ਸੇਵਾ ਟਰੱਸਟ ਵੱਲੋਂ ਸਰਕਾਰੀ ਹਸਪਤਾਲ ਨੂੰ ਦਵਾਈਆਂ ਭੇਟ

ਨਿੱਜੀ ਪੱਤਰ ਪ੍ਰੇਰਕ

ਮਾਲੇਰਕੋਟਲਾ, 29 ਜੂਨ

ਸੇਵਾ ਟਰੱਸਟ ਯੂਕੇ (ਇੰਗਲੈਂਡ) ਨੇ ‘ਸਿਹਤਮੰਦ ਸਮਾਜ-ਸਿਹਤਮੰਦ ਭਾਰਤ’ ਦੇ ਸੰਕਲਪ ਤਹਿਤ ਪਟਿਆਲਾ ਸਥਿਤ ਆਯੁਰਵੇਦਿਕ ਹਸਪਤਾਲ ਨੂੰ ਢਾਈ ਲੱਖ ਦੀਆਂ ਦਵਾਈਆਂ ਭੇਟ ਕੀਤੀਆਂ ਹਨ। ਸੰਸਥਾ ਦੇ ਸੰਸਥਾਪਕ ਪਰਵਾਸੀ ਭਾਰਤੀ ਚਰਨ ਕੰਵਲ ਸੇਖੋਂ ਅਤੇ ਭਾਰਤ ਇਕਾਈ ਦੇ ਚੇਅਰਮੈਨ ਨਰੇਸ਼ ਮਿੱਤਲ ਦੇ ਦਿਸ਼ਾ ਨਿਰਦੇਸ਼ ਅਨੁਸਾਰ 6 ਰਾਜਾਂ ਦੇ ਜ਼ੋਨਲ ਮੁਖੀ ਡਾ.ਵਰਿੰਦਰ ਜੈਨ,ਪਜਾਬ ਕੋਆਰਡੀਨੇਟਰ ਅਜੈ ਗਰਗ, ਜ਼ਿਲ੍ਹਾ ਸਿਖਿਆ ਕੋਆਰਡੀਨੇਟਰ ਸੰਜੀਵ ਸਿੰਗਲਾ ਦੀ ਅਗਵਾਈ ਹੇਠ ਸਹਿ-ਸਪਾਂਸਰ ਡਾਬਰ ਇੰਡੀਆ ਲਿਮਟਿਡ ਦੇ ਸਹਿਯੋਗ ਨਾਲ ਉਕਤ ਹਸਪਤਾਲ ਦੇ ਮੈਡੀਕਲ ਸੁਪਰਡੈਂਟ ਅਨੁ ਸ਼ਾਰਦਾ, ਡਾ. ਅਸ਼ਵਨੀ ਰਾਣਾ, ਡਾ. ਮੋਹਨ ਕੌਸ਼ਕ ਨੂੰ ਢਾਈ ਲੱਖ ਰੁਪਏ ਦੀ ਡਾਬਰ ਆਯੁਸ਼-64 ਦੀਆਂ 45,000 ਗੋਲੀਆਂ ਗ਼ਰੀਬ ਮਰੀਜ਼ਾਂ ਨੂੰ ਮੁਫ਼ਤ ਦੇਣ ਲਈ ਸੌਂਪੀਆਂ ਅਤੇ ਭਵਿੱਖ ‘ਚ ਹੋਰ ਦਵਾਈਆਂ ਦੇਣ ਦਾ ਵਾਅਦਾ ਕੀਤਾ।