ਸੈਂਸੈਕਸ ਨੇ ਪਹਿਲੀ ਵਾਰ ਛੂਹਿਆ 85 ਹਜ਼ਾਰ ਦਾ ਅੰਕੜਾ

ਮੁੰਬਈ:

ਸੈਂਸੈਕਸ ਨੇ ਅੱਜ ਪਹਿਲੀ ਵਾਰ 85 ਹਜ਼ਾਰ ਦੇ ਅੰਕੜੇ ਨੂੰ ਛੂਹਿਆ, ਜਦੋਂਕਿ ਨਿਫ਼ਟੀ ਵੀ ਇਤਿਹਾਸਕ 26,000 ਅੰਕੜੇ ਨੂੰ ਪਾਰ ਕਰ ਗਿਆ। ਹਿੰਦੁਸਤਾਨ ਯੂਨੀਲੀਵਰ, ਕੋਟਕ ਮਹਿੰਦਰਾ ਬੈਂਕ ਅਤੇ ਆਈਸੀਆਈਸੀਆਈ ਬੈਂਕ ਦੇ ਸ਼ੇਅਰਾਂ ਵਿੱਚ ਤੇਜ਼ੀ ਰਹੀ। ਤੀਹ ਸ਼ੇਅਰਾਂ ਵਾਲਾ ਬੀਐੱਸਈ ਸੈਂਸੈਕਸ ਇੱਕ ਵਾਰ 85,163.23 ਅੰਕ ’ਤੇ ਪਹੁੰਚ ਗਿਆ ਸੀ ਪਰ ਅਖੀਰ ’ਚ ਇਹ 84,914.04 ਅੰਕਾਂ ’ਤੇ ਬੰਦ ਹੋਇਆ। ਐੱਨਐੱਸਈ ਨਿਫ਼ਟੀ ਵੀ 1.35 ਅੰਕਾਂ ਦੇ ਉਛਾਲ ਨਾਲ 25,940.40 ਅੰਕ ’ਤੇ ਬੰਦ ਹੋਇਆ। ਨਿਫਟੀ ਨੇ ਅੱਜ ਇੱਕ ਸਮੇਂ 72.5 ਅੰਕ ਚੜ੍ਹ ਕੇ 26,011.55 ਅੰਕਾਂ ਦਾ ਨਵਾਂ ਰਿਕਾਰਡ ਬਣਾਇਆ ਸੀ। -ਪੀਟੀਆਈ