ਨਿਸ਼ਾਨੇਬਾਜ਼ੀ ਵਿਸ਼ਵ ਕੱਪ: ਵਿਵਾਨ ਨੇ ਚਾਂਦੀ ਅਤੇ ਨਰੂਕਾ ਨੇ ਕਾਂਸੀ ਦਾ ਤਗ਼ਮਾ ਜਿੱਤਿਆ

ਨਵੀਂ ਦਿੱਲੀ:

ਅਨੰਤਜੀਤ ਸਿੰਘ ਨਰੂਕਾ ਦੇ ਪੁਰਸ਼ ਸਕੀਟ ਵਿੱਚ ਕਾਂਸੀ ਦੇ ਤਗ਼ਮੇ ਮਗਰੋਂ ਵਿਵਾਨ ਕਪੂਰ ਨੇ ਪੁਰਸ਼ ਟਰੈਪ ਮੁਕਾਬਲੇ ਵਿੱਚ ਚਾਂਦੀ ਦਾ ਤਗ਼ਮਾ ਜਿੱਤਿਆ, ਜਿਸ ਨਾਲ ਅੱਜ ਇੱਥੇ ਆਈਐੱਸਐੱਸਐੱਫ ਵਿਸ਼ਵ ਕੱਪ ਨਿਸ਼ਾਨੇਬਾਜ਼ੀ ਫਾਈਨਲ ’ਚ ਭਾਰਤ ਦੇ ਤਗ਼ਮਿਆਂ ਦੀ ਗਿਣਤੀ ਚਾਰ ਹੋ ਗਈ ਹੈ।

ਵਿਵਾਨ ਨੇ ਫਾਈਨਲ ਵਿੱਚ 44 ਦਾ ਸਕੋਰ ਬਣਾਇਆ ਅਤੇ ਉਹ ਚੀਨ ਦੇ ਸੋਨ ਤਗ਼ਮਾ ਜੇਤੂ ਯਿੰਗ ਕੀ ਤੋਂ ਪਿੱਛੇ ਰਿਹਾ। ਵਿਵਾਨ ਨੇ ਕੁਆਲੀਫਿਕੇਸ਼ਨ ਰਾਊਂਡ ਵਿੱਚ 125 ਵਿੱਚੋਂ 120 ਅੰਕ ਹਾਸਲ ਕਰਕੇ ਛੇ ਨਿਸ਼ਾਨੇਬਾਜ਼ਾਂ ਦੇ ਫਾਈਨਲ ’ਚ ਜਗ੍ਹਾ ਬਣਾਈ ਸੀ। ਰਾਜਸਥਾਨ ਦੇ 26 ਸਾਲਾ ਨਰੂਕਾ ਨੇ ਛੇ ਨਿਸ਼ਾਨੇਬਾਜ਼ਾਂ ਦੇ ਫਾਈਨਲ ਵਿੱਚ 43 ਦੇ ਸਕੋਰ ਨਾਲ ਤੀਜਾ ਸਥਾਨ ਹਾਸਲ ਕੀਤਾ। -ਪੀਟੀਆਈ