ਡਾਕਾ ਮਾਰਨ ਦੀ ਤਿਆਰੀ ਕਰਦੇ ਸੱਤ ਕਾਬੂ; ਹਥਿਆਰ ਵੀ ਬਰਾਮਦ

ਨਿੱਜੀ ਪੱਤਰ ਪ੍ਰੇਰਕ
ਲੁਧਿਆਣਾ, 6 ਅਗਸਤ
ਥਾਣਾ ਫੋਕਲ ਪੁਆਇੰਟ ਦੀ ਪੁਲੀਸ ਨੇ ਸੱਤ ਜਣਿਆਂ ਨੂੰ ਡਾਕਾ ਮਾਰਨ ਦੀ ਤਿਆਰੀ ਕਰਦਿਆਂ ਹਥਿਆਰਾਂ ਸਮੇਤ ਗ੍ਰਿਫ਼ਤਾਰ ਕੀਤਾ ਹੈ। ਥਾਣੇਦਾਰ ਗੁਰਮੀਤ ਸਿੰਘ ਨੇ ਦੱਸਿਆ ਹੈ ਕਿ ਪੁਲੀਸ ਪਾਰਟੀ ਚੈਕਿੰਗ ਦੇ ਸਬੰਧ ਵਿੱਚ ਨੇੜੇ ਬਿੰਦਰਾ ਕੰਪਲੈਕਸ ਫੇਸ-5 ਫੋਕਲ ਪੁਆਇੰਟ ਮੌਜੂਦ ਸੀ ਤਾਂ ਮੁੱਖਬਰਖਾਸ ਨੇ ਇਤਲਾਹ ਦਿੱਤੀ ਕਿ ਰਵੀ ਗਿਰੀ ਵਾਸੀ ਗੋਬਿੰਦਗੜ,ਵਿਨੋਦ ਕੁਮਾਰ, ਸੋਨੂੰ ਪਾਲ ਵਾਸੀ ਢੰਡਾਰੀ ਖੁਰਦ, ਮਨੋਜ ਕੁਮਾਰ ਕਾਂਛਾ, ਸੰਜੇ ਕੁਮਾਰ, ਰਵੀ ਕੁਮਾਰ ਅਤੇ ਸਨੀ ਕੁਮਾਰ ਵਾਸੀਆਨ ਢੰਡਾਰੀ ਪੁੱਲ ਫੋਕਲ ਪੁਆਇੰਟ ਲੁੱਟਾਂ ਖੋਹਾਂ ਕਰਨ ਦੇ ਆਦੀ ਹਨ, ਨੂੰ ਬੀਐਸਐਨਐਲ ਐਕਸਚੇਂਜ ਫੇਸ-5 ਫੋਕਲ ਪੁਆਇੰਟ ਦੇ ਨਾਲ ਲੱਗਦੇ ਬੇ-ਅਬਾਦ ਪਲਾਟ ’ਚ ਬੈਠਿਆਂ ਕਿਸੇ ਵੱਡੀ ਫੈਕਟਰੀ ਵਿੱਚ ਡਾਕਾ ਮਾਰਨ ਦੀ ਯੋਜਨਾ ਬਣਾਉਂਦਿਆਂ ਕਾਬੂ ਕਰਕੇ ਉਨ੍ਹਾਂ ਪਾਸੋਂ ਦੇਸੀ ਕੱਟਾ ਬਾਰਾਂ ਬੋਰ, 2 ਕਾਰਤੂਸ, 2 ਦਾਹ, 4 ਰਾਡ ਲੋਹਾ ਅਤੇ ਇੱਕ ਸਕੂਟਰੀ ਬਰਾਮਦ ਕੀਤੀ ਹੈ।