ਜਾਅਲੀ ਮਾਅਰਕੇ ਵਾਲੀਆਂ ਸੱਤ ਟੈਕੀਆਂ ਬਰਾਮਦ

ਸ਼ਾਹਬਾਦ ਮਾਰਕੰਡਾ: ਸ਼ਾਹਬਾਦ ਪੁਲੀਸ ਨੇ ਇਕ ਦੁਕਾਨ ’ਤੇ ਛਾਪਾ ਮਾਰ ਕੇ ਨਕਲੀ ਬਰਾਂਡ ਵਾਲੀਆਂ ਪਾਣੀ ਦੀਆਂ 7 ਟੈਕੀਂਆਂ ਬਰਾਮਦ ਕੀਤੀਆਂ ਹਨ। ਪੁਲੀਸ ਨੂੰ ਦਿੱਤੀ ਸ਼ਿਕਾਇਤ ਵਿਚ ਆਰਕੇ ਐਸੋਸੀਏਟ ਮੋਹਾਲੀ ਬਤੌਰ ਆਈਪੀ ਹੈੱਡ ਕੰਮ ਕਰ ਰਹੇ ਰਚਨਾ ਕਪੂਰ ਨੇ ਕਿਹਾ ਕਿ ਉਸ ਕੋਲ ਸੁਪਰੀਮ ਇੰਡਸਟਰੀਡਜ਼ ਵਲੋਂ ਨਕਲੀ ਵਾਟਰ ਟੈਂਕ, ਪਾਈਪ ਤੇ ਪਲਾਸਟਿਕ ਆਦਿ ਦਾ ਸਾਮਾਨ ਵੇਚਣ ਤੇ ਸਪਲਾਈ ਕਰਨ ਵਾਲਿਆਂ ਦੇ ਖਿਲਾਫ ਪੁਲੀਸ ਪ੍ਰਸ਼ਾਸਨ ਨੂੰ ਨਾਲ ਲੈ ਕੇ ਕਾਰਵਾਈ ਕਰਨ ਦਾ ਅਧਿਕਾਰ ਪ੍ਰਾਪਤ ਹੈ। ਸ਼ਿਕਾਇਤ ਵਿਚ ਕਿਹਾ ਗਿਆ ਕਿ ਉਸ ਨੂੰ ਭਰੋਸੇਯੋਗ ਸੂਤਰਾਂ ਤੋਂ ਸੂਚਨਾ ਮਿਲੀ ਸੀ ਕਿ ਸ਼ਾਹਬਾਦ ਵਿਚ ਦੇਸ ਰਾਜ ਸਨਜ਼ ਦਾ ਮਾਲਕ ਰਾਜੀਵ ਸਤੀਜਾ, ਸੁਪਰੀਮ ਲਿਮਟਿਡ ਦੇ ਨਾਂ ’ਤੇ ਨਕਲੀ ਵਾਟਰ ਟੈਂਕ ਗਾਹਕਾਂ ਨੂੰ ਅਸਲੀ ਦਸ ਕੇ ਵੇਚਦਾ ਹੈ। ਪੁਲੀਸ ਨੇ ਕਾਪੀ ਰਾਈਟ ਐਕਟ ਤਹਿਤ ਮਾਮਲਾ ਦਰਜ ਕਰ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। -ਪੱਤਰ ਪ੍ਰੇਰਕ