ਸ਼ਲਿੰਦਰ ਆਨੰਦ ਨੂੰ ਐਲੀਵੇਟ-69 ਵੈੱਲਫੇਅਰ ਸੁਸਾਇਟੀ ਦਾ ਫਾਉੂਂਡਰ ਪ੍ਰਧਾਨ ਥਾਪਿਆ

ਪੱਤਰ ਪ੍ਰੇਰਕ

ਐਸ.ਏ.ਐਸ. ਨਗਰ (ਮੁਹਾਲੀ), 16 ਮਾਰਚ

ਮੁਹਾਲੀ ਸ਼ਹਿਰ ਦੇ ਵਿਕਾਸ ਅਤੇ ਸਮੱਸਿਆਵਾਂ ਦੇ ਹੱਲ ਲਈ ਐਲੀਵੇਟ-69 ਵੈੱਲਫੇਅਰ ਸੁਸਾਇਟੀ ਨਾਂ ਦੀ ਸੰਸਥਾ ਦਾ ਗਠਨ ਕੀਤਾ ਗਿਆ ਹੈ। ਜਥੇਬੰਦੀ ਦੀ ਪਲੇਠੀ ਮੀਟਿੰਗ ਅੱਜ ਇੱਥੋਂ ਦੇ ਫੇਜ਼-7 ਵਿੱਚ ਹੋਈ। ਮੀਟਿੰਗ ਵਿੱਚ ਸ਼ਲਿੰਦਰ ਆਨੰਦ (ਬਿੱਟੂ) ਨੂੰ ਸੰਸਥਾ ਦਾ ਫਾਉਂਡਰ ਪ੍ਰਧਾਨ ਅਤੇ ਹਰਿਆਣਾ ਇੰਡਸਟਰੀਜ਼ ਵਿਭਾਗ ਦੇ ਵਧੀਕ ਡਾਇਰੈਕਟਰ (ਸੇਵਾਮੁਕਤ) ਜੈਦੀਪ ਕਪੂਰ ਨੂੰ ਜਨਰਲ ਸਕੱਤਰ ਚੁਣਿਆ ਗਿਆ। ਇਸ ਤੋਂ ਇਲਾਵਾ ਆਈਪੀਐਸ ਅਧਿਕਾਰੀ ਰਾਕੇਸ਼ ਕੌਸ਼ਲ ਨੂੰ ਚੇਅਰਮੈਨ, ਡਾ. ਵਿਕਾਸ ਭੁਟਾਨੀ ਨੂੰ ਵਾਈਸ ਚੇਅਰਮੈਨ ਅਤੇ ਜਗਮੋਹਨ ਸਿੰਘ ਕਾਹਲੋਂ ਨੂੰ ਕੈਸ਼ੀਅਰ ਨਿਯੁਕਤ ਕੀਤਾ ਗਿਆ। ਉੱਘੇ ਚਿੰਤਕ ਪਿਆਰੇ ਲਾਲ ਗਰਗ ਨੂੰ ਮੁੱਖ ਸਲਾਹਕਾਰ, ਹਰਦੀਪ ਸਿੰਘ ਚੀਮਾ ਨੂੰ ਮੁੱਖ ਸਰਪ੍ਰਸਤ, ਰਣਜੀਤ ਸਿੰਘ ਸਿੱਧੂ ਨੂੰ ਸਰਪ੍ਰਸਤ, ਵਿਜੈ ਗੋਇਲ ਨੂੰ ਸੀਨੀਅਰ ਮੀਤ ਪ੍ਰਧਾਨ, ਵਿਜੈ ਕਾਲੜਾ ਨੂੰ ਸੰਯੁਕਤ ਸਕੱਤਰ ਅਤੇ ਰਵੀ ਧੀਰ ਤੇ ਸੁਨੀਲ ਕੁਮਾਰ ਨੂੰ ਕਾਰਜਕਾਰਨੀ ਮੈਂਬਰ ਥਾਪਿਆ ਗਿਆ। ਸੰਸਥਾ ਦੇ ਪ੍ਰਧਾਨ ਸ਼ਲਿੰਦਰ ਆਨੰਦ ਨੇ ਕਿਹਾ ਕਿ ਸ਼ਹਿਰ ਦੇ ਸਰਬਪੱਖੀ ਵਿਕਾਸ ਦੇ ਨਾਲ-ਨਾਲ ਲੋਕਾਂ ਨੂੰ ਦਰਪੇਸ਼ ਸਮੱਸਿਆਵਾਂ ਦੇ ਸਥਾਈ ਹੱਲ ਲਈ ਉਹ ਹਮੇਸ਼ਾ ਤਤਪਰ ਰਹਿਣਗੇ।