ਆਈਐੱਮਡੀਬੀ ਦੀ ਸਾਲ 2023 ਦੀ ਸਭ ਤੋਂ ਮਸ਼ਹੂਰ ਅਦਾਕਾਰਾਂ ਦੀ ਸੂਚੀ ’ਚ ਸ਼ਾਹਰੂਖ਼ ਖ਼ਾਨ ਸਿਖਰ ’ਤੇ

ਮੁੰਬਈ, 22 ਨਵੰਬਰ
‘ਪਠਾਨ’ ਤੇ ‘ਜਵਾਨ’ ਦੀ ਵੱਡੀ ਸਫ਼ਲਤਾ ’ਤੇ ਸੁਪਰਸਟਾਰ ਸ਼ਾਹਰੁਖ਼ ਖਾਨ ਨੇ ਆਈਐਮਡੀਬੀ ਦੀ ਸਾਲ 2023 ਦੇ ਸਭ ਤੋਂ ਮਸ਼ਹੂਰ ਭਾਰਤੀ ਅਦਾਕਾਰਾਂ ਦੀ ਸੂਚੀ ’ਚ ਪਹਿਲਾ ਸਥਾਨ ਹਾਸਲ ਕੀਤਾ ਹੈ। ਇਸ ਸੂਚੀ ’ਚ ਆਲੀਆ ਭੱਟ, ਦੀਪਿਕਾ ਪਾਦੂਕੋਨ ਅਤੇ ਵਾਮਿਕਾ ਗੱਬੀ ਵਰਗੀਆਂ ਅਭਿਨੇਤਰੀਆਂ ਦਾ ਦਬਦਬਾ ਹੈ। ਸ਼ਾਹਰੁਖ ਲਈ ਇਹ ਸਾਲ ਅਜੇ ਖਤਮ ਨਹੀਂ ਹੋਇਆ ਹੈ ਕਿਉਂਕਿ 21 ਦਸੰਬਰ ਨੂੰ ਰਾਜਕੁਮਾਰ ਹਿਰਾਨੀ ਦੇ ਨਿਰਦੇਸ਼ਨ ਵਾਲੀ ਫਿਲਮ ‘ਡੰਕੀ’ ਰਿਲੀਜ਼ ਹੋਵੇਗੀ। ਇਹ ਫਿਲਮ ਸੁਪਰਸਟਾਰ ਲਈ ਇਸ ਸਾਲ ਦੀ ਤੀਜੀ ਅਤੇ ਆਖ਼ਰੀ ਫਿਲਮ ਹੋਵੇਗੀ। ਆਲੀਆ ਨੇ ਲਗਾਤਾਰ ਦੂਜੇ ਸਾਲ ਸੂਚੀ ’ਚ ਦੂਜਾ ਸਥਾਨ ਹਾਸਲ ਕੀਤਾ ਹੈ। ਅਭਿਨੇਤਰੀ ਦੀ ‘ਰਾਕੀ ਅਤੇ ਰਾਨੀ ਕੀ ਪ੍ਰੇਮ ਕਹਾਨੀ’ ਨੂੰ ਵੱਡੀ ਸਫ਼ਲਤਾ ਮਿਲੀ। -ਪੀਟੀਆਈ