ ਮੌਕੇ ਨੂੰ ਲੈ ਕੇ ਮੈਂ ਉਤਸ਼ਾਹਿਤ ਹੋਣ ਦੇ ਨਾਲ ਨਾਲ ਬਹੁਤ ਡਰੀ ਹੋਈ ਵੀ ਹਾਂ ਕਿਉਂਕਿ ਮੈਂ ਡਾਂਸ ਦੀ ਕੋਈ ਰਸਮੀ ਸਿਖਲਾਈ ਨਹੀਂ ਲਈ ਹੈ।
ਮੇਰੇ ਲਈ ਡਾਂਸ ਕੁਦਰਤੀ ਹੈ। ਮੈਂ ਹਮੇਸ਼ਾ ਵੱਖ-ਵੱਖ ਡਾਂਸ ਰੂਪ ਸਿੱਖਣਾ ਚਾਹੁੰਦੀ ਸੀ, ਪਰ ਮੇਰੇ ਰੁਝੇਵਿਆਂ ਨੇ ਇਸ ਨੂੰ ਮੁਸ਼ਕਲ ਬਣਾ ਦਿੱਤਾ ਹੈ। ਮੈਂ ਇਸ ਕਿਰਦਾਰ ਨੂੰ ਨਿਭਾਉਣ ਅਤੇ ਕਲਾਸੀਕਲ ਡਾਂਸ ਦੇ ਹੁਨਰ ਸਿੱਖਣ ਲਈ ਬਹੁਤ ਉਤਸੁਕ ਹਾਂ।’’
ਉਹ ‘ਆਂਗਨ ਅਪਨੋ ਕਾ’ ਵਿੱਚ ਕੰਮ ਕਰਨ ਦੇ ਤਜਰਬੇ ਦਾ ਵਰਣਨ ਕਰਦੀ ਹੈ, ਜਿੱਥੇ ਉਸ ਨੂੰ ਸਹਿ-ਸਿਤਾਰਿਆਂ ਦੀ ਇੱਕ ਸ਼ਾਨਦਾਰ ਟੀਮ ਨਾਲ ਕੰਮ ਕਰਨ ਦਾ ਮੌਕਾ ਮਿਲਿਆ, ਜਿਨ੍ਹਾਂ ਵਿੱਚੋਂ ਹਰ ਇੱਕ ਆਪਣੇ ਤਰੀਕੇ ਨਾਲ ਕਮਾਲ ਦਾ ਹੈ। ਉਸ ਨੇ ਅੱਗੇ ਕਿਹਾ, ‘‘ਇਹ ਪ੍ਰਤਿਭਾਸ਼ਾਲੀ ਵਿਅਕਤੀ ਨਾ ਸਿਰਫ਼ ਅਦਭੁੱਤ ਅਦਾਕਾਰ ਸਨ, ਸਗੋਂ ਅਦਭੁੱਤ ਇਨਸਾਨ ਵੀ ਸਨ ਜਿਨ੍ਹਾਂ ਨੇ ਸੈੱਟ ’ਤੇ ਹਰ ਪਲ ਨੂੰ ਸੱਚਮੁੱਚ ਖ਼ਾਸ ਬਣਾ ਦਿੱਤਾ ਸੀ। ਸਾਡਾ ਇਕੱਠਾ ਇੱਕ ਪਰਿਵਾਰ ਦਾ ਹਿੱਸਾ ਹੋਣ ਵਰਗਾ ਹੀ ਸੀ। ਸਾਡੇ ਦੁਆਰਾ ਸਾਂਝੀ ਕੀਤੀ ਗਈ ਦੋਸਤੀ, ਸਮਰਥਨ ਅਤੇ ਖ਼ੁਸ਼ੀ ਨੇ ਸੈੱਟ ’ਤੇ ਹਰ ਦਿਨ ਕੁਝ ਖ਼ਾਸ ਬਣਾ ਦਿੱਤਾ। ਇਹ ਸਿਰਫ਼ ਇੱਕ ਨੌਕਰੀ ਨਹੀਂ ਸੀ; ਇਹ ਇੱਕ ਸੁੰਦਰ ਯਾਤਰਾ ਨਾਲ ਭਰੀ ਹੋਈ ਸੀ। ਜਿਸ ਵਿੱਚ ਹਾਸਾ, ਸਿੱਖਣਾ ਅਤੇ ਅਭੁੱਲ ਯਾਦਾਂ ਸ਼ਾਮਲ ਸਨ।’’